Расширенный поиск
22 Августа 2025 года
Логин: Регистрация
Пароль: Забыли пароль?
Навигация
Словарь
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Телиге от эт десенг, юйюнге от салыр.
  • Джылыгъа джылан илешир.
  • Ёлюк кебинсиз къалмаз.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Ётюрюкден тюбю джокъ, кёлтюрюрге джиби джокъ.
  • Иги – алгъыш этер, аман – къаргъыш этер.
  • Ёлмесенг да, къарт дамы болмазса?
  • Джарлыны тону джаз битер.
  • Бойнуму джети джерден кессенг да, мен ол ишни этеллик тюлме.
  • Ашаса, ашамаса да, бёрюню ауузу – къан.
  • Тилчи бир сагъатха айлыкъ хата этер.
  • Джетген къыз джерли эшекни танымаз.
  • Кёбден умут этиб, аздан къуру къалма.
  • Келлик заман – къартлыкъ келтирир, кетген заман – джашлыкъ ёлтюрюр.
  • Уллу сёлешме да, уллу къаб.
  • Оюмсуз атлагъан, аджалсыз ёлюр.
  • Къыз тиширыу кеси юйюнде да къонакъды.
  • Джолда аягъынга сакъ бол, ушакъда тилинге сакъ бол.
  • Чакъырылмагъан джерге барма, чакъырылгъан джерден къалма.
  • Чомарт бергенин айтмаз.
  • Онгсузну – джакъла, тенгликни – сакъла.
  • Аш берме да, къаш бер.
  • Минг тенг да азды, бир джау да кёбдю.
  • Эркишини аманы тиширыуну джылатыр.
  • Ариу сёзде ауруу джокъ.
  • Чыкълы кюнде чыкъмагъан, чыкъса къуру кирмеген.
  • Ариу – кёзге, акъыл – джюрекге.
  • Юй ишлеген балта эшикде къалыр.
  • Аман адам этегингден тутса, кес да къач.
  • Чарсда алчыны эл кёреди.
  • Айтхан – тынч, этген – къыйын.
  • Ашхы болсанг, атынг чыгъар, аман болсанг, джанынг чыгъар.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Биреу къой излей, биреу той излей.
  • Ойнаб айтсанг да, эслеб айт.
  • Ат басханны джер билед.
  • Эрни эр этерик да, къара джер этерик да, тиширыуду.
  • Борчунг бар эсе, хурджунунга ойлаб узал.
  • Чомартха хар кюн да байрамды.
  • Тёгюлген тюгел джыйылмайды.
  • Джашлыкъ этмеген, башлыкъ этмез.
  • Ашхы адам – халкъ байлыгъы, ашхы джер – джашау байлыгъы.
  • Таукелге нюр джауар.
  • Къарын къуру болса, джюрек уру болур.
  • Уллу атлама – абынырса, уллу къабма – къарылырса.
  • Тай асырагъан, атха минер.
  • Сууда джау джокъ, кёб сёзде магъана джокъ.
  • Мал тутхан – май джалар.
  • Дуния аламаты сен эсенг да, игиме деб айтма.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии