Войти на сайт
1 Сентября 2026 года

 

  • Аз айтсам, кёб ангылагъыз.
  • Нёгерсизни джолу узун.
  • Чомартха хар кюн да байрамды.
  • «Ма», - дегенни билмесенг, «бер», - дегенни билмезсе.
  • Адеб этмеген, адеб кёрмез.
  • Рысхы – сют юсюнде кёмюк кибикди.
  • Тау башында, тау болмаз, джангыз терек, бау болмаз.
  • Оюмсуз атлагъан, аджалсыз ёлюр.
  • Сакъ юйюне сау барыр.
  • Къызгъанчдан ычхыныр, мухардан ычхынмаз.
  • Агъач халкъгъа алтынды, иссиликге салкъынды.
  • Айран ичген – къутулду, джугъусун джалагъан – тутулду.
  • Кечеси – аяз, кюню – къыш, джарлы къаргъагъа бир аш тюш!
  • Ауузу бла къуш тута айланады.
  • Хар адамгъа кеси миннген тау кибик.
  • Тик ёргени, тик энгишгеси да болады.
  • Аш иеси бла татлыды.
  • Эки ойлашыб, бир сёлешген.
  • Чомарт къонакъ юй иесин сыйлар.
  • Адам туугъан джеринде, ит тойгъан джеринде.
  • Чомарт къолда мал къалмаз.
  • Нарт сёз – тилни бети.
  • Аджашханны ызындагъы кёреди, джангылгъанны джанындагъы биледи.
  • Келинин тута билмеген, къул этер, къызын тута билмеген, тул этер.
  • Кёзню ачылгъаны – иги, ауузну джабылгъаны – иги.
  • Кесине оноу эте билмеген, халкъына да эте билмез.
  • Сескекли кесин билдирир.
  • Чыбыкълыкъда бюгюлмеген, къазыкълыкъда бюгюлмей эди.
  • Эл бла кёргенинг эрелей.
  • Чомартны къолу берекет.
  • Къозулугъунда тоймагъан, къойлугъунда тоймаз.
  • Чомарт джарлы болмаз.
  • Джуртун къоругъан озар.
  • Тёзгеннге, джабылгъан эшик ачылыр.
  • Тулпарлыкъ, билекден тюл – джюрекден.
  • Татлы сёз – балдан татлы.
  • Кесине гебен этелмеген, биреуге черен эте эди.
  • Къулакъдан эсе, кёзге ышан.
  • Ачлыкъда тары гырджын халыуадан татлы.
  • Уясында не кёрсе, учханында аны этер.
  • Зарда марда джокъ.
  • Чабакъгъа акъыл, табагъа тюшсе келеди.
  • Элде адам къалмаса, ит тахтагъа минер.
  • Байлыкъ келсе, акъыл кетер.
  • Ётюрюкню къуйругъу – бир тутум.
  • Нафысынгы айтханын этме, намысынгы айтханын эт.
  • Ёлмесенг да, къарт дамы болмазса?
  • Терек ауса, отунчу – кёб.
  • Баргъанынга кёре болур келгенинг.
  • Телини эшигин, махтау джабар.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 6 7 8 9 10 ... 14 След.
RSS
КЕЛИГИЗ ДЖЫРЛАЙЫКЪ
 
#176
Джаратама0
07.05.2010 12:42:36
Кюн тийгенди тау эллеге нюрюн чача,
Уллу юйле сюелелле къалалача
Къонакъ келсе эшиклерин кеннге ача
Сен джашнайса туугъан элим Ючкекеним!!!
 
 
 
#177
Джаратама0
08.05.2010 00:38:18
"Джайгъы ингирде"
Ёзденланы Альберт

Джайгъы ингирде Къобан табадан
Салкъын аязчыкъ урады.
Сюймеклик салгъан джюрек джарадан
Бир мыдах макъам чыгъады.

Джангызлыкъ салгъан сагъыш тузакъгъа
Кесим кесими байлайма,
Къараб Илкерге,чексиз узакъгъа,
Сеннге джулдузчукъ сайлайма.

