- Алтыннга тот къонмаз.
- Мадар болса, къадар болур.
- Насыб бютеу халкъны юлюшюдю.
- Эл ауузу – элия.
- Ауузу бла къуш тута айланады.
- Бир абыннган – минг сюрюнюр.
- Айтылгъан сёз ызына къайтмаз.
- Таш бла ургъанны, аш бла ур.
- Тойгъа алгъа да барма, тойда артха да къалма.
- Окъугъанны бети джарыкъ.
- Таугъа чыгъаллыкъ эсенг, тюзде къалма.
- Къоркъакъны кёзю экили кёрюр.
- Ичимден чыкъды хата, къайры барайым сата?
- Тамчы таш тешер.
- Тилчи тилден къаныкъмаз.
- От этилмеген джерден тютюн чыкъмайды.
- Ана къолу ачытмаз.
- Тилчи бир сагъатха айлыкъ хата этер.
- Джырына кёре эжиую.
- Ашыкъгъанны этеги бутуна чырмалыр.
- Акъыллы айтыр эди, акъылсыз къоймайды.
- Чакъырылмагъан къонакъ – орунсуз.
- Ашхы болсанг, атынг чыгъар, аман болсанг, джанынг чыгъар.
- Гугук кесини атын айтыб къычыргъанча, мен, мен деб нек тураса?
- Ач къалгъандан, кеч къалгъан къолай.
- Чабакъгъа акъыл, табагъа тюшсе келеди.
- Акъдан къара болмаз.
- Ишни аллы бла къууанма да, арты бла къууан.
- Джылар джаш, атасыны сакъалы бла ойнар.
- Эрни эр этерик да, къара джер этерик да, тиширыуду.
- Хар ишни да аллы къыйынды.
- Аджал соруб келмез, келсе, къайтыб кетмез.
- Тюкюрюк баш джармаз, налат кёз чыгъармаз!
- Джукъу тёшек сайламайды.
- Тилчиден кери бол.
- Таукел тауну аудурур.
- Чомартха хар кюн да байрамды.
- Къартны сыйын кёрмеген, къартлыгъында сыйлы болмаз.
- Къатын байлыкъны сюер, эр саулукъну сюер.
- Ёлюк кебинсиз къалмаз.
- Кийиминг бла танылма, адамлыкъ бла таныл.
- Тешигини къатында, чычхан да батыр болур.
- Ана къойну – балагъа джандет.
- Онгсузну – джакъла, тенгликни – сакъла.
- Эшекни не къадар тюйсенг да, ат болмаз.
- Ата Джуртун танымагъан, атасын да танымаз.
- Билимсиз иш бармаз.
- Ач отунчуну ачыуу – бурнунда.
- Кёбден умут этиб, аздан къуру къалма.
- Адамны аманы адамны бети бла ойнар.
