- Этек чакъмакълары баш джаргъан, сёлешген сёзлери таш джаргъан.
- Иги сёз – джаннга азыкъ, аман сёз башха – къазыкъ.
- Тил – кесген бычакъ, сёз – атылгъан окъ.
- Къошда джокъгъа – юлюш джокъ.
- Акъыллы башны – тили къысха.
- Ёлген ийнек сютлю болур.
- Кёл – къызбай, къол – батыр.
- Джарлыны эшигин махтагъан джабар.
- Ана – юйню кюн джарыгъы.
- Окъ къызбайны джокълайды.
- Дуния мал дунияда къалады.
- Рысхы джалгъанды: келген да этер, кетген да этер.
- Тилчиден кери бол.
- Арпа, будай – ащды, алтын, кюмюш а – ташды.
- Аз айтсам, кёб ангылагъыз.
- Аурууну келиую тынч, кетиую – къыйын.
- Джашлыкъ этмеген, башлыкъ этмез.
- Окъдан джара эртде-кеч болса да бителир, сёз джара, ёмюрге къалыр.
- Мураты болгъанны джюрек тебюую башхады.
- Джети тилни билген джети кишиди.
- Суугъа – таянма, джаугъа – ийнанма.
- Уллу сёзде уят джокъ.
- Башы ишлегенни, ауузу да ишлер.
- Акъылсызны джууукъгъа алма, акъыллыны кенгнге салма.
- Атынг аманнга чыкъгъандан эсе, джанынг тамагъынгдан чыкъсын.
- Керти сёзге тёре джокъ.
- Эрине къаргъыш этген къатын, эрнин къабар.
- Хар зат кесини орнуна иги.
- Уллу атлама – абынырса, уллу къабма – къарылырса.
- Эм ашхы къайын ана мамукъ бла башынгы тешер.
- Джигер – джаннга къыйынлыкъ.
- Ашатыргъа иш – ашхы, ишлетирге аш – ашхы.
- Сабий болмагъан джерде, мёлек болмаз.
- Ёлюр джаннга, ёкюл джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Сёз сёзню айтдырыр.
- Сормай – алма, чакъырылмай – барма.
- Бети къызарыучу адамны, джюреги харам болмаз.
- Мадар болса, къадар болур.
- Къарыусузгъа кюлме, онгсузгъа тийме.
- Кийиминг бла танылма, адамлыкъ бла таныл.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джюрек кёзден алгъа кёрюр.
- Соргъан айыб тюлдю, билмеген айыбды.
- Кёкдеги болмаса, джердегин кёрмейди.
- Акъыл сабырлыкъ берир.
- Эр абынмай, эл танымаз.
- Суу да къайтады чыкъгъан джерине.
- Окъугъан – асыу, окъумагъан – джарсыу.
- Ат басханны джер билед.
