- Адам боллукъ, атламындан белгили болур.
- Джогъун бар этген, барын бал этген.
- Этни бети бла шорпасы.
- Къатын байлыкъны сюер, эр саулукъну сюер.
- Бал – татлы, балдан да бала – татлы.
- Байлыкъ болгъан джерде, тынчлыкъ джокъду.
- Сютден ауузу кюйген, суугъа юфгюре эди.
- Къулакъдан эсе, кёзге ышан.
- Кийиминг бла танылма, адамлыкъ бла таныл.
- Атынг аманнга чыкъгъандан эсе, джанынг тамагъынгдан чыкъсын.
- Ачылгъан эт джабылыр, кёрген кёз унутмаз.
- Хантына кёре тузу, юйюне кёре къызы.
- Бет бетге къараса, бет да джерге къарар.
- Гырджын – тепсини тамадасы.
- Къарт бла баш аша, джаш бла аякъ аша.
- Абынмазлыкъ аякъ джокъ, джангылмазлыкъ джаякъ джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Билим насыб берир, билим джолну керир.
- Джырына кёре эжиую.
- Суу да къайтады чыкъгъан джерине.
- Элни кючю – эмеген.
- Ач отунчуну ачыуу – бурнунда.
- Тиширыусуз юй – отсуз от джагъа.
- Джаз бир кюнню джатсанг, къыш талай кюнню абынырса.
- Къоркъакъны кёзю экили кёрюр.
- Джол бла сёзню къыйыры джокъ.
- Экиндини кеч къылсанг, чабыб джетер ашхам.
- Уллу айтханны этмеген – уллаймаз.
- Ёксюзню тилеги къабыл болур.
- Къанны къан бла джуума, аманны аман бла къуума.
- Олтуруб кёрюнмей эди да, ёрге туруб кёрюне эди.
- Нарт сёз – тилни бети.
- Шапа кёб болса, аш татымсыз болур.
- Гугурук къычырмаса да, тангны атары къалмаз.
- Адеб джокъда, намыс джокъ.
- Окъугъан – асыу, окъумагъан – джарсыу.
- Юйюнгден чыкъдынг – кюнюнгден чыкъдынг.
- Иши джокъну, сыйы джокъ.
- Ашхы атаны – джашы ашхы, ашхы ананы – къызы ашхы.
- Айтхан – тынч, этген – къыйын.
- Терек ауса, отунчу – кёб.
- Бермеген къол, алмайды.
- Зар адамны насыбы болмаз.
- Туз, гырджын аша, тюзлюк бла джаша.
- Зар адам ашынгы ашар, кесинги сатар.
- Гугук кесини атын айтыб къычыргъанча, мен, мен деб нек тураса?
- Тау башында, тау болмаз, джангыз терек, бау болмаз.
- Дуния аламаты сен эсенг да, игиме деб айтма.
- Кёб къычыргъандан – къоркъма, тынч олтургъандан – къоркъ.
- Эрни эр этерик да, къара джер этерик да, тиширыуду.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 2)