Войти на сайт
30 Августа 2026 года

 

  • Ёгюзню мюйюзюнден тутадыла, адамны сёзюнден тутадыла.
  • Эски джаугъа ышанма.
  • Экиндини кеч къылсанг, чабыб джетер ашхам.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Байлыкъ тауусулур, билим тауусулмаз.
  • Таукел тауну аудурур.
  • Хунаны тюбюн къазсанг, юсюнге ауар.
  • Акъыл сабырлыкъ берир.
  • Агъач халкъгъа алтынды, иссиликге салкъынды.
  • Арбаз къынгырды да, ийнек сауалмайма.
  • Тили узунну, намысы – къысха.
  • Иги сёз – джаннга азыкъ, аман сёз башха – къазыкъ.
  • Чакъырылмай келген къонакъ сыйланмай кетер.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Къыйынлы джети элге оноу этер.
  • Ашлыкъ – бюртюкден, джюн – тюкден.
  • Халкъгъа джарагъан, джарлы къалмаз.
  • Суугъа – чабакъ, къаягъа – ыргъакъ.
  • Адамны адамлыгъы къыйынлыкъда айгъакъланады.
  • Джыйырма къойну юч джыйырма эбзе кюте эди.
  • Тилсиз миллет джокъ болур.
  • Тюкюрюк баш джармаз, налат кёз чыгъармаз!
  • Мухардан ач ычхынмаз.
  • Ауузу аманнга «иги», деме.
  • Кесине гебен этелмеген, биреуге черен эте эди.
  • Къумурсхала джыйылсала, пилни да джыгъадыла.
  • Адамны бетине къарама, адетине къара.
  • Хатерли къул болур.
  • Джашны джигитлиги сорулур, къызны джигерлиги сорулур.
  • Кёбге таш атма.
  • Джюрекден джюрекге джол барды.
  • Ханы къызы буюгъа-буюгъа киштик болду.
  • Уллу къашыкъ эрин джыртар.
  • Ач уят къоймаз.
  • Накъырданы арты керти болур.
  • Джаханимни кёрмей, джандетге кёл салмазса.
  • Ургъан суудан башынгы сакъла.
  • Тойгъан антын унутур.
  • Тойчу джашха къарама, къойчу джашха къара.
  • Бети – къучакълар, джюреги – бычакълар.
  • Бозаны арты дауур болур.
  • Баш болса, бёрк табылыр.
  • Кюлме джашха – келир башха.
  • Эри аманны, къатыны – аман.
  • Урама да – ёледи, сатама да – келеди.
  • Арыгъан къош чамчы болур.
  • Ата Джуртча джер болмаз, туугъан элча эл болмаз.
  • Ариу сёз – джаннга азыкъ, аман сёз – башха къазыкъ.
  • Тай асырагъан, атха минер.
  • Тёзген – тёш ашар!

 

Архив Форума » Зеленый Форум [архив] » - ЗФ - Ана тилибизде
Страницы: 1
RSS
Ата джуртуна намазлыкъгъача киреди Сапар.
 
#1
Джаратама0
04.05.2011 21:37:11
Белгили джазыучубуз Лайпанланы Билал башха белгили назмучубуз/ макъамчыбыз/джырчыбыз Ёзденланы Сапарны юсюнден, аны Ата Джуртха къаллай багъа бергенин, къалай кергенин/багъалатханын билдире былай айтханды:

"Ата джуртуна намазлыкъгъача киреди Сапар."


Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны. Ол зат меннге бек сеир керюндю кезюме. Ма, аллай бирди джазыучуланы/назмучуланы сезлерини кючю!

Бу теманы ол мурат аллай муратда ачама, джазыучуларыбызны, эм да башха миллетибизде белгили адамларыбызны юсюнден башха белгили адамла айтхан сезлени бери джыяйыкъ, деб. Ангылатыб айтырча - цитаты о великих от великих)).

Энди хар ким да излей болурла, ала къурагъан топикде флудить этмей, авторгъа сый бериб, ариу джазсала къошулгъанла, алай болса да, эсгертиб тилейме: кебден бери къурамай кючден-бутдан бир топик къурагъанма, джазалгъан джазыгъыз, джазалмагъан бузмай,блай сыйдам бармагъа бир къоюгъуз. Меннге къыйыныракъ да тиерикди сизден эсе кесими флуддан тыйгъан))), алай болса да мен да бара-баргъанда сизни топиклеригизни бузмазгъа кюреширме))).

Алайды да, хош келигиз!
 
 
 
#2
Джаратама0
10.08.2011 22:57:11
 
 
 
#3
Джаратама0
11.08.2011 01:58:34
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.
 
 
 
#4
Джаратама0
11.08.2011 02:13:11
Sabr
Сапарны китабын чыгъарыр джанындан болайыкъ
 
 
 
#5
Джаратама0
11.08.2011 16:46:11
 
 
 
#6
Джаратама0
11.08.2011 17:44:19
ШАТ
Не болду сагъыш этдирген, билмейме. Но на случай, если это связано с тем, что я написала, поясняю: я имела в виду что одним коротким предложением Билал Лайпанов смог раскрыть всю глубину и значение слова "Ата Джурт" для Сапара Узденова. Я как смогла, так и написала на родном языке, надеюсь, все слова правильно подобрала.

"Ата джуртуна намазлыкъгъача киреди Сапар."
Ма былай, бир джангыз къысха айтым бла адамны ич иннетин, тыш къарамын, джашау джолун, джашауда баш магъана берген затын, не тукъум тюрлю затын ачыкълаб къойгъанча кердюм Билал Сапарны.
 
 
 
#7
Джаратама0
11.08.2011 20:40:01
Сэстренка
Салам !
Мени поэзиямы Билал да, Сен да огъары тапхагъа чыгъарасыз, Сау Болугъуз.
Сагъышлы этген а буду:

Sabr
Сэстренка

Сен бек керекли сёзню башлагъанса былайда. Алай а, Сапарны керти уллу поэт болгъанын кёбле биле болмазла деб турама. Аны китабы чыгъыб, халкъгъа джайылмаса, биллик да болмазла.

"Эльбрусоид" фонд китабла чыгъарыучусун къарачай газетде окъугъан эдим. По каким критериям оцениваются рукописи - не знаю. Алай а, бизни поэзияда бюгюн биринчи орунда тургъан Ёзденланы Сапарды. "Эльбрусоид" Сапарны назму китабын басмалаталса, бютеу литературабызгъа, культурабызгъа хайырлы иш боллукъду.

Сэстренка, ол сени "шашдырыучу" халатла болмазча, этербиз ол китабны. Джангыз, сен фондну тамадалары бла сёлеш да, Сапарны китабын чыгъарыр джанындан болайыкъ. Ма ол зат керти да хайырлы, сууаблы иш боллукъду.



Эсенлик излей

Сапар Ёз.
 
 
 
#8
Джаратама0
16.08.2011 01:34:35
Шатны къууандыргъан, бютеу поэзиябызны къууандыргъанча бир затды. Шатха игилик этген - бютеу адабиятыбызгъа, культурабызгъа игилик этеди.


Алай а, бизни поэзияда бюгюн биринчи орунда тургъан Ёзденланы Сапарды.

Да о заман поезиябыз, миллетибиз куансын, Сапарча миллет адамларыбызга онг берип Карачай-Малкар алга джюрюсюн, мийик болсун, есен болсун, куанчлы болсун, тамласына джарык караялсын.
Сапарларыбыз, Билалларыбыз, Oceanларыбыз кёп болсунла, Елбрусоид ашхыдан ашхы болуп ызы калын болсун.
Миллетни куандырганла да еки дюняда куансынла. Ocean бысагъаттан ол дараджагъа барганды Аллах айтса, сауболсун, куанчлы болсун. Ол да бир насып, мийикте учхан Сапарны мийиклигъине джетип калалган.
 
 
 
#9
Джаратама0
16.08.2011 05:35:34
Tinibek

Amin
 
 
 
#10
Джаратама0
09.09.2011 06:19:16
Сапар ЁЗДЕН

291

Туугъан элим, сен энтда да бир сагъышлы:
Джаз ала да ушамайса сен джазгъа.
Кёгюнгде да ? боз булутла бир къайгъылы,
Бири-бирин хазырдыла таларгъа.

Келгенликге тансыкъ ала мен джуртумдан,
Къарайма да, берир затынг ? мыдахлыкъ.
Алай, ёзге, чарламайма, мен джугъунгдан,
Джазгъы хансынг, болуб эсе, намазлыкъ.

Намазгъа уа излемейме мен намазлыкъ,
Намазлыкъны эм игиси ? джуртумду.
Сен барлыкъда, сынамайды джаным ачлыкъ.
Санга кёлюм ? сенден эсе, уллуду.

Биягъынлай, ма тамбла да джолум тюзге.
Мен да, энтда, ашхы джолгъа барайым.
Сен, къайдан да эсен къайтар, Аллах, юйге ?
Мен кёрюме баба джуртда джатайым.
 
 
 
Страницы: 1
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.