- Сыфатында болмагъаны, суратында болмаз.
- Биреуге аманлыкъны тилеме да, кесинге ашхылыкъны тиле.
- Нёгер болсанг, тенг бол, тенг болмасанг, кенг бол.
- Билимден уллу байлыкъ джокъду.
- Тили узунну, намысы – къысха.
- Ата Джуртун танымагъан, атасын да танымаз.
- Чабар ат – джетген къыз.
- Чакъырылгъанны аты, чакъырылмагъанны багъасы болур.
- Адамны аты башхача, акъылы да башхады.
- Сабийни джумушха джибер да, ызындан бар.
- Бек анасы джыламаз.
- Бал – татлы, балдан да бала – татлы.
- Киштикге къанат битсе, чыпчыкъ къалмаз эди.
- Хар зат кесини орнуна иги.
- Аякъларынгы джууургъанынга кёре узат.
- Сабий болмагъан джерде, мёлек болмаз.
- Алма терегинден кери кетмез.
- Урама да – ёледи, сатама да – келеди.
- Джуртун къоругъан озар.
- Ойнай-ойнай кёз чыгъар.
- Эте билген, этген этеди, эте билмеген, юретген этеди!
- Къоркъакъны кёзю экили кёрюр.
- Ётюрюкден тюбю джокъ, кёлтюрюрге джиби джокъ.
- Кёпюр салгъан кеси ётер, уру къазгъан кеси кетер.
- Гыдай эчки суугъа къараб, мюйюзле кёрмесе, джашма алкъын, дегенди.
- Чарсда алчыны эл кёреди.
- Чакъырылмагъан джерге барма, чакъырылгъан джерден къалма.
- Джаз бир кюнню джатсанг, къыш талай кюнню абынырса.
- Бойнуму джети джерден кессенг да, мен ол ишни этеллик тюлме.
- Къонакъ аман болса, къонакъбай джунчур
- Ханнга да келеди хариблик.
- Ач – эснер, ат – кишнер.
- Атынг аманнга чыкъгъандан эсе, джанынг тамагъынгдан чыкъсын.
- Таула не мийик болсала да, аууш табылыр.
- Ариу сёз аурууунгу алыр.
- Ачны эсинде – аш.
- Къызны минг тилер, бир алыр.
- Душманны тышы – акъ, ичи – къара.
- Кёл ашады да, кеси ашады.
- Тюзню ётмеги тюзде къалса да, тас болмаз.
- Ашхы тенг джолгъа салыр, аман тенг джолдан тайдырыр.
- Игини сыйлагъан адетди.
- Аш иеси бла татлыды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бек ашыкъгъан меннге джетсин, дегенди аракъы.
- Чомартха Тейри да борчлуду.
- Кесинге джетмегенни, кёб сёлешме.
- Башсыз урчукъ тюзюне айланмаз.
- Ашхы – джыяр, аман – джояр.
- Джети тилни билген джети кишиди.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)