Песен: 28 Создан:
27.11.2017 Обновлен:
28.11.2017
| 10 Сентября | 2026 года |
Навигация
- Эркиши – от, тиширыу – суу.
- Джан саулукъ бермей, сан саулукъ бермезсе.
- Тёрени джагъы джокъ.
- Арбаз сайлама да, хоншу сайла.
- Тулпарлыкъ, билекден тюл – джюрекден.
- Уллу айтханны этмеген – уллаймаз.
- Байлыкъ тауусулур, билим тауусулмаз.
- Ётюрюкню къуйругъу – бир тутум.
- Къонагъынгы артмагъын алма да, алгъышын ал.
- Алма терегинден кери кетмез.
- Шекер бла туз – бир болмаз, ушамагъан – юй болмаз.
- Адамны бетине къарама, адетине къара.
- Мадар болса, къадар болур.
- Бет бетге къараса, бет да джерге къарар.
- Ачны эсинде – аш.
- Ашхылыкъ джерде джатмайды, аманлыкъ суугъа батмайды.
- Тиширыусуз юй – отсуз от джагъа.
- Окъ къызбайны джокълайды.
- Аз сёлешген, къайгъысыз турур.
- Эртде тургъан джылкъычыны эркек аты тай табар.
- Асхат ашлыкъ сата, юйдегиси ачдан къата.
- Эринчекни эр алмаз, эр алса да, кёл салмаз, кёл салса да, кёб бармаз!
- Эки ойлашыб, бир сёлешген.
- Киштикге къанат битсе, чыпчыкъ къалмаз эди.
- Уллу суу бла уллу ауруудан башынгы сакъла.
- Ашда уялгъан – мухар, ишде уялгъан – хомух.
- Байдан умут эте, джарлыдан ёгюз багъасы къорады.
- Тили узунну, намысы – къысха.
- Ашлыкъны арба юйге келтирир, чана базаргъа элтир.
- Къонакъ хазыр болгъанлыкъгъа, къонакъбай хазыр тюлдю.
- Аман хансны – урлугъу кёб.
- Чабар ат – джетген къыз.
- Чакъырылгъанны аты, чакъырылмагъанны багъасы болур.
- Ач къарынны, токъ билмез
- Садакъачыны джаны – къапчыгъында.
- Танг атмайма десе да, кюн къоярыкъ тюйюлдю.
- Хатерли къул болур.
- Биреуге аманлыкъ этиб, кесинге игилик табмазса.
- Эл ауузу – элек, анга ийнаннган – халек.
- Ёмюрлюк шохлукъну джел элтмез.
- Иги болса, тамадама – махтау, аман болса, меннге – айыб.
- Биреуге аманлыкъны тилеме да, кесинге ашхылыкъны тиле.
- Къобан да къуру да къобханлай турмайды, адам да къуру да патчахлай турмайды.
- Къумурсхала джыйылсала, пилни да джыгъадыла.
- Джолда аягъынга сакъ бол, ушакъда тилинге сакъ бол.
- Билим ат болуб да чабар, къуш болуб да учар.
- Къарт айтханны этмеген, къартаймаз.
- Бюгюн дуния кибик, тамбла ахыратды.
- Тенги кёбню джау алмаз, акъылы кёбню дау алмаз.
- Джашлыкъ этмеген, башлыкъ этмез.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
