- Адамны аманы адамны бети бла ойнар.
- Джангыз торгъай джырламаз.
- Ариу – кёзге, акъыл – джюрекге.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бети бедерден, намыс сакълама.
- Джашынгы кесинг юретмесенг, джашау юретир.
- Аллахха ийнаннган кишини, Аллах онгдурур ишин.
- Адамны артындан къара сабан сюрме.
- Биреуню тёрюнден, кесинги эшик артынг игиди.
- Соргъан айыб тюлдю, билмеген айыбды.
- Акъыл аздырмаз, билим тоздурмаз.
- Тамырсыз терекге таянма – джыгъылырса.
- Кесине гебен этелмеген, биреуге черен эте эди.
- Акъыллы айтыр эди, акъылсыз къоймайды.
- Ашын ашагъанынгы, башын да сыйла.
- Сёз къанатсыз учар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уллу къазанда бишген эт, чий къалмаз.
- Байны оноуу, джарлыгъа джарамаз.
- Гугук кесини атын айтыб къычыргъанча, мен, мен деб нек тураса?
- Окъугъанны бети джарыкъ.
- Аууздан келген, къолдан келсе, ким да патчах болур эди.
- Чакъырылмагъан къонакъ къачан кетерин сормаз.
- Атадан ёксюз – бир ёксюз, анадан ёксюз – эки ёксюз.
- Иесиз малны бёрю ашар.
- Тойгъандан сора, ашны сёкме.
- Тин – байлыгъынг, терен саулугъунг.
- Тюзлюк шохлукъну бегитир.
- Олтуруб кёрюнмей эди да, ёрге туруб кёрюне эди.
- Адамны аты башхача, акъылы да башхады.
- Нёгер болсанг, тенг бол, тенг болмасанг, кенг бол.
- Ана кёлю – балада, бала кёлю – талада.
- Азыкъ аз болса, эртде орун сал.
- Джол бла сёзню къыйыры джокъ.
- Эски джаугъа ышанма.
- Келлик заман – къартлыкъ келтирир, кетген заман – джашлыкъ ёлтюрюр.
- Чомарт джарлы болмаз.
- Тойгъа барсанг, тоюб бар, эски тонунгу къоюб бар.
- Таякъ этден ётер, тил сюекден ётер.
- Ётюрюкню башын керти кесер.
- Намысы джокъну – дуниясы джокъ.
- Тилчи бир сагъатха айлыкъ хата этер.
- Бети – къучакълар, джюреги – бычакълар.
- Къолу уллу – асыу, аягъы уллу – джарсыу.
- Малны кют, джерни тюрт.
- Тели турса – той бузар.
- Нарт сёз къарт болмаз.
- Ачны эсинде – аш.
- Юйлю уругъа ит чабмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)