Битдир,къанатын айгъа тийире,
Учду джёнгерин тутаргъа,
Кёзюм къарады,анга термиле,
Сени бла алай ойнаргъа.
гр. Учкекен

"Туугъан элим-Учкулан"
Ёзденланы Альберт

Алан халкъны-Ата халкъны джеринде,
Къарачайны эм сыйлы бир тёрюнде,
Юч ёзенни бир-бирине къошулгъан
Аязында,туугъан элим-Учкулан!

Джюрегимде сеннге базман
Дуния болалыр деб базмам,
Сен атаса,мен а-улан,
Туугъан элим-Учкулан!

Алан халкъны зордан къалгъан баласы,
Къарачайны оюлмазлыкъ тин къаласы,
Миллетими адет-намыс хазнасы,
Шам Учкулан-тау эллени тазасы!

Сакъла ана тилинги сен!
Сакъла сыйлы дининги сен!
Джаным сеннге болсун къурман,
Туугъан элим-Учкулан!

Халкъым кери болуб зорлукъ тузакъдан,
Энди сеннге термилмесин узакъдан!
Эртде-кеч деб, келмейл мени санарым,
Топрагъынга къошуллукъду санларым.

Артыкъ да бек аны ючюн,
Джетгенича джюрек кючюм,
Мен сюеме сени саудан,
Туугъан элим-Учкулан!

гр. Учкекен
 
 
 
#178
Джаратама0
12.05.2010 19:39:30
"КъАРАЧАЙНЫ КЪАДАУ ТАШЫ"

Къарачайны Къадау ташын
Таудан ургъан салкъын аяз сылайды,
Деу Къарчаны бёгек джашын
Кюн кесине нёгерликге сайлайды.

Бир джарлыны юзмей ашын,
Тау миллетим къыйыны бла джашайды.
Ол тюзледе да тутхан башын
Уясына къайтхан къушха ушайды.

Кёре джерни сууукъ къышын
Малчы къойюн,тууарын да къурайды.
Минги тауну къарлы башын
Ай сылаб да туурасындан къарайды.

Бир джарлыны юзмей ашын,
Тау миллетим къыйыны бла джашайды.
Ол тюзледе да тутхан башын
Уясына къайтхан къушха ушайды.

Таулу къызны кёзюн,къашын.
Эниклеб да джулдуз аны сыйлайды.
Къарачайны Къадау ташын
Ёхтем таулу огъурлукъгъа сынайды.

Бир джарлыны юзмей ашын,
Тау миллетим къыйыны бла джашайды.
Ол тюзледе да тутхан башын
Уясына къайтхан къушха ушайды.

гр."Салам"
 
 
 
#179
Джаратама0
20.05.2010 21:38:14
"Сенсе насыбым"
Ёзденланы Альберт

Сагъышымы
Сен батмаз кюнюсе,
Ол себебдеен,джокъду аны кечеси!
Къууанчымы алтын ёзегисе,
Ахырсызды,джокъду аны ёлчеси!

Кече айса,кюндюз кюнсе,
Сенсиз джокъду басымым!
Сен тюш тюлсе,къууанч тюнсе,
Сенсе ёмюр насыбым!

Сен джырымы
Джарыкъ макъамыса,
Сен саулукъдан,ол мыдахлыкъ сынамаз!
Сен антымы
Таза ауазыса,
Мен саулукъдан аны кючю тас болмаз!

Кече айса,кюндюз кюнсе,
Сенсиз джокъду басымым!
Сен тюш тюлсе,къууанч тюнсе,
Сенсе ёмюр насыбым!
 
 
 
#180
Джаратама0
20.05.2010 21:59:14
"Чолпан"
Ёзденланы Альберт "

Джюрегимде джарсыууму джыгъама,
Къарыу бериб меннге ашхы муратла.
Сагъышымда Минги Таугъа чыгъама,
Тюшюмдеча ёсюб меннге къанатла.

Минги Таудан ариу тау болмаз?!
Сенден ариу джан болмаз?!
Мийик муратым-
Чолпаным!

