- Сабий болмагъан джерде, мёлек болмаз.
- Накъырда – кертини келечиси.
- Этни да ашады, бетни да ашады.
- Аманны тукъумуна къарама, игини тукъумун сорма.
- Къолунгдан къуймакъ ашатсанг да, атаны борчундан къутулмазса.
- Аман киши кеси юйюнде – къонакъ.
- Тюкюрюк баш джармаз, налат кёз чыгъармаз!
- Окъугъанны бети джарыкъ.
- Татлы тилде – сёз ариу, чемер къолда – иш ариу.
- Иши джокъну, сыйы джокъ.
- Чомартха хар кюн да байрамды.
- Хатерли къул болур.
- Элиб деген, элге болушур.
- Хата – гитчеден.
- Айырылгъанланы айю ашар, бёлюннгенлени бёрю ашар.
- Кюн кёрмеген, кюн кёрсе, кюндюз чыракъ джандырыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арыгъан къош чамчы болур.
- Эшекге миннген – биринчи айыб, андан джыгъылгъан – экинчи айыб.
- Баш – акъыл ючюн, акъылман – халкъ ючюн.
- Эки ойлашыб, бир сёлешген.
- Ётюрюкню башын керти кесер.
- Душманны тышы – акъ, ичи – къара.
- Уллу сёзде уят джокъ.
- Аякъларынгы джууургъанынга кёре узат.
- Тёрени джагъы джокъ.
- Джангызны оту джарыкъ джанмаз!
- Джыгъылгъанны сырты джерден тоймаз.
- Хаухну атма, ёнгкючню сатма.
- Иги джашны ышаны – аз сёлешиб, кёб тынгылар.
- Акъыллы эркиши атын махтар, акъылсыз эркиши къатынын махтар.
- Ата джурт – алтын бешик.
- Эл бла кёргенинг эрелей.
- Ёпкелегенни ашы татлы болады.
- Ашда уялгъан – мухар, ишде уялгъан – хомух.
- Азыкъ аз болса, эртде орун сал.
- Къулакъдан эсе, кёзге ышан.
- Насыб бютеу халкъны юлюшюдю.
- Нёгер болсанг, тенг бол, тенг болмасанг, кенг бол.
- Юре билмеген ит, къонакъ келтирир.
- Ашхылыкъ джерде джатмайды, аманлыкъ суугъа батмайды.
- Аууз сакълагъан – джан сакълар.
- Ач бёрюге мекям джокъ.
- Бюгюн дуния кибик, тамбла ахыратды.
- Биреуге аманлыкъны тилеме да, кесинге ашхылыкъны тиле.
- Ата – баланы уясы.
- Эрни эр этерик да, къара джер этерик да, тиширыуду.
- Атадан ёксюз – бир ёксюз, анадан ёксюз – эки ёксюз.
- Джашны джигитлиги сорулур, къызны джигерлиги сорулур.
- Зарда марда джокъ.
Ата джуртуна намазлыкъгъача киреди Сапар.
  |
|
|
|
|
|
Sabr
Сапарны китабын чыгъарыр джанындан болайыкъ    |
|
|
|
|
|
|
|
|
|
|
|
Tinibek
Amin  |
|
|
|
|
Читают тему (гостей: 1)