- Къатын къылыкъсыз, эр тынчлыкъсыз.
- Рысхысына кёре, джаш ёсер, къышлыгъына кёре, мал ёсер.
- Къыйынлы джети элни къайгъысын этер.
- Терслик кетер, тюзлюк джетер.
- Аш берме да, къаш бер.
- Джашлыкъ этмеген, башлыкъ этмез.
- Шайтан алдады, тюзлюк къаргъады.
- Айтханы чапыракъдан ётмеген.
- Ашыкъгъан cуу, тенгизге джетмез.
- Бек ашыкъгъан меннге джетсин, дегенди аракъы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Мен да «сен», дейме, сен да «кесим», дейсе.
- Чалманны аллы къалай башланса, арты да алай барады.
- Болджал ишни бёрю ашар.
- Кюлме джашха – келир башха.
- Бал ашаргъа сюе эсенг, чибин ургъаннга тёз.
- Аш кетер да бет къалыр.
- Таш бла ургъанны, аш бла ур.
- Кеси юйюмде мен да ханма.
- Ёлген ийнек сютлю болур.
- Уруну арты – къуру.
- Нарт сёз – тилни бети.
- Ариу – кёзге, акъыл – джюрекге.
- Чомартха Тейри да борчлуду.
- «Ма», - дегенни билмесенг, «бер», - дегенни билмезсе.
- Адеби болмагъан къыз – тузсуз хант.
- Сабий кёргенин унутмаз.
- Aдам боллукъ, сыфатындан белгили.
- Эл тойса, тоймагъан, эл къойса, къоймагъан.
- Ётюрюкден тюбю джокъ, кёлтюрюрге джиби джокъ.
- Джарлыны эшигин махтагъан джабар.
- Баш болса, бёрк табылыр.
- Тойчу джашха къарама, къойчу джашха къара.
- Нёгерсизни джолу узун.
- Хантына кёре тузу, юйюне кёре къызы.
- Ойнай билмеген, уруб къачар.
- Къазанда болса, чолпугъа чыгъар.
- Бир абыннган – минг сюрюнюр.
- Бюгюн дуния кибик, тамбла ахыратды.
- Эл ауузу – элек, анга ийнаннган – халек.
- Ойнай-ойнай кёз чыгъар.
- Аманны къуугъан, аманлыкъ табар.
- Аманнга алтын чыдамаз.
- Джаш къарыу бла кючлю, къарт акъыл бла кючлю.
- Сабыр джетер муратха, сабырсыз къалыр уятха.
- Ойнай билмеген, оюн бузар.
- Тойгъан джерден туугъан джер игиди.
- Аллахха ийнаннган кишини, Аллах онгдурур ишин.
- Азыкъ аз болса, эртде орун сал.
- Джылкъыдан – ат чыгъар, тукъумдан – джаш чыгъар.
КЕЛИГИЗ ДЖЫРЛАЙЫКЪ
|
бездушный кролик
турналаны сезлерин билген, бир джазыгъыз, бек жаратам аны  |
|
|
|
|
|
или ол кесекчикмиди ол))))))))
|
|
|
|
|
|
менчик1
Мен билиб -олду) |
|
|
|
|
|
Treasure
 :ROSE Ким джырлай эди бу джырны?)))) |
|
|
|
|
|
Faida
 Ася Чомаева-Семёнова и парень какой-то))))) |
|
|
|
|
|
Treasure
тюшдю эсиме))сау бол))) |
|
|
|
|
|
Faida
Не сау болу барды)))) |
|
|
|
|
|
Келигиз Аланла бирге джырлаикъ,
Ата джуртубузгъа махтау салаикъ, Эй-Эй-Эй Орайда,райда Осса Орайда  |
|
|
|
|
|
Быллай джырлагъаннга уа тепсерингда келликди)))))
|
|
|
|
|
|
Кюн тийгенди тау эллеге нюрюн чача,
Уллу юйле сюелелле -къалалача Къонакъ келсе эшиклени кенгнге ача Сен джашнайса туугъа элим Ючкекеним... андан арысын ...билмейме) |
|
|
|
|
Читают тему (гостей: 4)