- Тёрде – темир таякълы, къаяда – чыпчыкъ аякълы.
- Сабийни джумушха джибер да, ызындан бар.
- Айранын берсенг, челегин да къызгъанма.
- Башсыз урчукъ тюзюне айланмаз.
- Ётген ёмюр – акъгъан суу.
- Къазанчы аман болса, къазаны къайнамаз.
- Ишни ахырын ойламай, аллын башлама.
- Ойнай-ойнай кёз чыгъар.
- Ачыу алгъа келсе, акъыл артха къалады.
- Эшекни не къадар тюйсенг да, ат болмаз.
- Тыш элде солтан болгъандан эсе, кесинги элде олтан болгъан игиди!
- Адам туугъан джеринде, ит тойгъан джеринде.
- Ана къойну – балагъа джандет.
- Ашын ашагъанынгы, башын да сыйла.
- Сагъышы джокъ – джукъучу, акъылы джокъ – къаугъачы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашатыргъа иш – ашхы, ишлетирге аш – ашхы.
- Халкъны юйю – туугъан джери.
- Къарны аманнга къазан такъдырма, къолу аманнга от джакъдырма.
- Ариу джол аджал келтирмез.
- Къалгъан ишге къар джауар.
- Хатерли къул болур.
- Джумушакъ терекни къурт ашар.
- Гугурук къычырмаса да, тангны атары къалмаз.
- Эринчекге кюн узун.
- Уясында не кёрсе, учханында аны этер.
- Игиге айтсанг – билир, аманнга айтсанг – кюлюр.
- Гырджын – тепсини тамадасы.
- Кёкдеги болмаса, джердегин кёрмейди.
- Аман адамны тепсинге олтуртсанг, къызынгы тилер.
- Байлыкъ келсе, акъыл кетер.
- Джарлы эскисин джамаса, къууаныр.
- Ашда – бёрю, ишде – ёлю.
- Тилчи бир сагъатха айлыкъ хата этер.
- Аманны къуугъан, аманлыкъ табар.
- Билими азны – ауузунда кирит.
- Юй ишлеген балта эшикде къалыр.
- Эм ашхы къайын ана мамукъ бла башынгы тешер.
- Кёлсюзден сёзсюз тууар.
- Башы ишлегенни, ауузу да ишлер.
- Чомарт бергенин айтмаз.
- Уллу атлама – абынырса, уллу къабма – къарылырса.
- Сакъламагъан затынга джолукъсанг, не бек къууанаса, не бек ачыйса.
- Айран тёгюлсе, джугъусу къалыр.
- Азыкъ аз болса, эртде орун сал.
- Иесиз малны бёрю ашар.
- Аман къатын сабий табса, бий болур…
- Босагъа таш юйге кирмей эди, тыбыр таш эшикге чыкъмай эди.
- Таякъ этден ётер, тил сюекден ётер.
- Гитче джилтин уллу элни джандырыр.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)