- Шайтан алдады, тюзлюк къаргъады.
- Ёлмесенг да, къарт дамы болмазса?
- Мал ёлсе, сюек къалыр, адам ёлсе, иши къалыр.
- Билмезни кёзю кёрмез, этмезни къулагъы эшитмез.
- Агъач – джерни чырайы, кийим – эрни чырайы.
- Адам сёзге тынгыла, акъыл сёзню ангыла.
- Ач къарынны, токъ билмез
- Ачылгъан эт джабылыр, кёрген кёз унутмаз.
- Ёлюк кебинсиз къалмаз.
- Ашлыкъны арба юйге келтирир, чана базаргъа элтир.
- Байлыкъ тауусулур, билим тауусулмаз.
- Таякъ этден ётер, тил сюекден ётер.
- Къуллукъчума, деб махтанма, къуллукъ – хаух джамчыды!
- Джюрекге ариу – кёзге да ариу.
- Айран тёгюлсе, джугъусу къалыр.
- Ёгюзню мюйюзюнден тутадыла, адамны сёзюнден тутадыла.
- Айырылгъанланы айю ашар, бёлюннгенлени бёрю ашар.
- Кенгеш болса, уруш болмаз.
- Намыс болмагъан джерде, насыб болмаз.
- Кюн – узун, ёмюр – къысха.
- Иги адам абынса да, джангылмаз.
- Джигер – джаннга къыйынлыкъ.
- Джангыз торгъай джырламаз.
- Къулакъдан эсе, кёзге ышан.
- Къыз чыгъаргъан – къызыл къымжа.
- Кирсизни – саны таза, халалны – къаны таза.
- Тилчи тилден къаныкъмаз.
- Нарт сёз – тилни бети.
- Аман адам элни бир-бирине джау этер.
- Борчунг бар эсе, хурджунунга ойлаб узал.
- Ёлюр джаннга, ёкюл джокъ.
- Азыкълы ат арымаз, къатыны аман джарымаз.
- Билеги кючлю, бирни джыгъар, билими кючлю, мингни джыгъар.
- Ойнаб айтсанг да, эслеб айт.
- Чомартны къолун джокълукъ байлар.
- Эрине къаргъыш этген къатын, эрнин къабар.
- Азыкъ аз болса, эртде орун сал.
- Керти сёзге тёре джокъ.
- Адам туугъан джеринде, ит тойгъан джеринде.
- Ач уят къоймаз.
- Тилсиз миллет джокъ болур.
- Суугъа – таянма, джаугъа – ийнанма.
- Тюз сёз баргъан сууну тыяр.
- Ач къарным, тынч къулагъым.
- Джеринден айырылгъан – джети джылар, джуртундан айырылгъан – ёлгюнчю джылар.
- Билмейме деген – бир сёз
- Элиб деген, элге болушур.
- Кийимни бир кюнню аясанг, минг кюннге джарар.
- Этни бети бла шорпасы.
- Оюмсуз атлагъан, аджалсыз ёлюр.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 3)