Тёгерекде тазалыкъны солуйма,
Иннетинге ушатама мен аны!
Къууаннгандан къычырырча болама,
Уча бара,айта сеннге атынгы!

Минги Таудан ариу тау болмаз?!
Сенден ариу джан болмаз?!
Мийик муратым-
Чолпаным!

Джангызлыкъны сезимлерин джюрекден
Боз булутну джел къуугъанча къуугъанса!
Бу дуниягъа сени ючюн келдим мен,
Сен да,ариу,мени ючюн туугъанса!

Минги Таудан ариу тау болмаз?!
Сенден ариу джан болмаз?!
Мийик муратым-
Чолпаным!

Ант этеме мен бу сыйлы таула бла,
Джюрегимде сени дайым сакъларгъа!
Ант этеме бу дунияда саула бла,
Джер башында сюймекликни джакъларгъа!

Минги Таудан ариу тау болмаз?!
Сенден ариу джан болмаз?!
Мийик муратым-
Чолпаным!
 
 
 
#181
Джаратама0
22.05.2010 13:31:02
Как приятно читать песни на родном языке)))))))
 
 
 
#182
Джаратама0
26.05.2010 16:42:52
Kamila
))келе тур))


"Сегиз джаш"
Ёзденланы Альберт

Ариу,сени тилейдиле сегиз джаш,
Джокъ аланы ичлеринде менден джаш,
Бир билгичге салдыргъанма бюгюн таш,
"Сенсе,-дейди,-барысындан эсе баш!"
Ол айтыудан-бурма чачым,акъ къаным,
Субай саным,акъ джюрегим,акъ джаным!...
Джангыз менме тогъузунчу,джангыз мен-
Хар неси да тамам сеннге келишген!

Шеке эсе-къарт теке,
Зеке эсе-къызтеке,
Даулет эсе,бек хаулед,
Келемет а -шимирбет,
Мухтар эсе-юйю тар,
Махар эсе-бек мухар,
Тауукъ урлайд Гомалай,
Кендир тартад Домалай!

Чырт къолунгу сууукъ суугъа тийдиртмем,
Соболь тондан учуз кийим кийдиртмем,
Бармагъынга накъут-налмаз джюзюкден
Ауур затны кёлтюртмезме,ийнан сен!
Эки къатлы юй саллыкъма шахарда,
Солурбуз-Тебердиде,Махарда,...
Къыза кетсек,тенгиз таба кетербиз,
Сегиз джашха сегиз ачыу этербиз!

Шеке эсе-къарт теке,
Зеке эсе-къызтеке,
Даулет эсе,бек хаулед,
Келемет а -шимирбет,
Мухтар эсе-юйю тар,
Махар эсе-бек мухар,
Тауукъ урлайд Гомалай,
Кендир тартад Домалай!

Мерседесге онг джаныма олтуртуб,
Джюрегинги къууанч джырдан толтуртуб,
Терезеден ургъан салкъын аязчыкъ,
Джаягъынгы сылагъанда, мен азчыкъ
Ревновайтчыкъ этерикме ,бил аны,
Тюгел тыгъыб иймесем да къаманы.
Аны сезиб аяз къолун да алмаз!
Сегиз джашдан бири аяз болалмаз!

Шеке эсе-къарт теке,
Зеке эсе-къызтеке,
Даулет эсе,бек хаулед,
Келемет а -шимирбет,
Мухтар эсе-юйю тар,
Махар эсе-бек мухар,
Тауукъ урлайд Гомалай,
Кендир тартад Домалай!

Тамам къызсакъ,Берлин таба кетербиз,
Рим!Париж!-дей,Лондоннга да ётербиз,
Океанда кемеде той этербиз,
Андан ары Нью-Йоркга джетербиз!
Вашингтонда Акъ юйге да къайтырбыз,
Президентге безий хапар айтырбыз,
Сен ортада,суратха да тюшербиз,
Сегиз джашха сегиз сурат иербиз!

Шеке эсе-къарт теке,
Зеке эсе-къызтеке,
Даулет эсе,бек хаулед,
Келемет а -шимирбет,
Мухтар эсе-юйю тар,
Махар эсе-бек мухар,
Тауукъ урлайд Гомалай,
Кендир тартад Домалай!

