- Гугурук къычырмаса да, тангны атары къалмаз.
- Тели турса – той бузар.
- Арыгъан къош чамчы болур.
- Татлы сёз – балдан татлы.
- Итли къонакъ джарашмаз.
- Окъугъанны бети джарыкъ.
- Эркишиге тары кебек танг кёрюнюр.
- Хар ишни да аллы къыйынды.
- Эл бла кёргенинг эрелей.
- Хоншуну тауугъу къаз кёрюнюр, келини къыз кёрюнюр.
- Адамны аманы адамны бети бла ойнар.
- Адебни адебсизден юрен.
- Адамны бетине къарама, адетине къара.
- Адамны джюреги нени кёрюрге сюйсе, кёзю да аны кёрюрге ёч болады.
- Тёзгеннге, джабылгъан эшик ачылыр.
- Къозулугъунда тоймагъан, къойлугъунда тоймаз.
- Ачны эсинде – аш.
- Тил – кесген бычакъ, сёз – атылгъан окъ.
- Элде адам къалмаса, ит тахтагъа минер.
- Кимни – тили, тиши онглу, кимни – къолу, иши онглу.
- Ашхы атаны – джашы ашхы, ашхы ананы – къызы ашхы.
- Айраннга суу къош, телиге джол бош.
- Джети тилни билген джети кишиди.
- Аз сёлешген, къайгъысыз турур.
- Танг атмайма десе да, кюн къоярыкъ тюйюлдю.
- Ана къолу ачытмаз.
- Аманны эки битли тону болур, бирин сеннге кийдирир, бирин кеси киер.
- Адамны сабийин сюйген джюреги, бычакъча, джитиди.
- Аллахха ийнаннган кишини, Аллах онгдурур ишин.
- Халкъгъа джарагъан, джарлы къалмаз.
- Байма, деб да, къууанма, джарлыма, деб да, джылама.
- Башынга джетмегенни сорма.
- Чомарт къонакъ юй иесин сыйлар.
- Бюгюн дуния кибик, тамбла ахыратды.
- От этилмеген джерден тютюн чыкъмайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тыш элде солтан болгъандан эсе, кесинги элде олтан болгъан игиди!
- Мен да «сен», дейме, сен да «кесим», дейсе.
- Ётюрюк хапар аякъ тюбю бла джюрюйдю.
- Билимден уллу байлыкъ джокъду.
- Сютню башын джалагъан къутулур, тюбюн ичген тутулур.
- Джашлыкъ этмеген, башлыкъ этмез.
- Кийимни бир кюнню аясанг, минг кюннге джарар.
- Арба аугъандан сора, джол кёргюзтюучю кёб болур.
- Биреуге аманлыкъ этиб, кесинге игилик табмазса.
- Ана – юйню кюн джарыгъы.
- Джылыгъа джылан илешир.
- Эм уллу байлыкъ – джан саулукъ.
- Тулпарлыкъ, билекден тюл – джюрекден.
- Эки итни арасына сюек атма, эки адамны арасында сёз чыгъарма.
КЕЛИГИЗ ДЖЫРЛАЙЫКЪ
|
Кюн тийгенди тау эллеге нюрюн чача,
Уллу юйле сюелелле къалалача Къонакъ келсе эшиклерин кеннге ача Сен джашнайса туугъан элим Ючкекеним!!! |
|
|
|
|
|
Как приятно читать песни на родном языке)))))))
 |
|
|
|
|
|
Кто знает слова песни "Чекде"? И кто автор?
***Ким сакълайды,ариу, сени къатынгы, унутдуруб манга берген антынг? З.Ы.! Сегодня концерт по телевизору ко Дню пограничника. |
|
|
|
|
|
kollega
A ким джырлайды ол джырны? )) |
|
|
|
|
|
Faida
Аперим сеннге: джырлны билген, тау адетлени билген-тюзюн аитчы, джашырмай айт, къаисы элденсеее сееен (джер) |
|
|
|
|
|
всезнайка
сау болугъуз... кесигизни игилигигизди... просто...  къаисы элденсеее сееен (джер) уяламаааа....))))))  Айтыгъыз джаратхан джырыгъызны -табаргъа кюреширме... джазарма)  |
|
|
|
|
Читают тему (гостей: 1)