- Мухар, кеси тойса да, кёзю тоймаз.
- Игиге айтсанг – билир, аманнга айтсанг – кюлюр.
- Ким бла джюрюсенг, аны кёзю бла кёрюнюрсе.
- Акъыл сабырлыкъ берир.
- Чомартха Тейри да борчлуду.
- Кёб джат да, бек чаб.
- Суу да къайтады чыкъгъан джерине.
- Сакъламагъан затынга джолукъсанг, не бек къууанаса, не бек ачыйса.
- Ашхылыкъ джерде джатмайды, аманлыкъ суугъа батмайды.
- Джюрекден джюрекге джол барды.
- Адебсиз адам – джюгенсиз ат.
- Сагъыш – къартлыкъгъа сюйюмчю.
- Ёлмесенг да, къарт дамы болмазса?
- Чёбню кёлтюрсенг, тюбюнден сёз чыгъар.
- Термилгенинги табмазса, кюлгенинге тюберсе.
- Хоншуну тауугъу къаз кёрюнюр, келини къыз кёрюнюр.
- Айран ичген – къутулду, джугъусун джалагъан – тутулду.
- Къаллай салам берсенг, аллай джууаб алырса.
- Эл бла кёргенинг эрелей.
- Адамны джюреги нени кёрюрге сюйсе, кёзю да аны кёрюрге ёч болады.
- Джыланны къуйругъундан басарынг келсе, аны башы болгъанын унутма.
- Биреу къой излей, биреу той излей.
- Эркишиге тары кебек танг кёрюнюр.
- Атадан ёксюз – бир ёксюз, анадан ёксюз – эки ёксюз.
- Акъылсызны джууукъгъа алма, акъыллыны кенгнге салма.
- Чакъырылмагъан къонакъ тёрге атламаз.
- Ашхы тенг джолгъа салыр, аман тенг джолдан тайдырыр.
- Айтылгъан буйрукъ, сёгюлмез
- Намысы болмагъанны, сыйы болмаз.
- Зар адамны насыбы болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Магъанасыз сёз – тауушсуз сыбызгъы.
- Ауругъанны сау билмез, ач къарынны токъ билмез.
- Агъач – джерни чырайы, кийим – эрни чырайы.
- Къатыны харакетли болса, эри къымсыз болур.
- Ишни ахырын ойламай, аллын башлама.
- Арпа, будай – ащды, алтын, кюмюш а – ташды.
- Къарыусузгъа кюлме, онгсузгъа тийме.
- Иги адамны бир сёзю эки болмаз.
- Дженгил джетерикме деб, узун джолну къоюб, къысхасын барма.
- Джан саулукъ бермей, сан саулукъ бермезсе.
- Чоюнну башы ачыкъ болса, итге уят керекди.
- Иги сеники эсе да, сюйген кесимикин этеме.
- Юреннген ауруу къалмаз.
- Чомартны къолун джокълукъ байлар.
- Байны къызы баймакъ болса да, юйде къалмаз!
- Байлыкъ болгъан джерде, тынчлыкъ джокъду.
- Ашда – бёрю, ишде – ёлю.
- Сютню башын джалагъан къутулур, тюбюн ичген тутулур.
- Ёзденликни джайгъан – джокълукъ.
