- Ашда – бёрю, ишде – ёлю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адеби болмагъан къыз – тузсуз хант.
- Мал тутхан – май джалар.
- Арбаз къынгырды да, ийнек сауалмайма.
- Эл тойса, тоймагъан, эл къойса, къоймагъан.
- Келинни – келгинчи, бёркню кийгинчи кёр.
- Ётюрюкню башын керти кесер.
- Айтхан сёзюне табылгъан.
- Харам къарнашдан, халал тенг ашхы.
- Игини сыйлагъан адетди.
- Тил – миллетни джаны.
- Джарлыны тону джаз битер.
- Акъыл неден да кючлюдю.
- Ашыкъгъанны этеги бутуна чырмалыр.
- Къарнынг ауруса, ауузунгу тый
- Аман адам элни бир-бирине джау этер.
- Кёлсюзден сёзсюз тууар.
- Ана къойну – балагъа джандет.
- Татлы сёз – балдан татлы.
- Ашатыргъа иш – ашхы, ишлетирге аш – ашхы.
- Аманны эки битли тону болур, бирин сеннге кийдирир, бирин кеси киер.
- Кютгени беш эчки, сызгъыргъаны уа, джерни джарады.
- Ханы къызы буюгъа-буюгъа киштик болду.
- Акъыллы башны – тили къысха.
- Кёпюр салгъан кеси ётер, уру къазгъан кеси кетер.
- Джангызны оту джарыкъ джанмаз!
- Адамны артындан къара сабан сюрме.
- Мураты болгъанны джюрек тебюую башхады.
- Дууулдаса – бал чибин, къонса – къара чибин.
- Кёбню кёрген – кёб билир.
- Айтханы чапыракъдан ётмеген.
- Къонакъ кёб келюучю юйню, къазаны отдан тюшмез.
- Джаш болсун, къыз болсун, акъылы, саны тюз болсун.
- Ач уят къоймаз.
- Джети тилни билген джети кишиди.
- Телиге от эт десенг, юйюнге от салыр.
- Ачылгъан эт джабылыр, кёрген кёз унутмаз.
- Кюн кёрмеген, кюн кёрсе, кюндюз чыракъ джандырыр.
- Окъугъанны бети джарыкъ.
- Ат басханны джер билед.
- Татлы тилде – сёз ариу, чемер къолда – иш ариу.
- Бетинги сатма, малынгы сат.
- Къайтырыкъ эшигинги, къаты уруб чыкъма.
- Джашны джигитлиги сорулур, къызны джигерлиги сорулур.
- Чыбыкълыкъда бюгюлмеген, къазыкълыкъда бюгюлмей эди.
- Айырылгъанланы айю ашар, бёлюннгенлени бёрю ашар.
- Бал ашаргъа сюе эсенг, чибин ургъаннга тёз.
- Эм уллу байлыкъ – джан саулукъ.
- Кесине гебен этелмеген, биреуге черен эте эди.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 5)