Къысха-къысха сеннге къарай сюйюне,
Биз къайтырбыз ёз атамы юйюне,
Сен кёрюрсе юйюн бир тюз таулуну,
Махтаннганы не эд,-дерсе сен,-муну?!
Сен унасанг анда къалыб кетерге,
Джашауунгу мени бла бир этерге,
Сюе эдим.Къалмай эсенг,тийсин таш!
Майна,сени сакълайдыла сегиз джаш!

Шеке эсе-къарт теке,
Зеке эсе-къызтеке,
Даулет эсе,бек хаулед,
Келемет а -шимирбет,
Мухтар эсе-юйю тар,
Махар эсе-бек мухар,
Тауукъ урлайд Гомалай,
Кендир тартад Домалай!
 
 
 
#183
Джаратама0
26.05.2010 16:59:07
"Аллах,болуш"
Ёзденланы Альберт
1992дж

Къартмы болдум мен асыры эртдеден?
Джюрюгеним келишмейди заман бла.
Дуния малны кемсиз сюред джууукъ-тенг,
Сюред амал билмеген да аман бла.

Алдау,урлау,
Болду махтау.
Тюз халал иш,
Болду бедиш.
Сыйсыз саналды джигитге,
Намыслы уа-къанау итге.

Дуния малны башларына салгъанла,
Гебен тюбде тууарлагъа ушайла.
Миллетим-деб, айталмагъан джалгъанла,
Манкъурт болуб халкъны этин ашайла.

Алдау,урлау,
Болду махтау.
Тюз халал иш,
Болду бедиш.
Сыйсыз саналды джигитге,
Намыслы уа-къанау итге.

Халкъ билмейди не кюнлеге джетерин...
Эгеч,къарнаш,джууукъ,тенг деб къарамай,
Кёб адамла къырлыкъдыла бир-бирин,
Аллах,болуш,онгсуз халкъны марамай!

Алдау,урлау,
Болду махтау.
Тюз халал иш,
Болду бедиш.
Сыйсыз саналды джигитге,
Намыслы уа-къанау итге.
 
 
 
#184
Джаратама0
26.05.2010 17:05:46
"Не ючюн сюйдюм?"
Ёзденланы Альберт

Онглума деб,махтанмайма,
Онгсузма деб,джыламайма,
Ийнан анга-халим тюлдю гинасыу!
Сайлаб сени сюйген эснем,
Сюймекликден кюйген эсем,
Болаллыкъса джюрегиме сен асыу!

Танг узатсын сейир гоппан,
Хур джукъудан ичи толгъан,
Сагъышладан заман табма ичерге!
Мен болайым баш сагъышынг,
Джюрегингде нюр алгъышынг,
Ышар меннге,ышаргъанча кюн джерге!

Акъылынг бла сен мийиксе,
Халинг бла уа сен "кийиксе",
Къурумасын ол "кийиклик" элингде!
Сени сюйдюм аны ючюн -
Миллетими насыю кючюн
Кёргенме деб,ариу,сени халингде!
 
 
 
#185
Джаратама0
27.05.2010 13:37:54
"Кюлме джашха..."
Ёзденланы Альберт
1975дж

Ышарыучан эдим сюйгенлеге,
Сюймеклик отунда кюйгенлеге,
Самаркъау этиб мен кюле эдим
Ахсыныб башларын тюйгенлеге.

Джазыуум насыб ийди,
Сюймеклик ауруу тийди,
Ёмюрде кишини сюймегенча,
Джюрегим сени сюйдю.

Сен таталы тюш тюлсе,сейир тюнсе,
Кёзюмю алдагъан кёзбау тюлсе,
Кече толгъан айса,кюндюз кюнсе,
Сен джашил талада къызыл гюлсе!

Тюшюм тюл,тюнюмсе сен ,
Айымса,кюнюмсе,сен!
Джашил талада къызыл гюлюмсе,
Джанымса,тинимсе сен!

