- Хантына кёре тузу, юйюне кёре къызы.
- Къар – келтирди, суу – элтди.
- Джангызны оту джарыкъ джанмаз!
- Таукел къуру къалмаз.
- Хансыз джомакъ болмаз.
- Кёзю сокъурдан – къоркъма, кёлю сокъурдан – къоркъ.
- Тилчи бир сагъатха айлыкъ хата этер.
- Ышармагъан – кюлмез, кюлмеген – къууанчны билмез.
- Ханнга да келеди хариблик.
- Аман адамны тепсинге олтуртсанг, къызынгы тилер.
- Аман къатын алгъан, арыр, иги къатын алгъан джарыр.
- Гитче джилтин уллу элни джандырыр.
- Акъыллы башны – тили къысха.
- Эл ауузу – элек, анга ийнаннган – халек.
- Телиге от эт десенг, юйюнге от салыр.
- Иги болса, тамадама – махтау, аман болса, меннге – айыб.
- Кюлме джашха – келир башха.
- Дуния малгъа сатылма, кесингден телиге къатылма.
- Адам туугъан джеринде, ит тойгъан джеринде.
- Баргъанынга кёре болур келгенинг.
- Уруну арты – къуру.
- Окъугъанны бети джарыкъ.
- Ашхы болсанг, атынг чыгъар, аман болсанг, джанынг чыгъар.
- Ашына кёре табагъы, балына кёре къалагъы.
- Къарны аманнга къазан такъдырма, къолу аманнга от джакъдырма.
- Айран ичген – къутулду, джугъусун джалагъан – тутулду.
- Татлы тилде – сёз ариу, чемер къолда – иш ариу.
- Чёбню кёлтюрсенг, тюбюнден сёз чыгъар.
- Аджаллыгъа окъсуз шкок атылыр.
- Эски джаугъа ышанма.
- Къатын къылыкъсыз, эр тынчлыкъсыз.
- Иши джокъну, сыйы джокъ.
- Джыланны къуйругъундан басарынг келсе, аны башы болгъанын унутма.
- Чомартны къолун джокълукъ байлар.
- Аз сёлешген, къайгъысыз турур.
- Тыш элде солтан болгъандан эсе, кесинги элде олтан болгъан игиди!
- Айырылгъанланы айю ашар, бёлюннгенлени бёрю ашар.
- Джашны джигитлиги сорулур, къызны джигерлиги сорулур.
- Узун джолну барсанг, бюгюн келирсе, къысха джолну барсанг, тамбла келирсе.
- Аманны тукъумуна къарама, игини тукъумун сорма.
- Эр сокъур болсун, къатын тилсиз болсун.
- Гырджын – тепсини тамадасы.
- Зар адам ашынгы ашар, кесинги сатар.
- Аз айтсам, кёб ангылагъыз.
- Насыблы элин сюер, насыбсыз кесин сюер.
- Ёзденликни кёбю ётюрюк.
- Гугук кесини атын айтыб къычыргъанча, мен, мен деб нек тураса?
- Ариу джол аджал келтирмез.
- Мал тутхан – май джалар.
- Кимни – тили, тиши онглу, кимни – къолу, иши онглу.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 14)