Песен: 29 Создан:
06.05.2015 Обновлен:
29.01.2018
| 10 Сентября | 2026 года |
Навигация
- Эртде тургъан бла эртде юйленнген сокъуранмаз.
- Къан бла кирген, джан бла чыгъар.
- Таукел тауну аудурур.
- Эл элде бирер малынг болгъандан эсе, бирер тенгинг болсун.
- Башланнган иш битер, къымылдагъан тиш тюшер.
- Ишленмеген джаш – джюгенсиз ат, ишленмеген къыз – тузсуз хант.
- Кёзню ачылгъаны – иги, ауузну джабылгъаны – иги.
- Кюн кёрмеген, кюн кёрсе, кюндюз чыракъ джандырыр.
- Чабар ат – джетген къыз.
- Гугук кесини атын айтыб къычыргъанча, мен, мен деб нек тураса?
- Сабийликде юретмесенг, уллу болса – тюзелмез.
- Тамбла алтындан бюгюн багъыр ашхы.
- Къайгъы тюбю – тенгиз.
- Тил бла келеди джыр да.
- Къралынгы – душмандан, башынгы от бла суудан сакъла.
- Ёзденликни кёбю ётюрюк.
- Бастасын ашагъан, хантусун да ичер.
- Эртде тургъан джылкъычыны эркек аты тай табар.
- Джангыз терек къынгыр ёсер.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Таукелге нюр джауар.
- Биреуге аманлыкъ этиб, кесинге игилик табмазса.
- Кенгеш болса, уруш болмаз.
- Намыс болмагъан джерде, насыб болмаз.
- Итли къонакъ джарашмаз.
- Иши джокъну, сыйы джокъ.
- Тюкюрюк баш джармаз, налат кёз чыгъармаз!
- Адеб базарда сатылмаз.
- Къаллай салам берсенг, аллай джууаб алырса.
- Ашха уста, юйюнде болсун
- «Ёгюз, джаргъа джууукъ барма, меннге джюк боллукъса», - дегенди эшек.
- Тамырсыз терекге таянма – джыгъылырса.
- Акъыл къартда, джашда тюйюлдю – башдады.
- Ауузу бла къуш тута айланады.
- Ёлюр джаннга, ёкюл джокъ.
- Эшекге миннген – биринчи айыб, андан джыгъылгъан – экинчи айыб.
- Нарт сёз – тилни бети.
- Къонакъ аз олтурур, кёб сынар.
- Аман адамны тепсинге олтуртсанг, къызынгы тилер.
- Азыгъы аз, алгъа къабар, аты аман, алгъа чабар.
- Адамны бетине къарама, адетине къара.
- Юйюнгден чыкъдынг – кюнюнгден чыкъдынг.
- Къарнынг ауруса, ауузунгу тый
- Ауругъаннга – кийик саулукъ, джетген къызгъа – чилле джаулукъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыз тиширыу кеси юйюнде да къонакъды.
- Ёнгкюч къууана барыр, джылай келир.
- Хар ишни да аллы къыйынды.
- Тёрени джагъы джокъ.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