Тенгизни тюбюнде инджисе сен!
Омакъдан ёлесе,гинджисе сен!
Сен-алтын джюзюкню накъут ташы!
Джерде ариулукъну,-сен,-чынг башы!

Тенгизде инджимсе сен!
Эм омакъ гинджимсе сен!
Сен-алтын джюзюкню накъут ташы,
Ариулукъну чынг башы!

Не айтдым,не къойдум махтау теджей?!
Сёзюме ийнандынг сен да менлей,
Бир кюн а уллу кёллюлюк этдинг...
Башымы тюеме мен тенгимлей.

Кюлме,-дейдиле,-джашха,
Келир,-дейдиле,-башха,
Ахсыныб, башымы тюеме мен,
Башым ушаб суу ташха.
 
 
 
#186
Джаратама0
27.05.2010 13:46:35
Ёзденланы Альберт
"Фатима"

Тазалыкъгъа,мийикликге
Чыкъгъанма мен -сюймекликге!
Тин талада гюлле чагъа...
Ала-саугъам Фатимагъа!

Фатима-тима-тима,Фатима!
Къошулуб ариу атынг антыма,
Сюеме!-деб къычырсам мен,
Кел!-деб сени чакъырсам мен,
Чокъуракъ мияла
Кибик буз къаяла,
Къайтаралла манга джууаб,
Джанларына таба сууаб!

Джашил сыртда къызыл гюлюм,
Чууакъ кёкде алтын кюнюм,
Пайгъамбарны къызы атлы
Фатимады-джандан татлы!

Фатима-тима-тима,Фатима!
Къошулуб ариу атынг антыма,
Сюеме!-деб къычырсам мен,
Кел!-деб сени чакъырсам мен,
Чокъуракъ мияла
Кибик буз къаяла,
Къайтаралла манга джууаб,
Джанларына таба сууаб!

Гезох улу Бийнёгерлей,
Мен мийикден-мийик ёрлей,
Тюшалмайма энди джерге,
Адамым джокъ,секир-дерге.

Фатима-тима-тима,Фатима!
Къошулуб ариу атынг антыма,
Сюеме!-деб къычырсам мен,
Кел!-деб сени чакъырсам мен,
Чокъуракъ мияла
Кибик буз къаяла,
Къайтаралла манга джууаб,
Джанларына таба сууаб!

Алийланы Хорлам
 
 
 
#187
Джаратама0
28.05.2010 19:52:12
Кто знает слова песни "Чекде"? И кто автор?

***Ким сакълайды,ариу, сени къатынгы,
унутдуруб манга берген антынг?

З.Ы.! Сегодня концерт по телевизору ко Дню пограничника.
 
 
 
#188
Джаратама0
29.05.2010 11:17:53
kollega
A ким джырлайды ол джырны? ))
 
 
 
#189
Джаратама0
29.05.2010 11:26:08
"Джёрме"
Чам джыр

Ой да джёрме,аллай джёрме,
Быллай джёрме,ой,ой,
Мени джёрмем аллай джёрме,
Къаллай джёрме,ой,ой.
Тыш чегиси джети арбагъа джиб болады,
Джиб болады,ой,ой.
Аны урлагъан дуниядан тюп болады,
Тюп болады,ой,ой.
Мени джёрмем тас болгъанды,
Кёрюрмегиз,ой,ой.
Аны ашаргъа ол сагъатха
Бёрюмегиз,ой,ой.
аны ючюн элге,джолгъа
Келимегиз,ой,ой.
Андан къарылыб а
Биринг ёлюмегиз,ой,ой.
Мени джёрмем багъанадан
Базыкъ эди,ой,ой.
Аны ашаргъа бир къарыннга
Джазыкъ эди,ой.ой.
Мени джёрмем-джаулу джёрме,
Баулу джёрме,ой,ой.
Мени джёрмем ашагъаннга-
Даулу джёрме,ой,ой.
Джёрме барады,джаным,джашла,
Джаным бла,ой,ой.
Къан салгъанма джарлы юйюме
Къарным бла ой,ой.

