- Таула не мийик болсала да, аууш табылыр.
- Кюн – узун, ёмюр – къысха.
- Уллу сёзде уят джокъ.
- Уллу атлама – абынырса, уллу къабма – къарылырса.
- Тин – байлыгъынг, терен саулугъунг.
- Хатерли къул болур.
- Тойгъан антын унутур.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарнынг тойгъунчу аша да, белинг талгъынчы ишле.
- Къая джолда джортма, ачыкъ сёзден къоркъма.
- Ашхылыкъ джерде джатмайды, аманлыкъ суугъа батмайды.
- Джогъун бар этген, барын бал этген.
- Хар зат кесини орнуна иги.
- Айныгъанлы алты кюн, тогъайгъанлы тогъуз кюн.
- Биреуню тёрюнден, кесинги эшик артынг игиди.
- Баргъанынга кёре болур келгенинг.
- Соргъан айыб тюлдю, билмеген айыбды.
- Акъыл къартда, джашда тюйюлдю – башдады.
- Кёл – къызбай, къол – батыр.
- Сангырау къулакъ эл бузар.
- Зар адамны насыбы болмаз.
- Таш ата билмеген, башына урур.
- Билеги кючлю, бирни джыгъар, билими кючлю, мингни джыгъар.
- Накъырда – кертини келечиси.
- Чакъырылмай келген къонакъ сыйланмай кетер.
- Чомартны къолун джокълукъ байлар.
- Этни да ашады, бетни да ашады.
- Билим насыб берир, билим джолну керир.
- Тил – кесген бычакъ, сёз – атылгъан окъ.
- Кёпюр салгъан кеси ётер, уру къазгъан кеси кетер.
- Насыб бютеу халкъны юлюшюдю.
- Ауузу аманнга «иги», деме.
- Кёрмегеннге кебек – танг, битмегеннге сакъал – танг.
- Нарт сёз – тилни бети.
- Джырына кёре эжиую.
- Къууут – джелге, берне – бошха.
- Тау башында, тау болмаз, джангыз терек, бау болмаз.
- Юй ишлеген балта эшикде къалыр.
- Сютден ауузу кюйген, суугъа юфгюре эди.
- Ауузу бла къуш тута айланады.
- Азыкълы ат арымаз, къатыны аман джарымаз.
- Намыс сатылыб алынмайды.
- Ёксюзню къалачы уллу кёрюнюр.
- Окъугъан – асыу, окъумагъан – джарсыу.
- Джарашыу сюйген – джалынчакъ.
- Чомарт къолда мал къалмаз.
- Экеулен сёлеше тура эселе, орталарына барыб кирме.
- Келинни – келгинчи, бёркню кийгинчи кёр.
- Чакъырылмагъан джерге барма, чакъырылгъан джерден къалма.
- Илму – джашауну джолу.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 8)