- Джол бла сёзню къыйыры джокъ.
- Ишлемеген – тишлемез.
- Халкъгъа джарагъан, джарлы къалмаз.
- Ёлген эшек бёрюден къоркъмайды.
- Тёгюлген тюгел джыйылмайды.
- Ач, тоймам, дейди, тойгъан, ач болмам, дейди.
- Малны кют, джерни тюрт.
- Суу да къайтады чыкъгъан джерине.
- Суугъа – таянма, джаугъа – ийнанма.
- Кёб ант этген, кёб ётюрюк айтыр.
- Кёзюнде тереги болгъан, чёбю болгъаннга кюле эди.
- Телини эшигин, махтау джабар.
- Джангыз торгъай джырламаз.
- Дженгил джетерикме деб, узун джолну къоюб, къысхасын барма.
- Тамчы таш тешер.
- Аджалсыз ёлюм болмаз.
- Адеб джокъда, намыс джокъ.
- Гугурук къычырмаса да, тангны атары къалмаз.
- Ата – баланы уясы.
- Къайтырыкъ эшигинги, къаты уруб чыкъма.
- Бир абыннган – минг сюрюнюр.
- Игини сыйлагъан адетди.
- Къыйынлы джети элни къайгъысын этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билгенни къолу къарны джандырыр.
- Ашхы адам – халкъ байлыгъы, ашхы джер – джашау байлыгъы.
- Ашхы болсанг, атынг чыгъар, аман болсанг, джанынг чыгъар.
- Кёлсюзден сёзсюз тууар.
- Сескекли кесин билдирир.
- Аз айтсам, кёб ангылагъыз.
- Ишленмеклик адамлыкъды.
- Къая джолда джортма, ачыкъ сёзден къоркъма.
- Юйюнг бла джау болгъандан эсе, элинг бла джау бол.
- Тау башында, тау болмаз, джангыз терек, бау болмаз.
- Ачылгъан эт джабылыр, кёрген кёз унутмаз.
- Джигер – джаннга къыйынлыкъ.
- Окъумагъан сокъурду, сокъур ташха абыныр!
- Адамны аты башхача, акъылы да башхады.
- Окъугъанны бети джарыкъ.
- Башда акъыл болмаса, эки аякъгъа кюч джетер.
- Къонагъынгы артмагъын алма да, алгъышын ал.
- Сагъышы джокъ – джукъучу, акъылы джокъ – къаугъачы.
- Къонакъ болсанг, ийнакъ бол.
- Къуру гыбыт бек дыгъырдар.
- Тенгинг джокъ эсе – изле, бар эсе – сакъла!
- Сёз садакъдан кючлюдю.
- Ауузу бла къуш тута айланады.
- Тешигини къатында, чычхан да батыр болур.
- Айтылгъан буйрукъ, сёгюлмез
- Чалманны аллы къалай башланса, арты да алай барады.
