- Эки ойлашыб, бир сёлешген.
- Гугук кесини атын айтыб къычыргъанча, мен, мен деб нек тураса?
- Арыгъан къош чамчы болур.
- Къарт болгъан джерде, берекет болур, сабий болгъан джерде, оюн болур.
- Джаным-тиним – окъуу, билим.
- Ариу джол аджал келтирмез.
- Кёлсюзден сёзсюз тууар.
- Эр абынмай, эл танымаз.
- Ишлегенден, къарагъан уста.
- Бозанг болмагъан джерге, къалагъынгы сукъма.
- Къуру гыбыт бек дыгъырдар.
- Болджал ишни бёрю ашар.
- Ариу сёз аурууунгу алыр.
- Биреуге кёлтюрген таягъынг, кесинги башынга урур.
- Эл бла кёргенинг эрелей.
- Кимни – тили, тиши онглу, кимни – къолу, иши онглу.
- Атадан ёксюз – бир ёксюз, анадан ёксюз – эки ёксюз.
- Огъурлуну сёзю – суу, огъурсузну сёзю – уу.
- Къартха ушагъан джаш – акъыллы, джашха ушагъан къарт – тели.
- Атлыны ашхысы, ат тизгининден билинир
- «Ма», - дегенни билмесенг, «бер», - дегенни билмезсе.
- Кюл тюбюндеги от кёрюнмейди.
- Окъугъан озар, окъумагъан тозар.
- Аш иеси бла татлыды.
- Чыкълы кюнде чыкъмагъан, чыкъса къуру кирмеген.
- Тил – кесген бычакъ, сёз – атылгъан окъ.
- Ариуну – ауруу кёб.
- Кирсизни – саны таза, халалны – къаны таза.
- Соргъан айыб тюлдю, билмеген айыбды.
- Джангызны оту джарыкъ джанмаз!
- Джаханимни кёрмей, джандетге кёл салмазса.
- Мен да «сен», дейме, сен да «кесим», дейсе.
- Иги джашны ышаны – аз сёлешиб, кёб тынгылар.
- Юй ишлеген балта эшикде къалыр.
- Ачлыкъда тары гырджын халыуадан татлы.
- Хансыз джомакъ болмаз.
- Къызын тута билмеген, тул этер, джашын тута билмеген, къул этер.
- Джюрекге ариу – кёзге да ариу.
- Шапа кёб болса, аш татымсыз болур.
- Акъыл сабырлыкъ берир.
- Чарсда алчыны эл кёреди.
- Атлыны кёрсе, джаяуну буту талыр.
- Алгъанда – джууукъ, бергенде – джау.
- Рысхы – сют юсюнде кёмюк кибикди.
- Уллу суу бла уллу ауруудан башынгы сакъла.
- Телини эшигин, махтау джабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Келлик заман – къартлыкъ келтирир, кетген заман – джашлыкъ ёлтюрюр.
- Тенгни тенглиги джашай барсанг билинир.
- Уллу сёлешме да, уллу къаб.
КЕЛИГИЗ ДЖЫРЛАЙЫКЪ
|
Кюн тийгенди тау эллеге нюрюн чача,
Уллу юйле сюелелле къалалача Къонакъ келсе эшиклерин кеннге ача Сен джашнайса туугъан элим Ючкекеним!!! |
|
|
|
|
|
Как приятно читать песни на родном языке)))))))
 |
|
|
|
|
|
Кто знает слова песни "Чекде"? И кто автор?
***Ким сакълайды,ариу, сени къатынгы, унутдуруб манга берген антынг? З.Ы.! Сегодня концерт по телевизору ко Дню пограничника. |
|
|
|
|
|
kollega
A ким джырлайды ол джырны? )) |
|
|
|
|
|
Faida
Аперим сеннге: джырлны билген, тау адетлени билген-тюзюн аитчы, джашырмай айт, къаисы элденсеее сееен (джер) |
|
|
|
|
|
всезнайка
сау болугъуз... кесигизни игилигигизди... просто...  къаисы элденсеее сееен (джер) уяламаааа....))))))  Айтыгъыз джаратхан джырыгъызны -табаргъа кюреширме... джазарма)  |
|
|
|
|
Читают тему (гостей: 4)