- Кесине гебен этелмеген, биреуге черен эте эди.
- Кюн кёрмеген, кюн кёрсе, кюндюз чыракъ джандырыр.
- Джылар джаш, атасыны сакъалы бла ойнар.
- Джырчы джырчыгъа – къарнаш.
- Ата – баланы уясы.
- Ишленмеген джаш – джюгенсиз ат, ишленмеген къыз – тузсуз хант.
- Уясында не кёрсе, учханында аны этер.
- Эртде тургъан джылкъычыны эркек аты тай табар.
- Юй кюйдю да, кюйюз чыкъды, ортасындан тюйюш чыкъды.
- Минг тенг да азды, бир джау да кёбдю.
- Айтылгъан сёз ызына къайтмаз.
- Къыз чыгъаргъан – къызыл къымжа.
- Къумурсхала джыйылсала, пилни да джыгъадыла.
- Бал ашаргъа сюе эсенг, чибин ургъаннга тёз.
- Ишлегенде эринме, ишде чолакъ кёрюнме.
- Ёгюзню мюйюзюнден тутадыла, адамны сёзюнден тутадыла.
- Билим насыб берир, билим джолну керир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабий болмагъан джерде, мёлек болмаз.
- Ауругъанны сау билмез, ач къарынны токъ билмез.
- Ашда уялгъан – мухар, ишде уялгъан – хомух.
- Тёрени джагъы джокъ.
- Къонакъ аз олтурур, кёб сынар.
- Тешигини къатында, чычхан да батыр болур.
- Мал ёлсе, сюек къалыр, адам ёлсе, иши къалыр.
- Джангыз торгъай джырламаз.
- Азыгъы аз, алгъа къабар, аты аман, алгъа чабар.
- Аман адам элни бир-бирине джау этер.
- Бетинги сатма, малынгы сат.
- Ауругъан – джашаудан умутчу.
- Ач уят къоймаз.
- Арба аугъандан сора, джол кёргюзтюучю кёб болур.
- Садакъачыны джаны – къапчыгъында.
- Иесиз малны бёрю ашар.
- Билмейме деген – бир сёз
- Эркишиге тары кебек танг кёрюнюр.
- Кенгеш болса, уруш болмаз.
- Джаным-тиним – окъуу, билим.
- Тас болгъан бычакъны сабы – алтын.
- Ёгюзню мюйюзлери ауурлукъ этмейдиле.
- Джырына кёре эжиую.
- Чомарт къонакъ юй иесин сыйлар.
- Тамчы таш тешер.
- Халкъгъа джарагъан, джарлы къалмаз.
- Бет бетге къараса, бет да джерге къарар.
- Тели турса – той бузар.
- Магъанасыз сёз – тауушсуз сыбызгъы.
- Иги – алгъыш этер, аман – къаргъыш этер.
- Кёбню кёрген – кёб билир.
- Уллу атлама – абынырса, уллу къабма – къарылырса.
