- Кюн кёрмеген, кюн кёрсе, кюндюз чыракъ джандырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз сёзню айтдырыр.
- Айтхан сёзюне табылгъан.
- Ишлерге уял да, ашаргъа табма.
- Бал чибинни ургъаны – ачы, балы – татлы.
- Ариу сёз – къылычдан джити.
- Тил – кесген бычакъ, сёз – атылгъан окъ.
- Къонагъынгы артмагъын алма да, алгъышын ал.
- Ойнай билмеген, уруб къачар.
- Адамны сыфатына къарама, сёзюне къара.
- Орундукъ тюбюнде атылсам да, орта джиликме, де да айлан.
- Джетген къыз джерли эшекни танымаз.
- Аз сёлеш, кёб ишле.
- Атлыны кёрсе, джаяуну буту талыр.
- Джюрекге ариу – кёзге да ариу.
- Тик ёргени, тик энгишгеси да болады.
- Кёл – къызбай, къол – батыр.
- Адеб джокъда, намыс джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Таш ата билмеген, башына урур.
- Ауругъан – джашаудан умутчу.
- Къонагъы джокъну – шоху джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарлы тюеге минсе да, ит къабар.
- Джюрекден джюрекге джол барды.
- Бюгюн дуния кибик, тамбла ахыратды.
- Кёзю сокъурдан – къоркъма, кёлю сокъурдан – къоркъ.
- Къызын тута билмеген, тул этер, джашын тута билмеген, къул этер.
- Биреу ашаб къутулур, биреу джалаб тутулур.
- Къарт болгъан джерде, берекет болур, сабий болгъан джерде, оюн болур.
- Бир абыннган – минг сюрюнюр.
- Нёгер болсанг, тенг бол, тенг болмасанг, кенг бол.
- Эли джокъну – кёлю джокъ.
- Ана – юйню кюн джарыгъы.
- Аманны эки битли тону болур, бирин сеннге кийдирир, бирин кеси киер.
- Киштикге къанат битсе, чыпчыкъ къалмаз эди.
- Джарлы джети элни сёзюн этер.
- Къарнынг ауруса, ауузунгу тый
- Алтыннга тот къонмаз.
- Ана къолу ачытмаз.
- Къолунгдан къуймакъ ашатсанг да, атаны борчундан къутулмазса.
- Эл ауузу – элек, анга ийнаннган – халек.
- Джарлы эскисин джамаса, къууаныр.
- Джукъу тёшек сайламайды.
- Сакъалы текени да бар, мыйыгъы киштикни да бар.
- Ариуну – ауруу кёб.
- Акъыл сабырлыкъ берир.
- Олтуруб кёрюнмей эди да, ёрге туруб кёрюне эди.
- Къатын къылыкъсыз, эр тынчлыкъсыз.
Для любителей творчества Сапара Узденова....
Ответы
|
Билал,
Тинибек, нек кёрюнмейсиз ? Аллах айтса, эсен болурсуз. |
|
|
|
|
|
ШАТ
Шюкюр джокту хата. Сизле де игъи болурсуз деп ышанама. Дыгаласла ишле чырмауланы юсюнден озуп онглу болурла, Аллах айтса. Есенликле! |
|
|
|
|
|
Къач келе турады
   |
|
|
|
|
|
ШАТ
  |
|
|
|
|
|
Sabr
Сашадан бюгюн хапар джокъду. Бир адамлагъа тюбе- деген эдим, бир хапар билдирлик болур. Къагъанны да, анга кёре этербиз. |
|
|
|
|
|
Кюн бир ариуду. Анда, мийикде, чыранла джылтырайдыла.
Хауа шошду. Дуния шошду. Джашау иги зат болгъанын, бу кёзюу иги ангылатады. Махтау ДЖАШАУГЪА ! |
|
|
|
|
Читают тему (гостей: 7)