Войти на сайт
30 Августа 2026 года

 

  • Арба аугъандан сора, джол кёргюзтюучю кёб болур.
  • Сабий кёргенин унутмаз.
  • Аманны эки битли тону болур, бирин сеннге кийдирир, бирин кеси киер.
  • Ишин билген, аны сыйын чыгъарады.
  • Джыйырма къойну юч джыйырма эбзе кюте эди.
  • Тилчи бир сагъатха айлыкъ хата этер.
  • Шапа кёб болса, аш татымсыз болур.
  • Чоюнну башы ачыкъ болса, итге уят керекди.
  • Чабар ат – джетген къыз.
  • Кёпюр салгъан кеси ётер, уру къазгъан кеси кетер.
  • Тыш элде солтан болгъандан эсе, кесинги элде олтан болгъан игиди!
  • Ышармагъан – кюлмез, кюлмеген – къууанчны билмез.
  • Эр абынмай, эл танымаз.
  • Адамны артындан къара сабан сюрме.
  • Ёмюрлюк шохлукъну джел элтмез.
  • Адамны сабийин сюйген джюреги, бычакъча, джитиди.
  • Итли къонакъ джарашмаз.
  • Гугук кесини атын айтыб къычыргъанча, мен, мен деб нек тураса?
  • Сууда джау джокъ, кёб сёзде магъана джокъ.
  • Джарашыу сюйген – джалынчакъ.
  • Джети тилни билген джети кишиди.
  • Хансыз джомакъ болмаз.
  • Таукел тауну аудурур.
  • Алтыда кюлмеген, алтмышда кюлмез.
  • Къатын къылыкъсыз, эр тынчлыкъсыз.
  • Эшекге миннген – биринчи айыб, андан джыгъылгъан – экинчи айыб.
  • Ёксюзню тилеги къабыл болур.
  • Юйлю уругъа ит чабмаз.
  • Эки ойлашыб, бир сёлешген.
  • Чомарт къонакъ юй иесин сыйлар.
  • Къонакъ аман болса, къонакъбай джунчур
  • Ариу сёз джыланны орнундан чыгъарыр.
  • Тил джюрекге джол ишлейди.
  • Хунаны тюбюн къазсанг, юсюнге ауар.
  • Хантына кёре тузу, юйюне кёре къызы.
  • Ат басханны джер билед.
  • Бир абыннган – минг сюрюнюр.
  • Эрни эр этерик да, къара джер этерик да, тиширыуду.
  • Тил – кесген бычакъ, сёз – атылгъан окъ.
  • Ауругъан – джашаудан умутчу.
  • Тойгъандан сора, ашны сёкме.
  • Арбаз къынгырды да, ийнек сауалмайма.
  • Мураты болгъанны джюрек тебюую башхады.
  • Къызгъанчдан ычхыныр, мухардан ычхынмаз.
  • Кёлю джокъну – джолу джокъ.
  • Тешигини къатында, чычхан да батыр болур.
  • Джашлыкъ этмеген, башлыкъ этмез.
  • Адеб базарда сатылмаз.
  • Адам сёзге тынгыла, акъыл сёзню ангыла.
  • Джашынгы кесинг юретмесенг, джашау юретир.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 4 5 6 7 8 ... 14 След.
RSS
КЕЛИГИЗ ДЖЫРЛАЙЫКЪ
 
#126
Джаратама0
09.03.2010 01:18:14
Алдадынг мени...алдадынг мени...алдадынг мени...алдадынг....алдадынг ....
 
 
 
#127
Джаратама0
09.03.2010 15:28:36
Бар, бар, бар, излерик да тюлме,
Бар, бар, тилерик да тюлме,
Бар, бар, бар джыларыкъ да тюлме
мен сени ызынгдаааааааааан...
 
 
 
#128
Джаратама0
09.03.2010 21:28:22
Шагърей джолчукъ бла къайтыб барырма....сакъласын мени ариуум...
 
 
 
#129
Джаратама0
09.03.2010 21:41:45
Сенден ариу болмаз ой жерни юсюнде....
 
