Навигация

Elbrusoid.org

Словарь

Ишлерге уял да, ашаргъа табма.
Адамгъа аман кюн соруб келмейди.
Ашда уялгъан – мухар, ишде уялгъан – хомух.
Сёз садакъдан кючлюдю.
Адамны бетине къарама, адетине къара.
Къоркъакъны кёзю экили кёрюр.
Билимден уллу байлыкъ джокъду.
Ёлген аслан – сау чычхан.
Ач да бол, токъ да бол – намысынга бек бол.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къуру гыбыт бек дыгъырдар.
Илму – джашауну джолу.
Джаным-тиним – окъуу, билим.
Ата Джуртуму башы болмасам да, босагъасында ташы болайым.
Ишлегенде эринме, ишде чолакъ кёрюнме.
Тойгъа барсанг, тоюб бар, эски тонунгу къоюб бар.
Джаз бир кюнню джатсанг, къыш талай кюнню абынырса.
Дуния малгъа сатылма, кесингден телиге къатылма.
Джол бла сёзню къыйыры джокъ.
Окъугъан – асыу, окъумагъан – джарсыу.
Ёлмесенг да, къарт дамы болмазса?
Къыз келсе, джумуш эте келеди, къатын келсе, ушакъ эте келеди.
Кёбге таш атма.
Адам туугъан джеринде, ит тойгъан джеринде.
Баш – акъыл ючюн, акъылман – халкъ ючюн.
Ёгюзню мюйюзюнден тутадыла, адамны сёзюнден тутадыла.
Бет бетге къараса, бет да джерге къарар.
Джюрекге ариу – кёзге да ариу.
Джангыз торгъай джырламаз.
Халкъны джырын джырласанг, халкъ санга эжиу этер.
Уллу сёзде уят джокъ.
Соргъан айыб тюлдю, билмеген айыбды.
Хантына кёре тузу, юйюне кёре къызы.
Къазанда болса, чолпугъа чыгъар.
Эл ауузу – элек, анга ийнаннган – халек.
Ашха уста, юйюнде болсун
Джарлы тюеге минсе да, ит къабар.
Къолунгдан къуймакъ ашатсанг да, атаны борчундан къутулмазса.
Эки къатын алгъанны къулагъы тынгнгаймаз.
Эл тойса, тоймагъан, эл къойса, къоймагъан.
Кюн – узун, ёмюр – къысха.
Кюн кёрмеген, кюн кёрсе, кюндюз чыракъ джандырыр.
Джыйырма къойну юч джыйырма эбзе кюте эди.
Джашлыкъ этмеген, башлыкъ этмез.
Мухарны эси – ашарыкъда.
Минг тенг да азды, бир джау да кёбдю.
Нарт сёз – тилни бети.
Ханнга да келеди хариблик.
Иши джокъну, сыйы джокъ.
Хоншуну тауугъу къаз кёрюнюр, келини къыз кёрюнюр.