- Къыз келсе, джумуш эте келеди, къатын келсе, ушакъ эте келеди.
- Тил бла келеди джыр да.
- Айран тёгюлсе, джугъусу къалыр.
- Экеулен сёлеше тура эселе, орталарына барыб кирме.
- Биреуге аманлыкъ этиб, кесинге игилик табмазса.
- Атадан ёксюз – бир ёксюз, анадан ёксюз – эки ёксюз.
- Ётген ёмюр – акъгъан суу.
- Ким бла джюрюсенг, аны кёзю бла кёрюнюрсе.
- Тёзгеннге, джабылгъан эшик ачылыр.
- Адеби болмагъан къыз – тузсуз хант.
- Аз айтсам, кёб ангылагъыз.
- Юй ишлеген балта эшикде къалыр.
- Ач отунчуну ачыуу – бурнунда.
- Кёб ант этген, кёб ётюрюк айтыр.
- Эри аманны, къатыны – аман.
- Сакъламагъан затынга джолукъсанг, не бек къууанаса, не бек ачыйса.
- Тойгъан джерге джети къайт.
- Арба аугъандан сора, джол кёргюзтюучю кёб болур.
- Джумушакъ терекни къурт ашар.
- Ана кёлю – балада, бала кёлю – талада.
- Тойгъа барсанг, тоюб бар, эски тонунгу къоюб бар.
- Ач да бол, токъ да бол – намысынга бек бол.
- Юреннген ауруу къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Биреу къой излей, биреу той излей.
- Ауузу бла къуш тута айланады.
- Адеб этмеген, адеб кёрмез.
- Артына баргъанны, къатына барма.
- Эртде тургъан джылкъычыны эркек аты тай табар.
- Ат басханны джер билед.
- Суугъа – чабакъ, къаягъа – ыргъакъ.
- Кёкдеги болмаса, джердегин кёрмейди.
- Мухар, кеси тойса да, кёзю тоймаз.
- Кийимни бичсенг, кенг бич, тар этген къыйын тюлдю.
- Итли къонакъ джарашмаз.
- Душманны тышы – акъ, ичи – къара.
- Кесинг сынамагъан затны, адамгъа буюрма.
- Къонакъны къачан кетерин сорма, къачан келлигин сор.
- Келгинчи, къонакъ уялыр, келгенден сора, къонакъбай уялыр.
- Эки итни арасына сюек атма, эки адамны арасында сёз чыгъарма.
- Ачыу алгъа келсе, акъыл артха къалады.
- Гугук кесини атын айтыб къычыргъанча, мен, мен деб нек тураса?
- Ашына кёре табагъы, балына кёре къалагъы.
- Харам къарнашдан, халал тенг ашхы.
- Айранны сюйген, ийнек тутар.
- Эрине къаргъыш этген къатын, эрнин къабар.
- Оюмсуз атлагъан, аджалсыз ёлюр.
- Билимден уллу байлыкъ джокъду.
- Эринчекни аурууу – кёб.
- Керилген да, ургъан кибикди.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 6)