 
 
#130
Джаратама0
09.03.2010 21:54:55
всезнайка
Бар, бар, бар, излерик да тюлме,
Бар, бар, тилерик да тюлме,
Бар, бар, бар джыларыкъ да тюлме
мен сени ызынгдаааааааааан...

бу джырны, сал агъачны алыб бара тургъанлай джырлады дейле, кёлтюрюб баргъан бир адамны телефону)
 
 
 
#131
Джаратама0
10.03.2010 00:49:26
Кёзлерингде сабырлыкъ...жюрекде-мамырлыкъ...
 
 
 
#132
Джаратама0
10.03.2010 02:49:27
7km
бу джырны, сал агъачны алыб бара тургъанлай джырлады дейле, кёлтюрюб баргъан бир адамны телефону)

Шашдыраса!Бизни миллетде не да боллукъду, сейирсиниу джокъду, кеси джырлай эди десенг да-ийнанныкъма
 
 
 
#133
Джаратама0
14.03.2010 02:01:32
Кел,мен сени Парижге бир элтейим...
Кел ,Сена-суугъа сени кёмюлтейим...
Кел,сау шахаргъа Эфил-къаладан къарайыкъ...
Мон-Мартрда да суратха салдырайыкъ...
Мулен Руж деген тирменнге да барайыкъ...
канкан тебсеген,бетсзлеге къарайыкъ...
Кел,кулёк бла бир бишген каштанла ашайыкъ...
Елисей тюзде къууанайыкъ,шашайыкъ...
Мен дух сайлаб,тюрлю-тюрлюсюн алырма...
 
 
 
#134
Джаратама0
14.03.2010 03:16:57
Кел,мен сени Парижге бир элтейим...
Кел ,Сена-суугъа сени кёмюлтейим...

о-ля-ля)))

мен хайран болуб
алай джашайма..
бир джукъ кирмейди башымааа
сюмеклииик отну къуйгъанса, ой Марьям,
ашай тургъанлай ашымааа...

(Джегетей, "Инар")

P.s.ким биледи, "хайран болуб" ол къалайды?
 
 
 
#135
Джаратама0
15.03.2010 21:06:05
Liberty
P.s.ким биледи, "хайран болуб" ол къалайды?

хайран болургъа-удивиться; прийти в замешательство ; опешить
т.е. удивлённый...))
 
 
 
#136
Джаратама0
15.03.2010 21:15:15
Faida
англадым) сау бол
 
 
 
#137
Джаратама0
15.03.2010 21:18:49
Liberty
 
 
 
#138
Джаратама0
25.03.2010 00:12:25
Кёзюнге къараб турама,табмай не сёз айтыргъа...
Абызраб сюелиб къалама...
Сени кёрсем арада...
арада...
 
 
 
#139
Джаратама0
26.03.2010 14:20:04
Treasure

Мен сюймекликден ,дюккюч болгъанма
Джаз чырпы болуб чакъгъанча
Сени уа менден айт ненг артыкъды
Сенича бирни табмазча


Керексиз ишге,акъылымы бёлюб
Суутдум джылы ашымы,
Тырнау киштикге инарла этиб
Тюшюрдюм къара чачымы
(энтда да барды куплетлери, узун джырчыкъды)))))))
 
 
 
#140
Джаратама0
26.03.2010 14:23:29
Faida
весна ..эх весна)
 
 
 
#141
Джаратама0
26.03.2010 14:25:28
969
Джыр барды аллай))))))
 
 
 
#142
Джаратама0
26.03.2010 14:38:48
Faida
билмейме .. сенге действовать этеди весна)
 
 
 
#143
Джаратама0
26.03.2010 14:43:54
969
Къой, къаллай весна))))))

Ол джырны уа энтда целый 4 куплети барды))))))))
 
 
 
#144
Джаратама0
26.03.2010 23:35:26
Таза иннетли,къарнаш миллетле уруна шохлукъда
Джашау келбетли, заман хурметли джашайбыз токълукъда
Къууач келгенди ,насыб сингнгенди тауланы тарына
Джырлайд джюрегинг,тынглачы тенгим шохлукъну джырына
 
 
 
#145
Джаратама0
27.03.2010 02:07:53
Тау бачхада таза ёсген
Сен ушайса ариу гюлге
Нюрюн тёге чыгъа келген
Эртденликде джазгъы кюннге
От салалла джюреклеге
Сен сёлешгенде сёзлеринг
Танг чолпаннга ушайдыла ушайла
Ол мен бек сюйген кёзлеринг!
 
