- Ашыкъгъан cуу, тенгизге джетмез.
- Биреу ашаб къутулур, биреу джалаб тутулур.
- Бал ашаргъа сюе эсенг, чибин ургъаннга тёз.
- Олтуруб кёрюнмей эди да, ёрге туруб кёрюне эди.
- Къонакъ аз олтурур, кёб сынар.
- Кёпюр салгъан кеси ётер, уру къазгъан кеси кетер.
- Аджашхан тёгерек айланыр.
- Ач бёрюге мекям джокъ.
- Таукел тауну аудурур.
- Эллинг бла джау болсанг да, юйюнг бла джау болма.
- Кёб джат да, бек чаб.
- Мухарны эси – ашарыкъда.
- Хар ишни да аллы къыйынды.
- Билмегенинги, билгеннге сор.
- Экеулен сёлеше тура эселе, орталарына барыб кирме.
- Айранны сюйген, ийнек тутар.
- Джыгъылгъанны сырты джерден тоймаз.
- Ёлген ийнек сютлю болур.
- Бал – татлы, балдан да бала – татлы.
- Тёзгеннге, джабылгъан эшик ачылыр.
- Кёз – сюйген джерде, къол – ауругъан джерде.
- Уллу суу бла уллу ауруудан башынгы сакъла.
- Рысхы – сют юсюнде кёмюк кибикди.
- Элге къуллукъ этмеген, элге ие болмаз.
- Иги сёз – джаннга азыкъ, аман сёз башха – къазыкъ.
- Байдан умут эте, джарлыдан ёгюз багъасы къорады.
- Чыбыкълыкъда бюгюлмеген, къазыкълыкъда бюгюлмей эди.
- Тил – миллетни джаны.
- Къарны аманнга къазан такъдырма, къолу аманнга от джакъдырма.
- Ашда – бёрю, ишде – ёлю.
- Ауругъаннга – кийик саулукъ, джетген къызгъа – чилле джаулукъ.
- Окъдан джара эртде-кеч болса да бителир, сёз джара, ёмюрге къалыр.
- Ишлегенде эринме, ишде чолакъ кёрюнме.
- Джахил болса анасы, не билликди баласы?
- Тамчы таш тешер.
- Мухардан ач ычхынмаз.
- Чарсда алчыны эл кёреди.
- Душманны тышы – акъ, ичи – къара.
- Ач, тоймам, дейди, тойгъан, ач болмам, дейди.
- Алтыннга тот къонмаз.
- Аууз сакълагъан – джан сакълар.
- Тилчиден кери бол.
- Таукел къуру къалмаз.
- Къарнынг тойгъунчу аша да, белинг талгъынчы ишле.
- Айыбны суу бла джууалмазса.
- Нарт сёз – тилни бети.
- Къарнынг ауруса, ауузунгу тый
- Биреуге кёлтюрген таягъынг, кесинги башынга урур.
- Чабакъ башындан чирийди.
- Аман киши кеси юйюнде – къонакъ.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)