- Ишлерге уял да, ашаргъа табма.
- Ишни аллы бла къууанма да, арты бла къууан.
- Иги сеники эсе да, сюйген кесимикин этеме.
- Таш ата билмеген, башына урур.
- Арбаз къынгырды да, ийнек сауалмайма.
- Ишни ахырын ойламай, аллын башлама.
- Бойнуму джети джерден кессенг да, мен ол ишни этеллик тюлме.
- Адамны аманы адамны бети бла ойнар.
- Айырылгъанланы айю ашар, бёлюннгенлени бёрю ашар.
- Аманны къуугъан, аманлыкъ табар.
- Алтыннга тот къонмаз.
- Ётюрюкден тюбю джокъ, кёлтюрюрге джиби джокъ.
- Эм уллу байлыкъ – джан саулукъ.
- Зар адамны насыбы болмаз.
- Акъыллы айтыр эди, акъылсыз къоймайды.
- Адамны аты башхача, акъылы да башхады.
- Ач уят къоймаз.
- Ач къалгъандан, кеч къалгъан къолай.
- Къалгъан ишге къар джауар.
- Таула не мийик болсала да, аууш табылыр.
- Намыс болмагъан джерде, насыб болмаз.
- Бозаны арты дауур болур.
- Эки къатын алгъан – эки ташны ортасына башын салгъан.
- От кюйдюрген, сау болса да, тот кюйдюрген, сау болмаз.
- Байдан умут эте, джарлыдан ёгюз багъасы къорады.
- Кёб ант этген, кёб ётюрюк айтыр.
- Атлыны кёрсе, джаяуну буту талыр.
- Сакъламагъан затынга джолукъсанг, не бек къууанаса, не бек ачыйса.
- Туз, гырджын аша, тюзлюк бла джаша.
- Тилчи бир сагъатха айлыкъ хата этер.
- Тилчи тилден къаныкъмаз.
- Чакъырылмай келген къонакъ сыйланмай кетер.
- Тыш элде солтан болгъандан эсе, кесинги элде олтан болгъан игиди!
- Аджалсыз ёлюм болмаз.
- Билимден уллу байлыкъ джокъду.
- Урама да – ёледи, сатама да – келеди.
- Айтхан сёзюне табылгъан.
- Ана къойну – балагъа джандет.
- Джылкъыдан – ат чыгъар, тукъумдан – джаш чыгъар.
- Ашыкъгъанны этеги бутуна чырмалыр.
- Къарнынг тойгъунчу аша да, белинг талгъынчы ишле.
- Къолу уллу – асыу, аягъы уллу – джарсыу.
- Билимсиз иш бармаз.
- Ёксюзню тилеги къабыл болур.
- Татлы сёз – балдан татлы.
- Адам туугъан джеринде, ит тойгъан джеринде.
- Хоншуну тауугъу къаз кёрюнюр, келини къыз кёрюнюр.
- Уллу сёлешме да, уллу къаб.
- Таугъа чыгъаллыкъ эсенг, тюзде къалма.
- Эркишиге тары кебек танг кёрюнюр.
