- Сютню башын джалагъан къутулур, тюбюн ичген тутулур.
- Къартны бурнун сюрт да, оноугъа тут.
- Уллу атлама – абынырса, уллу къабма – къарылырса.
- Ач да бол, токъ да бол – намысынга бек бол.
- Бермеген къол, алмайды.
- Акъыллы башны – тили къысха.
- Чакъырылмагъан къонакъ къачан кетерин сормаз.
- Элиб деген, элге болушур.
- Ишлегенден, къарагъан уста.
- Эрни эр этерик да, къара джер этерик да, тиширыуду.
- Къралынгы – душмандан, башынгы от бла суудан сакъла.
- Берекет берсин деген джерде, берекет болур.
- Келгинчи, къонакъ уялыр, келгенден сора, къонакъбай уялыр.
- Бир абыннган – минг сюрюнюр.
- Сютден ауузу кюйген, суугъа юфгюре эди.
- Урама да – ёледи, сатама да – келеди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къуру гыбыт бек дыгъырдар.
- Ёлген аслан – сау чычхан.
- Мадар болса, къадар болур.
- Байны оноуу, джарлыгъа джарамаз.
- Аманнга да, игиге да оноусуз къатышма.
- Окъдан джара эртде-кеч болса да бителир, сёз джара, ёмюрге къалыр.
- Битмегеннге сакъал – танг.
- Шайтан алдады, тюзлюк къаргъады.
- Эки къатын алгъанны къулагъы тынгнгаймаз.
- Къарны аманнга къазан такъдырма, къолу аманнга от джакъдырма.
- Ишге юренсин къоллары, халкъ бла болсун джоллары.
- Адамны аманы адамны бети бла ойнар.
- Къыз тиширыу кеси юйюнде да къонакъды.
- Рысхы – сют юсюнде кёмюк кибикди.
- Азыгъы аз, алгъа къабар, аты аман, алгъа чабар.
- Тил бла келеди джыр да.
- Тюкюрюк баш джармаз, налат кёз чыгъармаз!
- Айранын берсенг, челегин да къызгъанма.
- Адам туугъан джеринде, ит тойгъан джеринде.
- Аджашхан тёгерек айланыр.
- Хансыз джомакъ болмаз.
- Ачлыкъда тары гырджын халыуадан татлы.
- Агъач халкъгъа алтынды, иссиликге салкъынды.
- Телиге от эт десенг, юйюнге от салыр.
- Таугъа чыгъаллыкъ эсенг, тюзде къалма.
- Тели турса – той бузар.
- Тамырсыз терекге таянма – джыгъылырса.
- Айырылгъанланы айю ашар, бёлюннгенлени бёрю ашар.
- Айырылмаз джууугъунга, унутмаз сёзню айтма.
- Кесине оноу эте билмеген, халкъына да эте билмез.
- Ашхы – джыяр, аман – джояр.
- Чоюнну башы ачыкъ болса, итге уят керекди.
- Сёз сёзню айтдырыр.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)