Войти на сайт
30 Июня 2026 года

 

  • Адамны аты башхача, акъылы да башхады.
  • Чабакъ башындан чирийди.
  • Чабакъсыз кёлге къармакъ салгъанлыкъгъа, чабакъ тутмазса.
  • Ач, тоймам, дейди, тойгъан, ач болмам, дейди.
  • Ёксюзню тилеги къабыл болур.
  • Тёгюлген тюгел джыйылмайды.
  • Акъыл къартда, джашда тюйюлдю – башдады.
  • Онгсузну – джакъла, тенгликни – сакъла.
  • Намыс сатылыб алынмайды.
  • Окъугъанны бети джарыкъ.
  • Ата Джуртуму башы болмасам да, босагъасында ташы болайым.
  • Къаллай салам берсенг, аллай джууаб алырса.
  • Акъдан къара болмаз.
  • Къонагъы джокъну – шоху джокъ.
  • Джырына кёре эжиую.
  • Аууздан келген, къолдан келсе, ким да патчах болур эди.
  • Билим ат болуб да чабар, къуш болуб да учар.
  • Ауурну тюбю бла, дженгилни башы бла джюрюген.
  • Намысы болмагъанны, сыйы болмаз.
  • Тилчи бир сагъатха айлыкъ хата этер.
  • Келинни – келгинчи, бёркню кийгинчи кёр.
  • Джолунга кёре – джюрюшюнг, джагъанга кёре – юлюшюнг.
  • Ашаса, ашамаса да, бёрюню ауузу – къан.
  • Сабий кёргенин унутмаз.
  • Ариу сёз – джаннга азыкъ, аман сёз – башха къазыкъ.
  • Окъдан джара эртде-кеч болса да бителир, сёз джара, ёмюрге къалыр.
  • Кесине гебен этелмеген, биреуге черен эте эди.
  • Кёл – къызбай, къол – батыр.
  • Ышармагъан – кюлмез, кюлмеген – къууанчны билмез.
  • Аллахха ийнаннган кишини, Аллах онгдурур ишин.
  • Ана къолу ачытмаз.
  • Ёлмесенг да, къарт дамы болмазса?
  • Джарлы эскисин джамаса, къууаныр.
  • Чакъырылгъанны аты, чакъырылмагъанны багъасы болур.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Тили узунну, намысы – къысха.
  • Ёксюзню къалачы уллу кёрюнюр.
  • Байлыкъ адамны сокъур этер.
  • Мени джылытмагъан кюн, меннге тиймесин!
  • Берекет берсин деген джерде, берекет болур.
  • Аманнга игилик этсенг, юйюнге сау бармазса.
  • Бермеген къол, алмайды.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джылыгъа джылан илешир.
  • Акъыл неден да кючлюдю.
  • Тёрде – темир таякълы, къаяда – чыпчыкъ аякълы.
  • Ётюрюкчюню шагъаты – къатында.
  • Башы джабылгъан челекге, кир тюшмез.
  • Билеги кючлю, бирни джыгъар, билими кючлю, мингни джыгъар.
  • Насыблы элин сюер, насыбсыз кесин сюер.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 41 42 43 44 45 ... 62 След.
RSS
Келигиз, тил байлыгъыбызны сакълайыкъ!
 
#1051
Джаратама0
07.07.2008 22:24:16
karach
Да алай айтсанъа айюнъе , бизни да шобраларыбызны къозгъамай.
Саламаликум къарнашчыгъым!
Потолок бла тарбууннъа нек киргенсе ?

АЛЛАХ айтыб келинчик келтире айлана болурмуса ?
 
 
 
#1052
Джаратама0
07.07.2008 22:27:35
Кергелен

Уалейкум Ассалам!

