- Тулпарлыкъ, билекден тюл – джюрекден.
- Этни да ашады, бетни да ашады.
- Минг тенг да азды, бир джау да кёбдю.
- Окъуу – билимни ачхычы, окъуу – дунияны бачхычы.
- Накъырда – кертини келечиси.
- Ашатыргъа иш – ашхы, ишлетирге аш – ашхы.
- Биреуге кёлтюрген таягъынг, кесинги башынга урур.
- Ётюрюк хапар аякъ тюбю бла джюрюйдю.
- Зарда марда джокъ.
- Адеб этмеген, адеб кёрмез.
- Ат да турмайды бир териде.
- Аман киши кеси юйюнде – къонакъ.
- Бал ашаргъа сюе эсенг, чибин ургъаннга тёз.
- Джырчы ёлсе, джыры къалыр.
- Ётген ёмюр – акъгъан суу.
- Ким бла джюрюсенг, аны кёзю бла кёрюнюрсе.
- Экиндини кеч къылсанг, чабыб джетер ашхам.
- Джюрекге ариу – кёзге да ариу.
- Байма, деб да, къууанма, джарлыма, деб да, джылама.
- Хунаны тюбюн къазсанг, юсюнге ауар.
- Ёпкелегенни ашы татлы болады.
- Сибиртки да сыйлы болду, кюрек да кюнлю болду.
- Рысхы – сют юсюнде кёмюк кибикди.
- Таукел адам тау тешер.
- Таякъ этден ётер, тил сюекден ётер.
- Ач – эснер, ат – кишнер.
- Эртде тургъан джылкъычыны эркек аты тай табар.
- Онгсузну – джакъла, тенгликни – сакъла.
- Аш берме да, къаш бер.
- Аманнга алтын чыдамаз.
- Эшекни не къадар тюйсенг да, ат болмаз.
- Джыланны къуйругъундан басарынг келсе, аны башы болгъанын унутма.
- Тил джюрекге джол ишлейди.
- Ёзденликни кёбю ётюрюк.
- Ойнай-ойнай кёз чыгъар.
- Сакъламагъан затынга джолукъсанг, не бек къууанаса, не бек ачыйса.
- Ишленмеген джаш – джюгенсиз ат, ишленмеген къыз – тузсуз хант.
- Аджаллыгъа окъсуз шкок атылыр.
- Ишлемеген – тишлемез.
- Кёз – сюйген джерде, къол – ауругъан джерде.
- Харам къарнашдан, халал тенг ашхы.
- Гырджын – тепсини тамадасы.
- Сормай – алма, чакъырылмай – барма.
- Къыйынлы джети элге оноу этер.
- Билмезни кёзю кёрмез, этмезни къулагъы эшитмез.
- Агъач халкъгъа алтынды, иссиликге салкъынды.
- Бетинги сатма, малынгы сат.
- Иги сеники эсе да, сюйген кесимикин этеме.
- Абынмазлыкъ аякъ джокъ, джангылмазлыкъ джаякъ джокъ.
- Сабыр джетер муратха, сабырсыз къалыр уятха.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)