Войти на сайт
25 Июня 2026 года

 

  • От кюйдюрген, сау болса да, тот кюйдюрген, сау болмаз.
  • Эски джаугъа ышанма.
  • Рысхы – сют юсюнде кёмюк кибикди.
  • Ётюрюкчюню шагъаты – къатында.
  • Игилик игилик бла сингдирилиучю затды.
  • Кёб джат да, бек чаб.
  • Къартны бурнун сюрт да, оноугъа тут.
  • Тойчу джашха къарама, къойчу джашха къара.
  • Аурууну келиую тынч, кетиую – къыйын.
  • Ашхы сёз таш тешер.
  • Босагъагъа джууукъ орун болса, ашыгъыб тёрге озма.
  • Ана къойну – балагъа джандет.
  • Игини сыйлагъан адетди.
  • Ачлыкъ отха секиртир.
  • Гугук кесини атын айтыб къычыргъанча, мен, мен деб нек тураса?
  • Нёгерсизни джолу узун.
  • Нарт сёз къарт болмаз.
  • Ата – билек, ана – джюрек!
  • Джашда акъыл джокъ, къартда къарыу джокъ.
  • Ариу джол аджал келтирмез.
  • Суу ичген шауданынга тюкюрме.
  • Аман адам элни бир-бирине джау этер.
  • Кесине гебен этелмеген, биреуге черен эте эди.
  • Иги сёз – джаннга азыкъ, аман сёз башха – къазыкъ.
  • Адам туугъан джеринде, ит тойгъан джеринде.
  • Ишленмеклик адамлыкъды.
  • Эринчекге кюн узун.
  • Кесинге джетмегенни, кёб сёлешме.
  • Ёлген ийнек сютлю болур.
  • Ишин билген, аны сыйын чыгъарады.
  • Элде адам къалмаса, ит тахтагъа минер.
  • Арбаз къынгырды да, ийнек сауалмайма.
  • Мадар болса, къадар болур.
  • Душманны тышы – акъ, ичи – къара.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Аджалсыз ёлюм болмаз.
  • Арба аугъандан сора, джол кёргюзтюучю кёб болур.
  • Кесинг сынамагъан затны, адамгъа буюрма.
  • Кесине оноу эте билмеген, халкъына да эте билмез.
  • Мураты болгъанны джюрек тебюую башхады.
  • Ашхы болсанг, атынг чыгъар, аман болсанг, джанынг чыгъар.
  • Узун джолну барсанг, бюгюн келирсе, къысха джолну барсанг, тамбла келирсе.
  • Акъыллы башны – тили къысха.
  • Акъыл къартда, джашда тюйюлдю – башдады.
  • Кимни – тили, тиши онглу, кимни – къолу, иши онглу.
  • Иесиз малны бёрю ашар.
  • Ач, тоймам, дейди, тойгъан, ач болмам, дейди.
  • Рысхысына кёре, джаш ёсер, къышлыгъына кёре, мал ёсер.
  • Сёз къанатсыз учар.
  • Мени джылытмагъан кюн, меннге тиймесин!

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 4 5 6 7 8 ... 14 След.
RSS
КЕЛИГИЗ ДЖЫРЛАЙЫКЪ
 
#126
Джаратама0
09.03.2010 01:18:14
Алдадынг мени...алдадынг мени...алдадынг мени...алдадынг....алдадынг ....
 
 
 
#127
Джаратама0
09.03.2010 15:28:36
Бар, бар, бар, излерик да тюлме,
Бар, бар, тилерик да тюлме,
Бар, бар, бар джыларыкъ да тюлме
мен сени ызынгдаааааааааан...
 
 
 
#128
Джаратама0
09.03.2010 21:28:22
Шагърей джолчукъ бла къайтыб барырма....сакъласын мени ариуум...
 
 
 
#129
Джаратама0
09.03.2010 21:41:45
Сенден ариу болмаз ой жерни юсюнде....
 
 
 
#130
Джаратама0
09.03.2010 21:54:55
всезнайка
Бар, бар, бар, излерик да тюлме,
Бар, бар, тилерик да тюлме,
Бар, бар, бар джыларыкъ да тюлме
мен сени ызынгдаааааааааан...