Да ол сезню билгеннге деб эчешген эдик биреу бла)))

Келинчикни юсюнденда сагъыш этиучанма)))
 
 
 
#1053
Джаратама0
07.07.2008 22:40:26
karach

Келинчикни юсюнденда сагъыш этиучанма)))

Иги джаш, АЛЛАХ айтса ,доб деген, бир иги къызчыкъны келинчик этиб
къояса.
 
 
 
#1054
Джаратама0
08.07.2008 14:58:35
Кюнюгюз ашхы болсун, багъалы джамагъат! Нечикле ишлей турасыз?
 
 
 
#1055
Джаратама0
08.07.2008 23:14:35
Кергелен

Амин!
 
 
 
#1056
Джаратама0
09.07.2008 21:42:33
Неле бола турасыз къарачай-малкъар миллетим?
 
 
 
#1057
Джаратама0
09.07.2008 22:31:16
Акъыллычыкъ
Неле бола турасыз
до боли знакомое выражение
 
 
 
#1058
Джаратама0
09.07.2008 22:44:01
Карачай
до боли знакомое выражение
Ол дегенинг
 
 
 
#1059
Джаратама0
09.07.2008 22:45:04
Акъыллычыкъ

Кеси да не аитыргъа билмесе, былай сорады да, андан аитады алай.
 
 
 
#1060
Джаратама0
09.07.2008 23:01:06
всезнайка
Кеси да не аитыргъа билмесе, былай сорады да, андан аитады алай Кертиси бла да?
Карачай
Кечериксе къарнашым, сени сёзлеринги хайырландырыргъа боллукъмуду бир-бирледе?
 
 
 
#1061
Джаратама0
11.07.2008 16:01:24
Кюнюгюз ашхы болсун! Нек джукълайсыз, ангыламайма Огъесе тил байлыгъыбызны сакъларгъа кереклисин унутубму турасыз?
 
 
 
#1062
Джаратама0
11.07.2008 22:49:41
Кюнюгюз ашхы болсун! Нек джукълайсыз, ангыламайма

Акъыллычыкъ

Ашхылыкъ кер! сау кел , от алгъамы киргененъ. ?

АЛЛАХАЙНАН, бюгюнлю алай джукълайбыз, тохтамай бизни районда,
Москвада джаууб турады, Лондонча болдукъ ахырсы.
 
 
 
#1063
Джаратама0
12.07.2008 00:04:50
Cалам алейкум...
Не айта турама?)))) Огъай-огъай ,араб тилде сёлешерим келмейди)))))къуруда къарачай-малкъарча))))))
Ингиригиз ашхы болсун!
 
 
 
#1064
Джаратама0
12.07.2008 03:52:01
Акъыллычыкъ
сенге любой зат
 
 
 
#1065
Джаратама0
12.07.2008 14:47:39
Нартланы юслеринден джазыгъыз...Ёрюзмек, Дебет..Сосурукъ....эмда...


Тейри, Апсаты,Чоппа, Аймуш.......Бу БАЙЛЫКЪНЫ унутмагъыз
 
 
 
#1066
Джаратама0
14.07.2008 10:35:14
Къанамат


Нартланы юслеринден джазыгъыз...Ёрюзмек, Дебет..Сосурукъ....эмда...


Тейри, Апсаты,Чоппа, Аймуш.......Бу БАЙЛЫКЪНЫ унутмагъыз
Мен нартланы юсюнден китабны кеб кере окъугъанма, Апсатыны эмда Аимушну юсюнден да. Бусагъатда китаб биргеме болмагъаны себебли-джукъ джазаллыкъ тюлме.Эсимде къалгъан а-Апсаты уучулукъ бла баиламлы-къызы Фатима, Аимуш къой сюрюучю-къоилары келге кетиб къалгъан, Дебет-темирчи(кузнец), Ерюзмек а уа-оюнлары эсимде къалгъанды-Бу да Ерюзмекни оюнларыны бириди-деб эмегенлени къозугъаны.
 