Отарланы Омар
 
 
 
#190
Джаратама0
29.05.2010 11:35:46
"Ийнар"
Ёзденланы Альберт
Сюймеклик джыр

"Мен сюймекликден дюккюч болгъанма,
Джаз чырпы болуб чакъмазча".
Мени кемлигим тенгледен неди,
Сенича бирни табмазча?"

Ариуум дедим,Наныгъым дедим,
Къалай демедим атынга?...
Насыб джюгенни джазыугъа бериб,
Баралмай къалдым къатынга.

Неми да сеннге атадым,ариу,
Ёхтемлигими унутдум,
Джаз чагъыб келген насыб гоккама
Сууну кёб къуя къурутдум.

Элекге къуюб сууну бергенча,
Сюймеклигингден бердинг сен,
Мени тёзюмюм чексиз болгъанча,
Джарсыула къуюб кердинг сен.

Джазыуум ушайд къобхан тенгизге,
Къыбламам джокъду,къайдад джол?
Хар батхан кюнюм батхан кемечад,
Мыдах къарайма,булгъай къол.

Боран шаушалса,кёк чууакъ болса,
Сеннге кюн тийсин,меннге-ай.
Айгъа къарарма сеннге ушатыб,
Къалсам да дайым сууукълай.
 
 
 
#191
Джаратама0
29.05.2010 11:49:59
"Тепана"
Той-оюн джыр

Тепана бу оюннга!
Ойра,ойра,Тепана!
Биз келгенбиз союмгъа!
Ойра,ойра,Тепана!
Тепана уа сыйлыды!
Ойра,ойра,Тепана!
Тепананы кёрюгюз!
Ойра,ойра,Тепана!
Онгча,онгча барыгъыз!
Ойра,ойра,Тепана!
Сол аякъны алыгъыз!
Ойра,ойра,Тепана!
Тобукъ башха салыгъыз!
Ойра,ойра,Тепана!
СОЛЧА.солча барыгъыз!
Ойра,ойра,Тепана!
Онг аякъны алыгъыз!
Ойра,ойра,Тепана!
Тобукъ башха салыгъыз!
Ойра,ойра,Тепана!
ойнайбыз биз-кёлге асыу!
Ойра,ойра,Тепана!
Тепанагъа уа къара суу!
Ойра,ойра,Тепана!
Аш да,суу да бердиле!
Ойра,ойра,Тепана!
Адам кибик кёрдюле!
тепананы сордула!
Ойра,ойра,Тепана!
тепана уа арымаз!
Ойра,ойра,Тепана!
Ойнамайын не арымаз!
Ойра,ойра,Тепана!
Тепананы айтыгъыз!
Ойра,ойра,Тепана!
Тепана уа ойнайды!
Ойра,ойра,Тепана!
Кючюн аяб къоймайды!
Ойра,ойра,Тепана!
Тепанагъа-кюч-къарыу!
Ойра,ойра,Тепана!
Бу оюнсуз болмагъыз,
Ойра,ойра , Тепана!
Ойнасагъыз а оюннга!
Ойра,ойра,Тепана!
Бек болугъуз союмгъа!
Ойра,ойра,Тепана!
Тепана бла джашагъыз!
Ойра,ойра,Тепана!
гр."Учкекен"
"
 
 
 
#192
Джаратама0
29.05.2010 11:58:37
"Алтын кибик"
Къумукъ джыр

Ариу болмаз сюйгенле
Бир-бирин ангыламасалы.
Сен джыламукъларынгы
Тёгюб-тёгюб джылама.

Алтын кибик бармагъынг,
Кюмюш кибик тырнагъынг.
Сюеме деб айтаса,
Неге къыйнайса мени?

Мийик таугъа миннгенме-
Кёрмей болмайма сени.
Бир кесексе амал алыб
Шукур да болгъанем.

Алтын кибик бармагъынг,
Кюмюш кибик тырнагъынг.
Сюеме деб айтаса,
Неге къыйнайса мени?

Кёзлеринг кёкдюле сени,
Кёк атны джалы кибик.
Керек эдинг сен манга,
Къушха къанатла кибик.

