- Юйюнгден чыкъдынг – кюнюнгден чыкъдынг.
- Иги адамны бир сёзю эки болмаз.
- Тамчы таш тешер.
- Экеу тутушса, биреу джыгъылыр.
- Бал чибинни ургъаны – ачы, балы – татлы.
- Къызгъанчдан ычхыныр, мухардан ычхынмаз.
- Ётюрюкню къуйругъу – бир тутум.
- Аман адам элни бир-бирине джау этер.
- Бал – татлы, балдан да бала – татлы.
- Баргъанынга кёре болур келгенинг.
- Айран ичген – къутулду, джугъусун джалагъан – тутулду.
- Кюл тюбюндеги от кёрюнмейди.
- Ач уят къоймаз.
- Сабий кёргенин унутмаз.
- Дууулдаса – бал чибин, къонса – къара чибин.
- Уясында не кёрсе, учханында аны этер.
- Ушамагъан – джукъмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ач къарным, тынч къулагъым.
- Сангырау къулакъ эл бузар.
- Ойнай-ойнай кёз чыгъар.
- Кютгени беш эчки, сызгъыргъаны уа, джерни джарады.
- Ашхы тенг джолгъа салыр, аман тенг джолдан тайдырыр.
- Намысы болмагъанны, сыйы болмаз.
- Къыз чыгъаргъан – къызыл къымжа.
- Сютню башын джалагъан къутулур, тюбюн ичген тутулур.
- Тюкюрюк баш джармаз, налат кёз чыгъармаз!
- Хазыр ашха – терен къашыкъ.
- Ариу сёз – къылычдан джити.
- Къазанчы аман болса, къазаны къайнамаз.
- Сагъышы джокъ – джукъучу, акъылы джокъ – къаугъачы.
- Джаш къарыу бла кючлю, къарт акъыл бла кючлю.
- Джылар джаш, атасыны сакъалы бла ойнар.
- Билгенни къолу къарны джандырыр.
- Аллахха ийнаннган кишини, Аллах онгдурур ишин.
- Чомарт къонакъ юй иесин сыйлар.
- Къарнынг бла ёч алма.
- Уллу айтханны этмеген – уллаймаз.
- Артына баргъанны, къатына барма.
- Гыдай эчки суугъа къараб, мюйюзле кёрмесе, джашма алкъын, дегенди.
- Суу да къайтады чыкъгъан джерине.
- Юй кюйдю да, кюйюз чыкъды, ортасындан тюйюш чыкъды.
- Кёб ант этген, кёб ётюрюк айтыр.
- Кёл – къызбай, къол – батыр.
- Игилик игилик бла сингдирилиучю затды.
- Кечеси – аяз, кюню – къыш, джарлы къаргъагъа бир аш тюш!
- Джарлыны тону джаз битер.
- Дуния аламаты сен эсенг да, игиме деб айтма.
- Шапа кёб болса, аш татымсыз болур.
- Ариу джол аджал келтирмез.
