Навигация

Elbrusoid.org

Словарь

Адебни адебсизден юрен.
Атлыны кёрсе, джаяуну буту талыр.
Юй ишлеген балта эшикде къалыр.
Тойгъан антын унутур.
Къонакъ аман болса, къонакъбай джунчур
Тойгъа алгъа да барма, тойда артха да къалма.
Этни бети бла шорпасы.
Агъач – джерни чырайы, кийим – эрни чырайы.
Къарнынг къанлынга кийирир.
Танг атмайма десе да, кюн къоярыкъ тюйюлдю.
Чакъырылмагъан къонакъ къачан кетерин сормаз.
Уллу къазанда бишген эт, чий къалмаз.
Кёбге таш атма.
Тик ёргени, тик энгишгеси да болады.
Ачлыкъ отха секиртир.
Джаш къарыу бла кючлю, къарт акъыл бла кючлю.
Нёгерсизни джолу узун.
Айтханы чапыракъдан ётмеген.
Тас болгъан бычакъны сабы – алтын.
Бир абыннган – минг сюрюнюр.
Ётюрюк хапар аякъ тюбю бла джюрюйдю.
Акъдан къара болмаз.
Билимсиз иш бармаз.
Ханнга да келеди хариблик.
Алтыда кюлмеген, алтмышда кюлмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Юй кюйдю да, кюйюз чыкъды, ортасындан тюйюш чыкъды.
Иги сеники эсе да, сюйген кесимикин этеме.
Ичимден чыкъды хата, къайры барайым сата?
Чакъырылгъанны аты, чакъырылмагъанны багъасы болур.
Билеги кючлю, бирни джыгъар, билими кючлю, мингни джыгъар.
Кюн кёрмеген, кюн кёрсе, кюндюз чыракъ джандырыр.
Биреуню къыйынлыгъы бла кесинге джол ишлеме.
Джырына кёре эжиую.
Къатын къылыкъсыз, эр тынчлыкъсыз.
Кёл – къызбай, къол – батыр.
Тойгъан джерден туугъан джер игиди.
Башы ишлегенни, ауузу да ишлер.
Къуру гыбыт бек дыгъырдар.
Телиге акъыл салгъандан эсе, ёлгеннге джан салырса.
Къая джолда джортма, ачыкъ сёзден къоркъма.
Джарлы тюеге минсе да, ит къабар.
Эки къатын алгъан – эки ташны ортасына башын салгъан.
Джюрек кёзден алгъа кёрюр.
Ишлегенде эринме, ишде чолакъ кёрюнме.
Чомарт бергенин айтмаз.
Термилгенинги табмазса, кюлгенинге тюберсе.
Джогъун бар этген, барын бал этген.
Ойнай билмеген, оюн бузар.
Биреуге аманлыкъны тилеме да, кесинге ашхылыкъны тиле.