Алтын кибик бармагъынг,
Кюмюш кибик тырнагъынг.
Сюеме деб айтаса,
Неге къыйнайса мени?

Къашынг бла кёзюнгю,
Ортасында ай барды.
Санга термилиб къалгъан,
Ненча тюрлю джан барды?

Алтын кибик бармагъынг,
Кюмюш кибик тырнагъынг.
Сюеме деб айтаса,
Неге къыйнайса мени?

Узакъ джолну клирме,
Сени джангыз бир кёрюрге.
Тенгизни джюзюб ётерме,
Чачыгъа бир тиерге.

Алтын кибик бармагъынг,
Кюмюш кибик тырнагъынг.
Сюеме деб айтаса,
Неге къыйнайса мени?

Газаланы Алим
 
 
 
#193
Джаратама0
30.05.2010 12:02:04
"Мыдах да,ачыулу да болмайыкъ"
Ёзденланы Альберт

Хош болмагъан кёзлеринге къарасам,
Ангыламаз къарамынгы урумун,
Иги сёз бла не бир иш бла джарасам-
Деб, излемейме джарсыуунгу чурумун.

Джумушакъгъа онг бермеучю джашау джол,
Бирде къаты эте болур керексиз...
Хар затда да марда билген кимди ол?
Ол-Аллахды!Адамлабыз биз а,биз...

Кюрешсем да мен болургъа Аллахлы,
Болгъан болур ушаш кюнюм къанлынга.
Кесим билиб, бир кере да гюнахлы
Болгъан болмам,ариу сени аллынгда?

Бек тилейме,мыдах болма керексиз,
Къатылыкъ бла чакъырма палахны.
Быллай кюнде,юлгю алыр ючюн биз,
Эсибизге тюшюрейик Аллахны.
 
 
 
#194
Джаратама0
31.05.2010 19:49:13
"Тау элде ингир"
Ёзденланы Альберт
1979дж

Кюн да бата,аяз бёле джукъусун,
Онгсунмайын булут эснеб,керилди,
Аз къызылдым кириуюнде булутну
Джангы айны алтын тиши кёрюндю.

Хей,тау элим,сау-эсен
Хур ингирге джетдинг сен!
Алгъышым джетсин санга-
Сау-эсен чыкъ хур тангнга!

Ханс ийисли тылпыулары тёгюле
Аязчыкъгъа ёкюрелле тууарла,
Къобан белляу айтхан шошлукъ сёгюле,
Минг тамакъдан ёкюрелле къаяла.

Хей,тау элим,сау-эсен
Хур ингирге джетдинг сен!
Алгъышым джетсин санга-
Сау-эсен чыкъ хур тангнга!

Джулдузлача джашнайдыла чыракъла,
Эжиу чыгъад Джарыкълыкъ юй табадан,
Омар джырлайд,джыры ташны къучакълайд,
Джырда Джуртха къайтхан къартча азабдан.

Хей,тау элим,сау-эсен
Хур ингирге джетдинг сен!
Алгъышым джетсин санга-
Сау-эсен чыкъ хур тангнга!
 
 
 
#195
Джаратама0
11.06.2010 09:26:40
Faida
Аперим сеннге: джырлны билген, тау адетлени билген-тюзюн аитчы, джашырмай айт, къаисы элденсеее сееен (джер)
 
 
 
#196
Джаратама0
13.06.2010 11:52:24
всезнайка
сау болугъуз... кесигизни игилигигизди... просто...

къаисы элденсеее сееен (джер) уяламаааа....))))))



Айтыгъыз джаратхан джырыгъызны -табаргъа кюреширме... джазарма)
 
 
 
#197
Джаратама0
13.06.2010 15:01:34
"Увези меня при луне" (перев. М.Пляцковского)
Байрамукъланы Халимат

Мой джигит, ты меня не обманешь,
Я прошу: не клянись мне в любви.
Если любишь,то клясться не станешь,
Так зачем же мне клятвы твои?

Прискачи по гористым дорогам
Сквозь туман,сквозь дождей кутерьму,
Загляни мне в глаза ненароком-
И тогда всё без слов я пойму.

