- Арпа, будай – ащды, алтын, кюмюш а – ташды.
- Махтаннган къыз, тойда джукълар.
- Тилчи тилден къаныкъмаз.
- Ариу – кёзге, акъыл – джюрекге.
- Ариуну – ауруу кёб.
- От кюйдюрген, сау болса да, тот кюйдюрген, сау болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Бек ашыкъгъан меннге джетсин, дегенди аракъы.
- Адам боллукъ, атламындан белгили болур.
- Къралынгы – душмандан, башынгы от бла суудан сакъла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашыкъгъан cуу, тенгизге джетмез.
- Адамны сыфатына къарама, сёзюне къара.
- Къар – келтирди, суу – элтди.
- Эркишини аманы тиширыуну джылатыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Игини сыйлагъан адетди.
- Кёзюнде тереги болгъан, чёбю болгъаннга кюле эди.
- Ойнай-ойнай кёз чыгъар.
- Къайгъыны сюйген, къайгъы табар.
- Илму – джашауну джолу.
- Юй кюйдю да, кюйюз чыкъды, ортасындан тюйюш чыкъды.
- Биреуге аманлыкъ этиб, кесинге игилик табмазса.
- Эркиши – от, тиширыу – суу.
- Кюлме джашха – келир башха.
- Азыкълы ат арымаз, къатыны аман джарымаз.
- Олтуруб кёрюнмей эди да, ёрге туруб кёрюне эди.
- Адам сёзге тынгыла, акъыл сёзню ангыла.
- Аман хансны – урлугъу кёб.
- Адам сёзюнден белгили.
- Башы ишлегенни, ауузу да ишлер.
- Бал ашаргъа сюе эсенг, чибин ургъаннга тёз.
- Кюн кёрмеген, кюн кёрсе, кюндюз чыракъ джандырыр.
- Акъыл неден да кючлюдю.
- Мени джылытмагъан кюн, меннге тиймесин!
- Кийиминг бла танылма, адамлыкъ бла таныл.
- Тенгинг джокъ эсе – изле, бар эсе – сакъла!
- Къанны къан бла джуума, аманны аман бла къуума.
- Абынмазлыкъ аякъ джокъ, джангылмазлыкъ джаякъ джокъ.
- Къыз тиширыу кеси юйюнде да къонакъды.
- Сабийни джумушха джибер да, ызындан бар.
- Юреннген ауруу къалмаз.
- Кесинге джетмегенни, кёб сёлешме.
- Эринчекни аурууу – кёб.
- Биреуню эскиси биреуге джангы болмайды.
- Кёзю сокъурдан – къоркъма, кёлю сокъурдан – къоркъ.
- Бек анасы джыламаз.
- Баш болса, бёрк табылыр.
- Сёз – кюмюш, джыр – алтын.
- Джаралыны джастыгъында сау ёлюр.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 4)