- Тин – байлыгъынг, терен саулугъунг.
- Окъугъанны бети джарыкъ.
- Аджаллыгъа окъсуз шкок атылыр.
- Бети – къучакълар, джюреги – бычакълар.
- Къонакъ хазыр болгъанлыкъгъа, къонакъбай хазыр тюлдю.
- Шекер бла туз – бир болмаз, ушамагъан – юй болмаз.
- Тёрде – темир таякълы, къаяда – чыпчыкъ аякълы.
- Босагъагъа джууукъ орун болса, ашыгъыб тёрге озма.
- Биреуге аманлыкъны тилеме да, кесинге ашхылыкъны тиле.
- Алгъанда – джууукъ, бергенде – джау.
- Джигер – джаннга къыйынлыкъ.
- Къарнынг тойгъунчу аша да, белинг талгъынчы ишле.
- Эллинг бла джау болсанг да, юйюнг бла джау болма.
- Ашлыкъ – бюртюкден, джюн – тюкден.
- Ханы къызы буюгъа-буюгъа киштик болду.
- Къонагъынгы артмагъын алма да, алгъышын ал.
- Келгинчи, къонакъ уялыр, келгенден сора, къонакъбай уялыр.
- Къарыусузгъа кюлме, онгсузгъа тийме.
- Акъыл бла адеб эгизледиле.
- Къыйынлы джети элге оноу этер.
- Башы ишлегенни, ауузу да ишлер.
- Билимли ёлмез, билимсиз кёрмез.
- Агъач халкъгъа алтынды, иссиликге салкъынды.
- Башынга джетмегенни сорма.
- Башы джабылгъан челекге, кир тюшмез.
- Айныгъанлы алты кюн, тогъайгъанлы тогъуз кюн.
- Элге къуллукъ этмеген, элге ие болмаз.
- Тил – кесген бычакъ, сёз – атылгъан окъ.
- Эл элде бирер малынг болгъандан эсе, бирер тенгинг болсун.
- Ёгюзню мюйюзлери ауурлукъ этмейдиле.
- Кийиминг бла танылма, адамлыкъ бла таныл.
- Башсыз урчукъ тюзюне айланмаз.
- Аш берме да, къаш бер.
- Ёмюрлюк шохлукъну джел элтмез.
- Баш – акъыл ючюн, акъылман – халкъ ючюн.
- Иги адамны бир сёзю эки болмаз.
- Байма, деб да, къууанма, джарлыма, деб да, джылама.
- Къонакъны къачан кетерин сорма, къачан келлигин сор.
- Чабакъсыз кёлге къармакъ салгъанлыкъгъа, чабакъ тутмазса.
- Эл тойса, тоймагъан, эл къойса, къоймагъан.
- Биреу къой излей, биреу той излей.
- Бёрю да ач къалмасын, эчки да ашалмасын.
- Ата джурт – алтын бешик.
- Адамны адамлыгъы къыйынлыкъда айгъакъланады.
- Къыз келсе, джумуш эте келеди, къатын келсе, ушакъ эте келеди.
- Сабий болмагъан джерде, мёлек болмаз.
- Арбаз къынгырды да, ийнек сауалмайма.
- Атадан ёксюз – бир ёксюз, анадан ёксюз – эки ёксюз.
- Адамны сабийин сюйген джюреги, бычакъча, джитиди.
- Эринчекни аурууу – кёб.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)