- От этилмеген джерден тютюн чыкъмайды.
- Аз сёлешген, къайгъысыз турур.
- Ёпкелегенни ашы татлы болады.
- Дженгил джетерикме деб, узун джолну къоюб, къысхасын барма.
- Тас болгъан бычакъны сабы – алтын.
- Адамны бетине къарама, адетине къара.
- Бек ашыкъгъан меннге джетсин, дегенди аракъы.
- Кийиминг бла танылма, адамлыкъ бла таныл.
- Телиге акъыл салгъандан эсе, ёлгеннге джан салырса.
- Юй ишлеген балта эшикде къалыр.
- Ишлегенде эринме, ишде чолакъ кёрюнме.
- Башы ишлегенни, ауузу да ишлер.
- Чомартны къолун джокълукъ байлар.
- Кёб къычыргъандан – къоркъма, тынч олтургъандан – къоркъ.
- Ач отунчуну ачыуу – бурнунда.
- Хар ишни да аллы къыйынды.
- Адамны сыфатына къарама, сёзюне къара.
- Тик ёргени, тик энгишгеси да болады.
- Хантына кёре тузу, юйюне кёре къызы.
- Тюзлюк шохлукъну бегитир.
- Арпа, будай – ащды, алтын, кюмюш а – ташды.
- Акъыл бла адеб эгизледиле.
- Эки къатын алгъан – эки ташны ортасына башын салгъан.
- Джюрекге ариу – кёзге да ариу.
- Окъ къызбайны джокълайды.
- Байлыкъ тауусулур, билим тауусулмаз.
- Ойнай-ойнай кёз чыгъар.
- Тин – байлыгъынг, терен саулугъунг.
- Джыгъылгъанны сырты джерден тоймаз.
- Ишге юренсин къоллары, халкъ бла болсун джоллары.
- Баш – акъыл ючюн, акъылман – халкъ ючюн.
- Тенгинг джокъ эсе – изле, бар эсе – сакъла!
- Джан саулукъ бермей, сан саулукъ бермезсе.
- Рысхысына кёре, джаш ёсер, къышлыгъына кёре, мал ёсер.
- Кёз – сюйген джерде, къол – ауругъан джерде.
- Мал ёлсе, сюек къалыр, адам ёлсе, иши къалыр.
- Кёзюнде тереги болгъан, чёбю болгъаннга кюле эди.
- Окъдан джара эртде-кеч болса да бителир, сёз джара, ёмюрге къалыр.
- Джарашыу сюйген – джалынчакъ.
- Адамны артындан къара сабан сюрме.
- Ашхы болсанг, атынг чыгъар, аман болсанг, джанынг чыгъар.
- Сёз – кюмюш, джыр – алтын.
- Зарда марда джокъ.
- Тил – миллетни джаны.
- Магъанасыз сёз – тауушсуз сыбызгъы.
- Кенгеш болса, уруш болмаз.
- Къонакъ аман болса, къонакъбай джунчур
- Чакъырылмагъан къонакъ – орунсуз.
- Кёл ашады да, кеси ашады.
- Илму – джашауну джолу.
Келигиз, тил байлыгъыбызны сакълайыкъ!
|
karach
чардакъ да дейле...ол да тюз боллукъду.... Кергелен так мы тоже знаем)))))) а кто знает как кафель будет? |
|
|
|
|
|
samalet
кафеля не будет))) |
|
|
|
|
|
представь себе уже есть))))) как то в словаре прочитал, : кафель - къабыргъаны, печни юсюне тёшелген сыйдам джукъа кирпич.
|
|
|
|
|
|
Кюнюгюз ашхы болсун Къарачай-малкъар миллетим!
 Бек сейир ушакъ бардырасыз, къараймада  Кафельни уа къайдан табдыгъыз?  |
|
|
|
|
|
Кергелен
Да энди менге потолок къалай боллугъун айтсанг сапсем аламат боллукъ эди) |
|
|
|
|
|
karach
потолок: мен юйню башы деп билеме.Есгиден юйлени башына аруу кёрюнсюн деп кумач чага едиле. |
|
|
|
|
|
Asya
потолок: мен юйню башы деп билеме Мен да алайды деб тура эдим. Тюлмюдю? Билсегиз джазмай къоймагъыз, болсунму?  |
|
|
|
|
|
Акъыллычыкъ
Къызчыкъ, 20 бетде мен сенъе джазгъанны окъудунъму? |
|
|
|
|
|
Кергелен
Къызчыкъ, 20 бетде мен сенъе джазгъанны окъудунъму? АКЪ БАРС--- ирбис---снежный барс. А барс а къалай боллукъду? Огъесе алай айтылыбмы къалады? |
|
|
|
|
|
Эртденигиз ашхы болсун!
Не эте турасыз? |
|
|
|
|
|
всезнайка
Да не этебиз ишни, былайда олтуруб, бир-бирибиз бла ушакъны бардырыргъа табсакъ  |
|
|
|
|
|
Акъыллычыкъ
всезнайка Да не этебиз ишни, былайда олтуруб, бир-бирибиз бла ушакъны бардырыргъа табсакъ Ингирге ушхуур а ким этсин Юиде болсам, уллу эгечлериме ышаныр эдим,мында уа ... |
|
|
|
|
|
всезнайка
Ингирге ушхуур а ким этсин Юиде болсам, уллу эгечлериме ышаныр эдим,мында уа ... Мен кесим къаллыкъ болсам юйде, эриннгенден ашарыкъ этмей да къояма! |
|
|
|
|
|
всезнайка
Sister бла Oshhamaho да 1 сагъатдан келликдиле. Уллу салам къызлагъа Къарачай шахардан! |
|
|
|
|
|
Девушка Гор
Уллу салам къызлагъа Къарачай шахардан! Абизательна |
|
|
|
|
|
Салам алейкум къызла
 Эртден ашхы болсун джашла |
|
|
|
|
|
всезнайка
Бир иги джаза келе эдинг, буздунг да къойдунг  Абизательна Къарачайча къалай джуаб берирге керек эди? |
|
|
|
|
Читают тему (гостей: 1)