Ну,а если ты скажешь мне слово
В час,когда будешь рядом со мной,
То не смей повторять его снова
НИКОМУ...Разве мне лишь одной.

Мой любимый,мой сильный,мой смелый,
Увези ты меня при луне
Под лохматою буркою белой,
На отчаянном белом коне.

Токова Альбина
 
 
 
#198
Джаратама0
13.06.2010 21:26:19
"Алгъыш"
Ёзденланы Альберт

Гоппан аякъны мен къолгъа алыб,
Алгъыш этейим таулагъа:
Сюймегенле да сюйсюнле бизни,
Ол нюзюрюмдю джаулагъа.

Ичейик,ичейик,ичейик,
Адамлыкъгъа базыб!
Тилейик,тилейик,тилейик,
Халкъыбызгъа насыб!

Джети атагъа дери санаргъа
Уста болсунла балала!
Сабийлеринден ачымасынла
Таулу атала,анала!

Ичейик,ичейик,ичейик,
Адамлыкъгъа базыб!
Тилейик,тилейик,тилейик,
Халкъыбызгъа насыб!

Къартсыз болмасын Ата Джуртубуз!
Таркъаймасын Къобаныбыз,
Ташын джаларгъа,сууун ичерге
Термилмесин тау халкъыбыз!

Ичейик,ичейик,ичейик,
Адамлыкъгъа базыб!
Тилейик,тилейик,тилейик,
Халкъыбызгъа насыб!

Кёбню сынагъан тау миллетибиз
Атламын тири башласын!
Джангы уяннган ана тилибиз,
Джазгъы тереклей джашнасын!

Ичейик,ичейик,ичейик,
Адамлыкъгъа базыб!
Тилейик,тилейик,тилейик,
Халкъыбызгъа насыб!
 
 
 
#199
Джаратама0
13.06.2010 22:02:43
"Минги Тау!
Семенланы Сымайыл

Сен кёкге джете мийиксе
Кавказ тауланы ичинде.
Мияла кибик джылтырай,
Къанга бузларынг юсюнгде.

О-райда-райда
О-райда-райда
О-райда-райда-орайда
О-райда-райда
О-райда-райда
О-райда-райда-орайда

Юсюнгде барды акъ тонунг,
Сен джай да,къыш да киесе.
Кюн бузулургъа тебресе,
Боран этерге сюесе.

Кюн ариу, чууакъ тургъанлай,
Тохтамайды боранынг,
Джай да,къыш да эримейди
Юсюнгдеги бузларынг.

О-райда-райда
О-райда-райда
О-райда-райда-орайда
О-райда-райда
О-райда-райда
О-райда-райда-орайда

Сен кёкге джете мийиксе
Кавказ тауланы ичинде.
Мияла кибик джылтырай,
Къанга бузларынг юсюнгде.

Юсюнгде барды акъ тонунг,
Сен джай да,къыш да киесе.
Кюн бузулургъа тебресе,
Боран этерге сюесе.

О-райда-райда
О-райда-райда
О-райда-райда-орайда
О-райда-райда
О-райда-райда
О-райда-райда-орайда

гр."Учкекен"
 
 
 
#200
Джаратама0
17.06.2010 23:58:15
"Тюш"
Ёзденланы Альберт

Минги Тауну тешиб,танг да атаргъа,
Топурагъын айырсына къуйгъанма,
Мен джол ишлеб Къарачайдан Малкъаргъа,
Къурманлыкъгъа Ибилисни сойгъанма.

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан!

Минги тауну эки башны бир этиб,
Дунияда эм мийик тау этгенме!
Къанат битиб,ары учуб терк джетиб,
Байракъ тагъыб,тау элиме кетгенме!

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан!

Бир джырлайма,бир джылайма,тёзалмай,
Хар ахлыума къучагъымы кереме.
Бир болгъаны ючюн Малкъар-Къарачай,
Джауларыма мен садакъа береме.

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан!

гр. "Салам"
 
 
 
Страницы: Пред. 1 ... 6 7 8 9 10 ... 14 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.