- Садакъачыны джаны – къапчыгъында.
- Келлик заман – къартлыкъ келтирир, кетген заман – джашлыкъ ёлтюрюр.
- Чомарт къолда мал къалмаз.
- Аш хазыр болса, иш харам болур.
- Тилсиз миллет джокъ болур.
- Къанны къан бла джуума, аманны аман бла къуума.
- Соргъан айыб тюлдю, билмеген айыбды.
- Бир онгсуз адам адет чыгъарды, деб эштирик тюлсе.
- Ашхы атаны – джашы ашхы, ашхы ананы – къызы ашхы.
- Аман къатын сабий табса, бий болур…
- Артына баргъанны, къатына барма.
- Ёксюзню тилеги къабыл болур.
- Чомарт бергенин айтмаз.
- Дуния малгъа сатылма, кесингден телиге къатылма.
- Тёрдеги кюлсе, эшикдеги ышарыр.
- Тулпарлыкъ, билекден тюл – джюрекден.
- Окъуу – билимни ачхычы, окъуу – дунияны бачхычы.
- Баш болса, бёрк табылыр.
- Урунуу – насыбны анасы.
- Ариу – кёзге, акъыл – джюрекге.
- Бети къызарыучу адамны, джюреги харам болмаз.
- Джарлы джети элни сёзюн этер.
- Ишин билген, аны сыйын чыгъарады.
- Чомартха Тейри да борчлуду.
- Ашыкъгъанны этеги бутуна чырмалыр.
- Тенги кёбню джау алмаз, акъылы кёбню дау алмаз.
- Чакъырылмагъан джерге барма, чакъырылгъан джерден къалма.
- Тамчы таш тешер.
- Джарлы тюеге минсе да, ит къабар.
- Акъыллы башны – тили къысха.
- Татлы тилде – сёз ариу, чемер къолда – иш ариу.
- Айтхан – тынч, этген – къыйын.
- Эртде тургъан бла эртде юйленнген сокъуранмаз.
- Харам къарнашдан, халал тенг ашхы.
- Сагъышы джокъ – джукъучу, акъылы джокъ – къаугъачы.
- Аякъларынгы джууургъанынга кёре узат.
- Кёз – сюйген джерде, къол – ауругъан джерде.
- Эки къатын алгъанны къулагъы тынгнгаймаз.
- Мадар болса, къадар болур.
- Къазанчы аман болса, къазаны къайнамаз.
- Игилик игилик бла сингдирилиучю затды.
- Ауругъаннга – кийик саулукъ, джетген къызгъа – чилле джаулукъ.
- Джан саулукъ бермей, сан саулукъ бермезсе.
- Эм ашхы къайын ана мамукъ бла башынгы тешер.
- Кюн – узун, ёмюр – къысха.
- Джылкъыдан – ат чыгъар, тукъумдан – джаш чыгъар.
- Эл ауузу – элия.
- Айтханы чапыракъдан ётмеген.
- Джыланны къуйругъундан басарынг келсе, аны башы болгъанын унутма.
- Мал ёлсе, сюек къалыр, адам ёлсе, иши къалыр.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)