 
 
#146
Джаратама0
27.03.2010 16:01:16
Игичик



Къарачайны Къадау ташын
Таудан ургъан салкъын аяз сылайды,
Деу Къарчаны бёгек джашын
Кюн кесине нёгерликге сайлайды.

Бир джарлыны юзмей ашын,
Тау миллетим къыйыны бла джашайды.
Ол тюзде да тутхан башын
Уясына къайтхан къушха ушайды.
 
 
 
#147
Джаратама0
27.03.2010 16:09:14
ТИН АТАЛА

Тейри къолда къошунла
Болгъандыла къаяла,
Тёгедиле нюр ,ала
Къала дунияла.
Тин атала,анала,
Сизден келиб къанабыз,
Джашнагъанча гюл тала,
Барды ангыбыз.

Къарча,Науруз,Адурхай,
Трам,Будиян эм Боташ,
Сизден келед Къарачай.
Кимди сизден баш.
Къарча,Науруз,Адурхай,
Трам,Будиян эм Ёзден,
Ким болгъанды сизге тенг,
Сизсиз,Къарачай.

Минги Тауну сархына
Кёк джулдузун тюйрейди,
Ол заианны чархына
Тюз джол излейди.
Къушла учхан уяла
Топракъ башлы мекямла,
Джашнайдыла дунияла,
"Джашай адамла".

Кёбню кёргенд Къарачай,
Кёрген кибик кёкню ай,
Кире къара булутха,
Къарай да джуртха.
Мени кёлюм тюлдю сай,
Учкуланны кёргенде,
Нюр Хурзукга келгенде,
Сыйлы Къартджуртха.
 
 
 
#148
Джаратама0
27.03.2010 16:21:03
Адамлагъа алгъыш тилекле(джыр)
Ёзденланы А.

Бир сейирд бу ёмюр,
Бу джомакълы ёмюр!
Джашауну атламын
Къарау сокъур кёрюр.
Алай а джюрекден
Джол къыйынд джюрекге,
Джер ушайд кюкюртге,
Джут адам -сернекге.
Джокъду джерде тынчлыкъ,
Адамла ашыгъыш
Къайры барадыла,
Болмагъанча таныш?!
Ашарыкъдан толу
Тепсини джанына
Олтургъан адамла
Чырт ач болмасынла!
Джерни сабийлери,
Дуния мал амалтын
Тас этмесинле Джерден
Адамлыкъны шартын!
Джерни уланлары,
Уллу кёллю болсакъ,
Джашауну чегинде
Сюелмесек биз сакъ,
Къоркъуулуд бу ёмюр,
Ачылса къазауат,
Джер болур кюл-кёмюр,
Тас болур адам ат...!
 
 
 
#149
Джаратама0
28.03.2010 14:14:43
Турнала

Боз булутла къачхы джелге бойсуна,
Барадыла къыбла таба шималдан,
Чырмалалла Минги Тауну бойнуна,
Кёб мычымай , къарайдыла башындан.

Булутлагъа тирелмезге кюреше,
Садакъ учхан халда уста тизилиб,
Бир-биринден хапар биле,сёлеше,
Къалмасын,дей,онгсузуракъ юзюлюб.

Учадыла къыбла таба турнала:
-Сау къалыгъыз!-деб таулагъа къычыра,
Бир кёзюуде,кюу сокъгъанча,зурнала
Джюреклеге такъырлыкъны чакъыра.

Ким биледи,энди сизни ненчагъыз
Къайтмай къалыр джаз бла бирге таулагъа?
Сиз къайтыргъа таулада да ненчабыз,
Кете бара,сукъланырла саулагъа?..
 
 
 
#150
Джаратама0
28.03.2010 14:58:00
КЪАЙДАНДА КЕРДЮМ ЖОЛУМДА СЕНИИИИИИИИ.....
 
 
 
Страницы: Пред. 1 ... 4 5 6 7 8 ... 14 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.