- Этни да ашады, бетни да ашады.
- Азыкълы ат арымаз, къатыны аман джарымаз.
- Элни кючю – эмеген.
- Эртде тургъан джылкъычыны эркек аты тай табар.
- Экеу тутушса, биреу джыгъылыр.
- Мен да «сен», дейме, сен да «кесим», дейсе.
- Билмезни кёзю кёрмез, этмезни къулагъы эшитмез.
- Адам боллукъ, атламындан белгили болур.
- Ойнаб айтсанг да, эслеб айт.
- Ач бёрюге мекям джокъ.
- Эли джокъну – кёлю джокъ.
- Насыблы элин сюер, насыбсыз кесин сюер.
- Дууулдаса – бал чибин, къонса – къара чибин.
- Тойгъан джерге джети къайт.
- Урама да – ёледи, сатама да – келеди.
- Хазыр ашха – терен къашыкъ.
- Башынга джетмегенни сорма.
- Эл бла кёргенинг эрелей.
- Чабар ат – джетген къыз.
- Байлыкъ тауусулур, билим тауусулмаз.
- Нарт сёз къарт болмаз.
- Тиширыусуз юй – отсуз от джагъа.
- Иесиз малны бёрю ашар.
- Къатыны харакетли болса, эри къымсыз болур.
- Кёзю сокъурдан – къоркъма, кёлю сокъурдан – къоркъ.
- Суу кетер, таш къалыр.
- Къызбайны юйюне дери сюрсенг, батыр болур.
- Ачыкъ джюрекге джол – ачыкъ.
- Байма, деб да, къууанма, джарлыма, деб да, джылама.
- Рысхы джалгъанды: келген да этер, кетген да этер.
- Кюн кёрмеген, кюн кёрсе, кюндюз чыракъ джандырыр.
- Ач, тоймам, дейди, тойгъан, ач болмам, дейди.
- Эллинг бла джау болсанг да, юйюнг бла джау болма.
- Ёлген ийнек сютлю болур.
- Тойгъандан сора, ашны сёкме.
- Окъдан джара эртде-кеч болса да бителир, сёз джара, ёмюрге къалыр.
- Ашхылыкъ джерде джатмайды, аманлыкъ суугъа батмайды.
- Узун джолну барсанг, бюгюн келирсе, къысха джолну барсанг, тамбла келирсе.
- Сескекли кесин билдирир.
- Тай асырагъан, атха минер.
- Ойнай билмеген, уруб къачар.
- Бетинги сатма, малынгы сат.
- Бермеген къол, алмайды.
- Билеги кючлю, бирни джыгъар, билими кючлю, мингни джыгъар.
- Эртде тургъан бла эртде юйленнген сокъуранмаз.
- Айран ичген – къутулду, джугъусун джалагъан – тутулду.
- Къызын тута билмеген, тул этер, джашын тута билмеген, къул этер.
- Атлыны кёрсе, джаяуну буту талыр.
- Кёрмегеннге кебек – танг, битмегеннге сакъал – танг.
- Игиге айтсанг – билир, аманнга айтсанг – кюлюр.
Къарачай-малкъар миллетим
|
Къарачай - жанглыз Карачай жери тююлдю бизге
Малкар - жанглыз Малкар жери тююлдю бизге Жерим - адети, намысы, дини, тили бла кёклеге жетген легендар Карачай Малкарияды! |
|
|
|
|
 |
|
|
|
|
 |
||||
|
|
|
|||
Читают тему (гостей: 1)