- Бир онгсуз адам адет чыгъарды, деб эштирик тюлсе.
- Къонакъ хазыр болгъанлыкъгъа, къонакъбай хазыр тюлдю.
- Сакъалы текени да бар, мыйыгъы киштикни да бар.
- Айырылгъанланы айю ашар, бёлюннгенлени бёрю ашар.
- Байны къызы баймакъ болса да, юйде къалмаз!
- Келинин тута билмеген, къул этер, къызын тута билмеген, тул этер.
- Къуру гыбыт бек дыгъырдар.
- Эртде тургъан бла эртде юйленнген сокъуранмаз.
- Ишлегенден, къарагъан уста.
- Байлыкъ тауусулур, билим тауусулмаз.
- Къызын тута билмеген, тул этер, джашын тута билмеген, къул этер.
- Тыш элде солтан болгъандан эсе, кесинги элде олтан болгъан игиди!
- Ичимден чыкъды хата, къайры барайым сата?
- Суу да къайтады чыкъгъан джерине.
- Джюз элде джюз ёгюзюм болгъандан эсе, джюз джууугъум болсун.
- Джырчы ёлсе, джыры къалыр.
- Джангыз торгъай джырламаз.
- Къарт айтханны этмеген, къартаймаз.
- Мал тутхан – май джалар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ата Джуртча джер болмаз, туугъан элча эл болмаз.
- Къонакъ кёб келюучю юйню, къазаны отдан тюшмез.
- Ургъан суудан башынгы сакъла.
- Бек анасы джыламаз.
- Сормай – алма, чакъырылмай – барма.
- Къарнынг ауруса, ауузунгу тый
- Аууз сакълагъан – джан сакълар.
- Ана – юйню кюн джарыгъы.
- Иги джашны ышаны – аз сёлешиб, кёб тынгылар.
- Адам туугъан джеринде, ит тойгъан джеринде.
- Баш болса, бёрк табылыр.
- Иши джокъну, сыйы джокъ.
- Чомартха хар кюн да байрамды.
- Рысхысына кёре, джаш ёсер, къышлыгъына кёре, мал ёсер.
- Къонакъ болсанг, ийнакъ бол.
- Тас болгъан бычакъны сабы – алтын.
- Арпа, будай – ащды, алтын, кюмюш а – ташды.
- Джогъун бар этген, барын бал этген.
- Сабий кёргенин унутмаз.
- Рысхы – насыбха къор.
- Чомарт джарлы болмаз.
- Таякъ этден ётер, тил сюекден ётер.
- Бичгенде ашыкъма, тикгенде ашыкъ.
- Къарын къуру болса, джюрек уру болур.
- Урама да – ёледи, сатама да – келеди.
- Ана къолу ачытмаз.
- Аман адам элни бир-бирине джау этер.
- Кёбню кёрген – кёб билир.
- Терслик кетер, тюзлюк джетер.
- Джарлы тюеге минсе да, ит къабар.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 7)