бу джырны, сал агъачны алыб бара тургъанлай джырлады дейле, кёлтюрюб баргъан бир адамны телефону)
 
 
 
#131
Джаратама0
10.03.2010 00:49:26
Кёзлерингде сабырлыкъ...жюрекде-мамырлыкъ...
 
 
 
#132
Джаратама0
10.03.2010 02:49:27
7km
бу джырны, сал агъачны алыб бара тургъанлай джырлады дейле, кёлтюрюб баргъан бир адамны телефону)

Шашдыраса!Бизни миллетде не да боллукъду, сейирсиниу джокъду, кеси джырлай эди десенг да-ийнанныкъма
 
 
 
#133
Джаратама0
14.03.2010 02:01:32
Кел,мен сени Парижге бир элтейим...
Кел ,Сена-суугъа сени кёмюлтейим...
Кел,сау шахаргъа Эфил-къаладан къарайыкъ...
Мон-Мартрда да суратха салдырайыкъ...
Мулен Руж деген тирменнге да барайыкъ...
канкан тебсеген,бетсзлеге къарайыкъ...
Кел,кулёк бла бир бишген каштанла ашайыкъ...
Елисей тюзде къууанайыкъ,шашайыкъ...
Мен дух сайлаб,тюрлю-тюрлюсюн алырма...
 
 
 
#134
Джаратама0
14.03.2010 03:16:57
Кел,мен сени Парижге бир элтейим...
Кел ,Сена-суугъа сени кёмюлтейим...

о-ля-ля)))

мен хайран болуб
алай джашайма..
бир джукъ кирмейди башымааа
сюмеклииик отну къуйгъанса, ой Марьям,
ашай тургъанлай ашымааа...

(Джегетей, "Инар")

P.s.ким биледи, "хайран болуб" ол къалайды?
 
 
 
#135
Джаратама0
15.03.2010 21:06:05
Liberty
P.s.ким биледи, "хайран болуб" ол къалайды?

хайран болургъа-удивиться; прийти в замешательство ; опешить
т.е. удивлённый...))
 
 
 
#136
Джаратама0
15.03.2010 21:15:15
Faida
англадым) сау бол
 
 
 
#137
Джаратама0
15.03.2010 21:18:49
Liberty
 
 
 
#138
Джаратама0
25.03.2010 00:12:25
Кёзюнге къараб турама,табмай не сёз айтыргъа...
Абызраб сюелиб къалама...
Сени кёрсем арада...
арада...
 
 
 
#139
Джаратама0
26.03.2010 14:20:04
Treasure

Мен сюймекликден ,дюккюч болгъанма
Джаз чырпы болуб чакъгъанча
Сени уа менден айт ненг артыкъды
Сенича бирни табмазча


Керексиз ишге,акъылымы бёлюб
Суутдум джылы ашымы,
Тырнау киштикге инарла этиб
Тюшюрдюм къара чачымы
(энтда да барды куплетлери, узун джырчыкъды)))))))
 
 
 
#140
Джаратама0
26.03.2010 14:23:29
Faida
весна ..эх весна)
 
 
 
#141
Джаратама0
26.03.2010 14:25:28
969
Джыр барды аллай))))))
 
 
 
#142
Джаратама0
26.03.2010 14:38:48
Faida
билмейме .. сенге действовать этеди весна)
 
 
 
#143
Джаратама0
26.03.2010 14:43:54
969
Къой, къаллай весна))))))

Ол джырны уа энтда целый 4 куплети барды))))))))
 
 
 
#144
Джаратама0
26.03.2010 23:35:26
Таза иннетли,къарнаш миллетле уруна шохлукъда
Джашау келбетли, заман хурметли джашайбыз токълукъда
Къууач келгенди ,насыб сингнгенди тауланы тарына
Джырлайд джюрегинг,тынглачы тенгим шохлукъну джырына
 
 
 
#145
Джаратама0
27.03.2010 02:07:53
Тау бачхада таза ёсген
Сен ушайса ариу гюлге
Нюрюн тёге чыгъа келген
Эртденликде джазгъы кюннге
От салалла джюреклеге
Сен сёлешгенде сёзлеринг
Танг чолпаннга ушайдыла ушайла
Ол мен бек сюйген кёзлеринг!
 
