- Игиге айтсанг – билир, аманнга айтсанг – кюлюр.
- Акъылсызны джууукъгъа алма, акъыллыны кенгнге салма.
- Ачылгъан эт джабылыр, кёрген кёз унутмаз.
- Къан бла кирген, джан бла чыгъар.
- Суугъа – чабакъ, къаягъа – ыргъакъ.
- Уллу атлама – абынырса, уллу къабма – къарылырса.
- Бал – татлы, балдан да бала – татлы.
- Акъыл бла адеб эгизледиле.
- Ашарыкъда сайлагъаннга – чий гырджын.
- Тёзгеннге, джабылгъан эшик ачылыр.
- Окъ къызбайны джокълайды.
- Тойгъа барсанг, тоюб бар, эски тонунгу къоюб бар.
- Къарнынг ауруса, ауузунгу тый
- Кеси юйюмде мен да ханма.
- Бетинги сатма, малынгы сат.
- Тёрени джагъы джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Элни кючю – эмеген.
- Шекер бла туз – бир болмаз, ушамагъан – юй болмаз.
- Алим болгъандан эсе, адам болгъан къыйынды.
- Джылкъыдан – ат чыгъар, тукъумдан – джаш чыгъар.
- Юй ишлеген балта эшикде къалыр.
- Айтхан – тынч, этген – къыйын.
- Аман хансны – урлугъу кёб.
- Эр сокъур болсун, къатын тилсиз болсун.
- Джан саулукъ бермей, сан саулукъ бермезсе.
- Таукел адам тау тешер.
- Гугук кесини атын айтыб къычыргъанча, мен, мен деб нек тураса?
- Таш ата билмеген, башына урур.
- Джашны джигитлиги сорулур, къызны джигерлиги сорулур.
- Эл тойса, тоймагъан, эл къойса, къоймагъан.
- Тил бла келеди джыр да.
- Танг атмайма десе да, кюн къоярыкъ тюйюлдю.
- Акъыл къартда, джашда тюйюлдю – башдады.
- Ёлюр джаннга, ёкюл джокъ.
- Бермеген къол, алмайды.
- Рысхысына кёре, джаш ёсер, къышлыгъына кёре, мал ёсер.
- Къызны минг тилер, бир алыр.
- Тёрде – темир таякълы, къаяда – чыпчыкъ аякълы.
- Ат басханны джер билед.
- Ауузу бла къуш тута айланады.
- Чабакъ башындан чирийди.
- Болджал ишни бёрю ашар.
- Биреуню тёрюнден, кесинги эшик артынг игиди.
- Аууздан келген, къолдан келсе, ким да патчах болур эди.
- Кесине гебен этелмеген, биреуге черен эте эди.
- Тамбла алтындан бюгюн багъыр ашхы.
- Ашхы атаны – джашы ашхы, ашхы ананы – къызы ашхы.
- Бастасын ашагъан, хантусун да ичер.
- Борчунг бар эсе, хурджунунга ойлаб узал.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 5)