 
 
#1067
Джаратама0
14.07.2008 11:03:47
всезнайка

Сау бол...
Быллай затла мени бек сейирсиндириб турадыла
 
 
 
#1068
Джаратама0
14.07.2008 15:47:50
Къанамат
Нартланы юслеринден джазыгъыз...Ёрюзмек, Дебет..Сосурукъ....
Не зат джазайыкъ нартланы юслеринден? Къайсы бир хапарны, бусагъат сагъыш этейим да джазарма, болсунму?
 
 
 
#1069
Джаратама0
15.07.2008 19:15:55
Къанамат
Нартланы юслеринден бир кесекчик джазайым

Кюндю Сатанайны атасы,
Айды аны тапхан татлы анасы.
Айдан аны Тенгиз тейри урлагъанды,
Аны аты Суу Желмаууз болгъанды.

Тенгиз тейри айрымканда джашыргъанды,
Джашыргъанлай, ненча джылла ашыргъанды.
Ай тутулуп, кёзю-бети къаралгъанды,
Ачыуундан, джюрегинден таралгъанды.

Ай да, Кюн да тутулалла аны ючюн,
Титирейле, къалтырайла аны ючюн.
Джерден ала джарыкъларын тыядыла,
Джылаб, ала джулдузланы джыядыла.

Джерге ала мийик кёкден къарайдыла,
Сатанайны къайдагъысын сурайдыла.
Не болгъанын, къайдагъысын табалмайла,
Джелмауузгъа сорургъа ала базалмайла.

Ай джыласа, кёзлеринден джауад джауунла,
Кюн къыздырса, джерде джанад къауданла.
Сатанайны Суу Джелмаууз букъдургъанды, бермейди,
Айрымканда аны киши кёрмейди.

Айрымканны юсюн туман бла джапханды,
Кеси, кирип, тенгиз тюпде джатханды.
Сатанайгъа Суу Анасы къарагъанды,
Алтын чачын къолу бла тарагъанды.

Не болса да, кюню аман бла батханды,
Тенгиз тангы аман бла атханды.
Белек джылла джылай-джылай тургъанды,
Бир кечеде къачаргъа ал бургъанды.

Бетин бояб, чыкъгъанд тенгиз джагъагъа,
Излей барыб, миннгенд къайын къангагъа.
Бутун-къолун къалакъ этип тартханды,
Джелле, сюре, къара джерге атханды.

Алмостула, къараб, аны алгъандыла,
Къара орманнга элтиб, ашла салгъандыла.
Алмостула тамыр ашла бергендиле,
Сатанайны сыйлы, ариу кёргендиле.

Алмостула сёлеширге билмей элле,
Сатанайны бирда эриши кёрмей элле.
.................................................. ......
андан арысын джазарма........
 
 
 
#1070
Джаратама0
17.07.2008 15:02:35
Нартлагъада джетдик, аламат! Мен да билгеними джазайым, бусагъатдан...
 
 
 
#1071
Джаратама0
17.07.2008 16:01:30
Ассалам Аллекум багалы джамагат нешлейсиз
 
 
 
#1072
Джаратама0
17.07.2008 16:02:41
Карачай

алейкум ас-салам олтурабыз))
кесинг къалайса брат?
 
 
 
#1073
Джаратама0
18.07.2008 21:25:44
Татлы тилде-сёз ариу, чемер къолда-иш ариу. Тил ариу джерде-къол чемер, тил ачы джерде-джан бечел.
 
 
 
#1074
Джаратама0
21.07.2008 14:54:50
всезнайка
Татлы тилде-сёз ариу, чемер къолда-иш ариу.
Аман ариу айтылгъанды, тюппе-тюз!
 
 
 
#1075
Джаратама0
23.07.2008 20:05:15
Девушка Гор
Ангыламайма, Сатанайны юсюнден джазгъанынг бла не болдунг? Унутуб къойгъан болмазса?
 
 
 
#
Джаратама0
 
 
 
Страницы: Пред. 1 ... 41 42 43 44 45 ... 62 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.