 
 
#146
Джаратама0
27.03.2010 16:01:16
Игичик



Къарачайны Къадау ташын
Таудан ургъан салкъын аяз сылайды,
Деу Къарчаны бёгек джашын
Кюн кесине нёгерликге сайлайды.

Бир джарлыны юзмей ашын,
Тау миллетим къыйыны бла джашайды.
Ол тюзде да тутхан башын
Уясына къайтхан къушха ушайды.
 
 
 
#147
Джаратама0
27.03.2010 16:09:14
ТИН АТАЛА

Тейри къолда къошунла
Болгъандыла къаяла,
Тёгедиле нюр ,ала
Къала дунияла.
Тин атала,анала,
Сизден келиб къанабыз,
Джашнагъанча гюл тала,
Барды ангыбыз.

Къарча,Науруз,Адурхай,
Трам,Будиян эм Боташ,
Сизден келед Къарачай.
Кимди сизден баш.
Къарча,Науруз,Адурхай,
Трам,Будиян эм Ёзден,
Ким болгъанды сизге тенг,
Сизсиз,Къарачай.

Минги Тауну сархына
Кёк джулдузун тюйрейди,
Ол заианны чархына
Тюз джол излейди.
Къушла учхан уяла
Топракъ башлы мекямла,
Джашнайдыла дунияла,
"Джашай адамла".

Кёбню кёргенд Къарачай,
Кёрген кибик кёкню ай,
Кире къара булутха,
Къарай да джуртха.
Мени кёлюм тюлдю сай,
Учкуланны кёргенде,
Нюр Хурзукга келгенде,
Сыйлы Къартджуртха.
 
 
 
#148
Джаратама0
27.03.2010 16:21:03
Адамлагъа алгъыш тилекле(джыр)
Ёзденланы А.

Бир сейирд бу ёмюр,
Бу джомакълы ёмюр!
Джашауну атламын
Къарау сокъур кёрюр.
Алай а джюрекден
Джол къыйынд джюрекге,
Джер ушайд кюкюртге,
Джут адам -сернекге.
Джокъду джерде тынчлыкъ,
Адамла ашыгъыш
Къайры барадыла,
Болмагъанча таныш?!
Ашарыкъдан толу
Тепсини джанына
Олтургъан адамла
Чырт ач болмасынла!
Джерни сабийлери,
Дуния мал амалтын
Тас этмесинле Джерден
Адамлыкъны шартын!
Джерни уланлары,
Уллу кёллю болсакъ,
Джашауну чегинде
Сюелмесек биз сакъ,
Къоркъуулуд бу ёмюр,
Ачылса къазауат,
Джер болур кюл-кёмюр,
Тас болур адам ат...!
 
 
 
#149
Джаратама0
28.03.2010 14:14:43
Турнала

Боз булутла къачхы джелге бойсуна,
Барадыла къыбла таба шималдан,
Чырмалалла Минги Тауну бойнуна,
Кёб мычымай , къарайдыла башындан.

Булутлагъа тирелмезге кюреше,
Садакъ учхан халда уста тизилиб,
Бир-биринден хапар биле,сёлеше,
Къалмасын,дей,онгсузуракъ юзюлюб.

Учадыла къыбла таба турнала:
-Сау къалыгъыз!-деб таулагъа къычыра,
Бир кёзюуде,кюу сокъгъанча,зурнала
Джюреклеге такъырлыкъны чакъыра.

Ким биледи,энди сизни ненчагъыз
Къайтмай къалыр джаз бла бирге таулагъа?
Сиз къайтыргъа таулада да ненчабыз,
Кете бара,сукъланырла саулагъа?..
 
 
 
#150
Джаратама0
28.03.2010 14:58:00
КЪАЙДАНДА КЕРДЮМ ЖОЛУМДА СЕНИИИИИИИИ.....
 
 
 
Страницы: Пред. 1 ... 4 5 6 7 8 ... 14 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.