- Сибиртки да сыйлы болду, кюрек да кюнлю болду.
- Къарны аманнга къазан такъдырма, къолу аманнга от джакъдырма.
- Эм ашхы къайын ана мамукъ бла башынгы тешер.
- Тойчу джашха къарама, къойчу джашха къара.
- Тыш элде солтан болгъандан эсе, кесинги элде олтан болгъан игиди!
- Игини сыйлагъан адетди.
- Джюрекден джюрекге джол барды.
- Къайгъыны сюйген, къайгъы табар.
- Экеулен сёлеше тура эселе, орталарына барыб кирме.
- Къыз чыгъаргъан – къызыл къымжа.
- Джаш болсун, къыз болсун, акъылы, саны тюз болсун.
- Джерни букъусу кёкге къонмаз.
- Башы джабылгъан челекге, кир тюшмез.
- Кюн кёрмеген, кюн кёрсе, кюндюз чыракъ джандырыр.
- Мухарны эси – ашарыкъда.
- Тойгъан антын унутур.
- Кёзюнде тереги болгъан, чёбю болгъаннга кюле эди.
- Элге къуллукъ этмеген, элге ие болмаз.
- Ач бёрюге мекям джокъ.
- Ашхы сёз таш тешер.
- Джангыз терек къынгыр ёсер.
- Терек ауса, отунчу – кёб.
- Уясында не кёрсе, учханында аны этер.
- Ач отунчуну ачыуу – бурнунда.
- Термилгенинги табмазса, кюлгенинге тюберсе.
- Джахил болса анасы, не билликди баласы?
- Хантына кёре тузу, юйюне кёре къызы.
- Ёгюзню мюйюзюнден тутадыла, адамны сёзюнден тутадыла.
- Ариу сёзде ауруу джокъ.
- Аш иеси бла татлыды.
- Къазанчы аман болса, къазаны къайнамаз.
- Ата Джуртун танымагъан, атасын да танымаз.
- Аджашхан тёгерек айланыр.
- Кёкдеги болмаса, джердегин кёрмейди.
- Иши джокъну, сыйы джокъ.
- Джиби бир къат джетмей эди да, эки къат тарта эди.
- «Ма», - дегенни билмесенг, «бер», - дегенни билмезсе.
- Джигер – джаннга къыйынлыкъ.
- Джылкъыдан – ат чыгъар, тукъумдан – джаш чыгъар.
- Намысы джокъну – дуниясы джокъ.
- Байны къызы баймакъ болса да, юйде къалмаз!
- Эринчекни эр алмаз, эр алса да, кёл салмаз, кёл салса да, кёб бармаз!
- Къанны къан бла джуума, аманны аман бла къуума.
- Гитче джилтин уллу элни джандырыр.
- Эрни эр этерик да, къара джер этерик да, тиширыуду.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманнга алтын чыдамаз.
- Узун джолну барсанг, бюгюн келирсе, къысха джолну барсанг, тамбла келирсе.
- Тиширыусуз юй – отсуз от джагъа.
- Джети тилни билген джети кишиди.
