- Ёзденликни кёбю ётюрюк.
- Джарашыу сюйген – джалынчакъ.
- Зар адамны насыбы болмаз.
- Ашда уялгъан – мухар, ишде уялгъан – хомух.
- Танг атмайма десе да, кюн къоярыкъ тюйюлдю.
- Адам туугъан джеринде, ит тойгъан джеринде.
- Бичгенде ашыкъма, тикгенде ашыкъ.
- Кирсизни – саны таза, халалны – къаны таза.
- Тилсиз миллет джокъ болур.
- Джол бла сёзню къыйыры джокъ.
- Малны кют, джерни тюрт.
- Бетинги сатма, малынгы сат.
- Адеби болмагъан къыз – тузсуз хант.
- Юй кюйдю да, кюйюз чыкъды, ортасындан тюйюш чыкъды.
- Сютню башын джалагъан къутулур, тюбюн ичген тутулур.
- Таула не мийик болсала да, аууш табылыр.
- Ашына кёре табагъы, балына кёре къалагъы.
- Кёкдеги болмаса, джердегин кёрмейди.
- Дуния аламаты сен эсенг да, игиме деб айтма.
- Билмезни кёзю кёрмез, этмезни къулагъы эшитмез.
- Алма терегинден кери кетмез.
- Джогъун бар этген, барын бал этген.
- Тюкюрюк баш джармаз, налат кёз чыгъармаз!
- Мухарны эси – ашарыкъда.
- Аманны эки битли тону болур, бирин сеннге кийдирир, бирин кеси киер.
- Эм ашхы къайын ана мамукъ бла башынгы тешер.
- Ойнаб айтсанг да, эслеб айт.
- Игини сыйлагъан адетди.
- Къоркъакъны кёзю экили кёрюр.
- Ачыу алгъа келсе, акъыл артха къалады.
- Чёбню кёлтюрсенг, тюбюнден сёз чыгъар.
- Суу кетер, таш къалыр.
- Халкъны юйю – туугъан джери.
- Тюз сёз баргъан сууну тыяр.
- Адебни адебсизден юрен.
- Ётюрюкню башын керти кесер.
- Бек ашыкъгъан меннге джетсин, дегенди аракъы.
- Биреуню тёрюнден, кесинги эшик артынг игиди.
- Бир онгсуз адам адет чыгъарды, деб эштирик тюлсе.
- Кёз – сюйген джерде, къол – ауругъан джерде.
- Оюмсуз атлагъан, аджалсыз ёлюр.
- Къонакъ болсанг, ийнакъ бол.
- Ач – эснер, ат – кишнер.
- Эл ауузу – элия.
- Ашхы тенг джолгъа салыр, аман тенг джолдан тайдырыр.
- Джарлы эскисин джамаса, къууаныр.
- Сескекли кесин билдирир.
- Ашха уста, юйюнде болсун
- Агъач халкъгъа алтынды, иссиликге салкъынды.
- Тюзлюк тас болмайды.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)