Расширенный поиск
3 Декабря 2025 года
Логин: Регистрация
Пароль: Забыли пароль?
Навигация
Словарь
  • «Ёгюз, джаргъа джууукъ барма, меннге джюк боллукъса», - дегенди эшек.
  • Аманнга да, игиге да оноусуз къатышма.
  • Накъырда – кертини келечиси.
  • Ачлыкъда тары гырджын халыуадан татлы.
  • Кёзню ачылгъаны – иги, ауузну джабылгъаны – иги.
  • Сютден ауузу кюйген, суугъа юфгюре эди.
  • Уруну арты – къуру.
  • Мал кёб болса, джууукъ кёб болур.
  • Акъыл неден да кючлюдю.
  • Чомартха хар кюн да байрамды.
  • Чабакъсыз кёлге къармакъ салгъанлыкъгъа, чабакъ тутмазса.
  • Кирсизни – саны таза, халалны – къаны таза.
  • Ышармагъан – кюлмез, кюлмеген – къууанчны билмез.
  • Эшекни не къадар тюйсенг да, ат болмаз.
  • Ана кёлю – балада, бала кёлю – талада.
  • Аллахха ийнаннган кишини, Аллах онгдурур ишин.
  • Ишлегенде эринме, ишде чолакъ кёрюнме.
  • Ётюрюкню башын керти кесер.
  • Кёбню кёрген – кёб билир.
  • Минг тенг да азды, бир джау да кёбдю.
  • Артына баргъанны, къатына барма.
  • Джашны джигитлиги сорулур, къызны джигерлиги сорулур.
  • Тенгни тенглиги джашай барсанг билинир.
  • Къолу уллу – асыу, аягъы уллу – джарсыу.
  • Чыбыкълыкъда бюгюлмеген, къазыкълыкъда бюгюлмей эди.
  • Эл тойса, тоймагъан, эл къойса, къоймагъан.
  • Этни да ашады, бетни да ашады.
  • Къарт бла баш аша, джаш бла аякъ аша.
  • Джарлыны тону джаз битер.
  • Атадан ёксюз – бир ёксюз, анадан ёксюз – эки ёксюз.
  • Аман адам этегингден тутса, кес да къач.
  • Кёб джашагъан – кёб билир.
  • Къонакъны къачан кетерин сорма, къачан келлигин сор.
  • Кесине оноу эте билмеген, халкъына да эте билмез.
  • Ичимден чыкъды хата, къайры барайым сата?
  • «Ма», - дегенни билмесенг, «бер», - дегенни билмезсе.
  • Кютгени беш эчки, сызгъыргъаны уа, джерни джарады.
  • Ойнай билмеген, уруб къачар.
  • Окъуу – билимни ачхычы, окъуу – дунияны бачхычы.
  • Къралынгы – душмандан, башынгы от бла суудан сакъла.
  • Бети бедерден, намыс сакълама.
  • Аджаллыгъа окъсуз шкок атылыр.
  • Тамырсыз терекге таянма – джыгъылырса.
  • Тойчу джашха къарама, къойчу джашха къара.
  • Биреу ашаб къутулур, биреу джалаб тутулур.
  • Аллахдан тилесенг, кёб тиле.
  • Ашхылыкъ джерде джатмайды, аманлыкъ суугъа батмайды.
  • Булут кёкге джарашыу, уят бетге джарашыу.
  • Билеги кючлю, бирни джыгъар, билими кючлю, мингни джыгъар.
  • Тилчи бир сагъатха айлыкъ хата этер.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии