- Къанны къан бла джуума, аманны аман бла къуума.
- Акъыллы – эл иеси, тели – эл баласы.
- Кёрмегеннге кебек – танг, битмегеннге сакъал – танг.
- Ачылгъан эт джабылыр, кёрген кёз унутмаз.
- Абынмазлыкъ аякъ джокъ, джангылмазлыкъ джаякъ джокъ.
- Бети къызарыучу адамны, джюреги харам болмаз.
- Ёгюзню мюйюзюнден тутадыла, адамны сёзюнден тутадыла.
- Эки къатын алгъанны къулагъы тынгнгаймаз.
- Окъугъан озар, окъумагъан тозар.
- Юй кюйдю да, кюйюз чыкъды, ортасындан тюйюш чыкъды.
- Хаухну атма, ёнгкючню сатма.
- Суу ичген шауданынга тюкюрме.
- Айтханы чапыракъдан ётмеген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Гугук кесини атын айтыб къычыргъанча, мен, мен деб нек тураса?
- Аманны эки битли тону болур, бирин сеннге кийдирир, бирин кеси киер.
- Къарнынг тойгъунчу аша да, белинг талгъынчы ишле.
- Сёз къанатсыз учар.
- Тойгъа алгъа да барма, тойда артха да къалма.
- Тойгъан джерге джети къайт.
- Джырчы джырчыгъа – къарнаш.
- Джырчы ёлсе, джыры къалыр.
- Къонакъ хазыр болгъанлыкъгъа, къонакъбай хазыр тюлдю.
- Баш – акъыл ючюн, акъылман – халкъ ючюн.
- Джан саулукъ бермей, сан саулукъ бермезсе.
- Болджал ишни бёрю ашар.
- Джаным-тиним – окъуу, билим.
- Аман хансны – урлугъу кёб.
- Сагъыш – къартлыкъгъа сюйюмчю.
- Мени джылытмагъан кюн, меннге тиймесин!
- Агъач халкъгъа алтынды, иссиликге салкъынды.
- Ёксюзню къалачы уллу кёрюнюр.
- Ёгюзню мюйюзлери ауурлукъ этмейдиле.
- Сибиртки да сыйлы болду, кюрек да кюнлю болду.
- Татлы тилде – сёз ариу, чемер къолда – иш ариу.
- Къаллай салам берсенг, аллай джууаб алырса.
- Къартны сыйын кёрмеген, къартлыгъында сыйлы болмаз.
- Тилчиден кери бол.
- Джырына кёре эжиую.
- Кёпюр салгъан кеси ётер, уру къазгъан кеси кетер.
- Эли джокъну – кёлю джокъ.
- Джукъу тёшек сайламайды.
- Атынг аманнга чыкъгъандан эсе, джанынг тамагъынгдан чыкъсын.
- Эм уллу байлыкъ – джан саулукъ.
- Аджашханны ызындагъы кёреди, джангылгъанны джанындагъы биледи.
- Бети – къучакълар, джюреги – бычакълар.
- Тюкюрюк баш джармаз, налат кёз чыгъармаз!
- Эри аманны, къатыны – аман.
- Азыгъы аз, алгъа къабар, аты аман, алгъа чабар.
- Ашхылыкъ джерде джатмайды, аманлыкъ суугъа батмайды.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)