- Юй ишлеген балта эшикде къалыр.
- Эркишини аманы тиширыуну джылатыр.
- Тёрдеги кюлсе, эшикдеги ышарыр.
- Айтылгъан сёз ызына къайтмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джерни букъусу кёкге къонмаз.
- Кёрмегеннге кебек – танг, битмегеннге сакъал – танг.
- Чабакъгъа акъыл, табагъа тюшсе келеди.
- Эл ауузу – элек, анга ийнаннган – халек.
- Баш – акъыл ючюн, акъылман – халкъ ючюн.
- Эл тойса, тоймагъан, эл къойса, къоймагъан.
- Ауругъан – джашаудан умутчу.
- Къызбайны юйюне дери сюрсенг, батыр болур.
- Эки къатын алгъан – эки ташны ортасына башын салгъан.
- Этни да ашады, бетни да ашады.
- Бети къызарыучу адамны, джюреги харам болмаз.
- Джаханимни кёрмей, джандетге кёл салмазса.
- Сёз къанатсыз учар.
- Мен да «сен», дейме, сен да «кесим», дейсе.
- Ана къойну – балагъа джандет.
- Мухар, кеси тойса да, кёзю тоймаз.
- Чыкълы кюнде чыкъмагъан, чыкъса къуру кирмеген.
- Адамны сабийин сюйген джюреги, бычакъча, джитиди.
- Къралынгы – душмандан, башынгы от бла суудан сакъла.
- Аджал соруб келмез, келсе, къайтыб кетмез.
- Акъыл бла адеб эгизледиле.
- Ётюрюкчюню шагъаты – къатында.
- Бёрю да ач къалмасын, эчки да ашалмасын.
- Ёксюзню къалачы уллу кёрюнюр.
- Тилсиз миллет джокъ болур.
- Элге къуллукъ этмеген, элге ие болмаз.
- Тынгылагъан тынгы бузар.
- Арба аугъандан сора, джол кёргюзтюучю кёб болур.
- Тюз сёз баргъан сууну тыяр.
- Иши джокъну, сыйы джокъ.
- Биреу къой излей, биреу той излей.
- Этим кетсе да, сюегим къалыр.
- Ач къарным, тынч къулагъым.
- Къайгъыны сюйген, къайгъы табар.
- Ёлюр джаннга, ёкюл джокъ.
- Джыланны къуйругъундан басарынг келсе, аны башы болгъанын унутма.
- Тилчи бир сагъатха айлыкъ хата этер.
- Азыкъ аз болса, эртде орун сал.
- Къонакъ кёб келюучю юйню, къазаны отдан тюшмез.
- Аш кетер да бет къалыр.
- Аман адам этегингден тутса, кес да къач.
- Алтыда кюлмеген, алтмышда кюлмез.
- Бир абыннган – минг сюрюнюр.
- Нёгер болсанг, тенг бол, тенг болмасанг, кенг бол.
- Суу ичген шауданынга тюкюрме.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 1)