- Ётюрюкню башын керти кесер.
- Ичимден чыкъды хата, къайры барайым сата?
- Эл ауузу – элек, анга ийнаннган – халек.
- Ач уят къоймаз.
- Байдан умут эте, джарлыдан ёгюз багъасы къорады.
- Тилсиз миллет джокъ болур.
- Джол бла сёзню къыйыры джокъ.
- Ётюрюкню къуйругъу – бир тутум.
- Тёзген – тёш ашар!
- Джыйырма къойну юч джыйырма эбзе кюте эди.
- Чомартха Тейри да борчлуду.
- Ишленмеген джаш – джюгенсиз ат, ишленмеген къыз – тузсуз хант.
- Сибиртки да сыйлы болду, кюрек да кюнлю болду.
- Ашхы тенг джолгъа салыр, аман тенг джолдан тайдырыр.
- Ариу сёз аурууунгу алыр.
- Биреуге кёлтюрген таягъынг, кесинги башынга урур.
- Атлыны кёрсе, джаяуну буту талыр.
- Ана къойну – балагъа джандет.
- Айныгъанлы алты кюн, тогъайгъанлы тогъуз кюн.
- Бир абыннган – минг сюрюнюр.
- Нёгер болсанг, тенг бол, тенг болмасанг, кенг бол.
- Къазанчы аман болса, къазаны къайнамаз.
- Ач къарынны, токъ билмез
- Келлик заман – къартлыкъ келтирир, кетген заман – джашлыкъ ёлтюрюр.
- Онгсузну – джакъла, тенгликни – сакъла.
- Кёл ашады да, кеси ашады.
- Ётюрюкчюню шагъаты – къатында.
- Ариу сёз – къылычдан джити.
- Ишни ахырын ойламай, аллын башлама.
- Джылар джаш, атасыны сакъалы бла ойнар.
- Экиндини кеч къылсанг, чабыб джетер ашхам.
- Джюрек кёзден алгъа кёрюр.
- Айраннга суу къош, телиге джол бош.
- Тойгъа барсанг, тоюб бар, эски тонунгу къоюб бар.
- Тик ёргени, тик энгишгеси да болады.
- От этилмеген джерден тютюн чыкъмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таукелге нюр джауар.
- Иги – алгъыш этер, аман – къаргъыш этер.
- Байма, деб да, къууанма, джарлыма, деб да, джылама.
- Ариу сёз – джаннга азыкъ, аман сёз – башха къазыкъ.
- Акъыл сабырлыкъ берир.
- Ашаса, ашамаса да, бёрюню ауузу – къан.
- Ата Джуртча джер болмаз, туугъан элча эл болмаз.
- Хазыр ашха – терен къашыкъ.
- Джумушакъ сёз къаты таякъны сындырыр.
- Джашда акъыл джокъ, къартда къарыу джокъ.
- Суугъа – чабакъ, къаягъа – ыргъакъ.
- Аманнга игилик этсенг, юйюнге сау бармазса.
- Ышармагъан – кюлмез, кюлмеген – къууанчны билмез.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)