- Джарлы джети элни сёзюн этер.
- Юйлю уругъа ит чабмаз.
- Кёзню ачылгъаны – иги, ауузну джабылгъаны – иги.
- Адамны аманы адамны бети бла ойнар.
- Сакъ юйюне сау барыр.
- Мадар болса, къадар болур.
- Аман киши кеси юйюнде – къонакъ.
- Акъыллы айтыр эди, акъылсыз къоймайды.
- Биреуню тёрюнден, кесинги эшик артынг игиди.
- Иесиз малны бёрю ашар.
- Тюзлюк шохлукъну бегитир.
- Мураты болгъанны джюрек тебюую башхады.
- Байлыкъ болгъан джерде, тынчлыкъ джокъду.
- Кимни – тили, тиши онглу, кимни – къолу, иши онглу.
- Ишни аллы бла къууанма да, арты бла къууан.
- Баш – акъыл ючюн, акъылман – халкъ ючюн.
- Ариу сёз – къылычдан джити.
- Кёлсюзден сёзсюз тууар.
- Чакъырылмай келген къонакъ сыйланмай кетер.
- Аллахдан тилесенг, кёб тиле.
- Кесинге джетмегенни, кёб сёлешме.
- Ана къолу ачытмаз.
- Кёзю сокъурдан – къоркъма, кёлю сокъурдан – къоркъ.
- Билим ат болуб да чабар, къуш болуб да учар.
- Тил джюрекге джол ишлейди.
- Адамны сабийин сюйген джюреги, бычакъча, джитиди.
- Этим кетсе да, сюегим къалыр.
- Шапа кёб болса, аш татымсыз болур.
- Чарсда алчыны эл кёреди.
- Иги джашны ышаны – аз сёлешиб, кёб тынгылар.
- Хоншуну тауугъу къаз кёрюнюр, келини къыз кёрюнюр.
- Тёрдеги кюлсе, эшикдеги ышарыр.
- Эрине къаргъыш этген къатын, эрнин къабар.
- Къызны минг тилер, бир алыр.
- Эр абынмай, эл танымаз.
- Ата Джуртун танымагъан, атасын да танымаз.
- Ишленмеген джаш – джюгенсиз ат, ишленмеген къыз – тузсуз хант.
- Уясында не кёрсе, учханында аны этер.
- Кёбден умут этиб, аздан къуру къалма.
- Тилсиз миллет джокъ болур.
- Ашхы – джыяр, аман – джояр.
- Тойгъандан сора, ашны сёкме.
- Тюз сёз баргъан сууну тыяр.
- Къатыны харакетли болса, эри къымсыз болур.
- Джетген къыз джерли эшекни танымаз.
- Ашыкъгъанны этеги бутуна чырмалыр.
- Ач бёрюге мекям джокъ.
- Иги сёз – джаннга азыкъ, аман сёз башха – къазыкъ.
- Хунаны тюбюн къазсанг, юсюнге ауар.
- Уллу сёлешме да, уллу къаб.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 5)