- Билим къая тешер.
- Азыкълы ат арымаз, къатыны аман джарымаз.
- Сакъалы текени да бар, мыйыгъы киштикни да бар.
- Хар ишни да аллы къыйынды.
- Джеринден айырылгъан – джети джылар, джуртундан айырылгъан – ёлгюнчю джылар.
- Эм ашхы къайын ана мамукъ бла башынгы тешер.
- Акъыллы – эл иеси, тели – эл баласы.
- Ашхы сёз таш тешер.
- Кёб джат да, бек чаб.
- Чыкълы кюнде чыкъмагъан, чыкъса къуру кирмеген.
- Бети – къучакълар, джюреги – бычакълар.
- Онгсузну – джакъла, тенгликни – сакъла.
- Ёпкелегенни ашы татлы болады.
- Иги сеники эсе да, сюйген кесимикин этеме.
- Башы ишлегенни, ауузу да ишлер.
- Къолу уллу – асыу, аягъы уллу – джарсыу.
- Джаханимни кёрмей, джандетге кёл салмазса.
- Бек анасы джыламаз.
- Дууулдаса – бал чибин, къонса – къара чибин.
- Айырылмаз джууугъунга, унутмаз сёзню айтма.
- Сютден ауузу кюйген, суугъа юфгюре эди.
- Борчунг бар эсе, хурджунунга ойлаб узал.
- Тойгъанлыкъ къойгъа джарашады.
- Айтханы чапыракъдан ётмеген.
- Джыгъылгъанны сырты джерден тоймаз.
- Байдан умут эте, джарлыдан ёгюз багъасы къорады.
- Тойгъан джерден туугъан джер игиди.
- Джукъу тёшек сайламайды.
- Сакъламагъан затынга джолукъсанг, не бек къууанаса, не бек ачыйса.
- Байны оноуу, джарлыгъа джарамаз.
- Къайгъыны сюйген, къайгъы табар.
- Билимсиз иш бармаз.
- Ашда уялгъан – мухар, ишде уялгъан – хомух.
- Билгенни къолу къарны джандырыр.
- Тёзген – тёш ашар!
- Ачыу алгъа келсе, акъыл артха къалады.
- Акъыл сабырлыкъ берир.
- Намыс болмагъан джерде, насыб болмаз.
- Джаз бир кюнню джатсанг, къыш талай кюнню абынырса.
- Адам сёзге тынгыла, акъыл сёзню ангыла.
- Кесинг сынамагъан затны, адамгъа буюрма.
- Мал ёлсе, сюек къалыр, адам ёлсе, иши къалыр.
- Ётюрюкчюню шагъаты – къатында.
- Этни бети бла шорпасы.
- Суу кетер, таш къалыр.
- «Ма», - дегенни билмесенг, «бер», - дегенни билмезсе.
- Зар адам ашынгы ашар, кесинги сатар.
- Билимден уллу байлыкъ джокъду.
- Бет бетге къараса, бет да джерге къарар.
- Къумурсхала джыйылсала, пилни да джыгъадыла.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 2)