Навигация

Elbrusoid.org

Словарь

Берекет берсин деген джерде, берекет болур.
Юре билмеген ит, къонакъ келтирир.
Ач, тоймам, дейди, тойгъан, ач болмам, дейди.
Керилген да, ургъан кибикди.
Къазанны башы ачыкъ болса, итге уят керекди.
Окъумагъан сокъурду, сокъур ташха абыныр!
Къызбайны юйюне дери сюрсенг, батыр болур.
Аманны эки битли тону болур, бирин сеннге кийдирир, бирин кеси киер.
Баш болса, бёрк табылыр.
Ата Джуртуму башы болмасам да, босагъасында ташы болайым.
Тойгъан антын унутур.
Къонакъ аман болса, къонакъбай джунчур
Ауузу аманнга «иги», деме.
Джангыз торгъай джырламаз.
Ханнга да келеди хариблик.
Джахил болса анасы, не билликди баласы?
Ким бла джюрюсенг, аны кёзю бла кёрюнюрсе.
Келинин тута билмеген, къул этер, къызын тута билмеген, тул этер.
Тойгъа барсанг, тоюб бар, эски тонунгу къоюб бар.
Джолунга кёре – джюрюшюнг, джагъанга кёре – юлюшюнг.
Уллу сёлешме да, уллу къаб.
Адебни адебсизден юрен.
Нафысынгы айтханын этме, намысынгы айтханын эт.
Тойгъа алгъа да барма, тойда артха да къалма.
Кёл ашады да, кеси ашады.
Ашда – бёрю, ишде – ёлю.
Кирсизни – саны таза, халалны – къаны таза.
Аджалсыз ёлюм болмаз.
Нёгер болсанг, тенг бол, тенг болмасанг, кенг бол.
Сескекли кесин билдирир.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Юйюнгден чыкъдынг – кюнюнгден чыкъдынг.
Байны оноуу, джарлыгъа джарамаз.
Ач къарным, тынч къулагъым.
Иесиз малны бёрю ашар.
Ишни ахырын ойламай, аллын башлама.
Атлыны кёрсе, джаяуну буту талыр.
Тулпарлыкъ, билекден тюл – джюрекден.
Биреуню тёрюнден, кесинги эшик артынг игиди.
Агъач халкъгъа алтынды, иссиликге салкъынды.
Хаухну атма, ёнгкючню сатма.
Тилчи бир сагъатха айлыкъ хата этер.
Кёбге таш атма.
Таукел къуру къалмаз.
Тиширыусуз юй – отсуз от джагъа.
Джашда акъыл джокъ, къартда къарыу джокъ.
Накъырда – кертини келечиси.
Айран тёгюлсе, джугъусу къалыр.
Иши джокъну, сыйы джокъ.
Адам боллукъ, атламындан белгили болур.