- От кюйдюрген, сау болса да, тот кюйдюрген, сау болмаз.
- Тамбла алтындан бюгюн багъыр ашхы.
- Ёлген ийнек сютлю болур.
- Этни да ашады, бетни да ашады.
- Ашыкъгъанны этеги бутуна чырмалыр.
- Билмезни кёзю кёрмез, этмезни къулагъы эшитмез.
- Ата Джуртун танымагъан, атасын да танымаз.
- Ойнаб айтсанг да, эслеб айт.
- Сабийни джумушха джибер да, ызындан бар.
- Кёлю джокъну – джолу джокъ.
- Къошда джокъгъа – юлюш джокъ.
- Окъдан джара эртде-кеч болса да бителир, сёз джара, ёмюрге къалыр.
- Сагъышы джокъ – джукъучу, акъылы джокъ – къаугъачы.
- Зар адам ашынгы ашар, кесинги сатар.
- Къайгъы тюбю – тенгиз.
- Джылар джаш, атасыны сакъалы бла ойнар.
- Алтыда кюлмеген, алтмышда кюлмез.
- Босагъагъа джууукъ орун болса, ашыгъыб тёрге озма.
- Тулпарлыкъ, билекден тюл – джюрекден.
- Ётген ёмюр – акъгъан суу.
- Башынга джетмегенни сорма.
- Тик ёргени, тик энгишгеси да болады.
- Юй ишлеген балта эшикде къалыр.
- Джаш болсун, къыз болсун, акъылы, саны тюз болсун.
- Кёзню ачылгъаны – иги, ауузну джабылгъаны – иги.
- Игини сыйлагъан адетди.
- Гырджын – тепсини тамадасы.
- Къызын тута билмеген, тул этер, джашын тута билмеген, къул этер.
- Къатын байлыкъны сюер, эр саулукъну сюер.
- Акъдан къара болмаз.
- Бойнуму джети джерден кессенг да, мен ол ишни этеллик тюлме.
- Айныгъанлы алты кюн, тогъайгъанлы тогъуз кюн.
- Джюрек кёзден алгъа кёрюр.
- Окъуу – билимни ачхычы, окъуу – дунияны бачхычы.
- Эки элинги тыйсанг, джети элде махталырса.
- Ата – билек, ана – джюрек!
- Акъыллы башны – тили къысха.
- Башда акъыл болмаса, эки аякъгъа кюч джетер.
- Кюн кёрмеген, кюн кёрсе, кюндюз чыракъ джандырыр.
- Къонакъ болсанг, ийнакъ бол.
- Ата Джуртча джер болмаз, туугъан элча эл болмаз.
- Байлыкъдан саулукъ ашхыды.
- Мени джылытмагъан кюн, меннге тиймесин!
- Рысхы – насыбха къор.
- Джуртун къоругъан озар.
- Къайтырыкъ эшигинги, къаты уруб чыкъма.
- Ёлген аслан – сау чычхан.
- Чабакъ башындан чирийди.
- Окъугъан – асыу, окъумагъан – джарсыу.
- Айранын берсенг, челегин да къызгъанма.
