- Кёб ант этген, кёб ётюрюк айтыр.
- Ауругъанны сау билмез, ач къарынны токъ билмез.
- Къыйынлы джети элге оноу этер.
- Керти сёзге тёре джокъ.
- Эл тойса, тоймагъан, эл къойса, къоймагъан.
- Джырчы ёлсе, джыры къалыр.
- Кирсизни – саны таза, халалны – къаны таза.
- Биреуню тёрюнден, кесинги эшик артынг игиди.
- Ашхы болсанг, атынг чыгъар, аман болсанг, джанынг чыгъар.
- Джахил болса анасы, не билликди баласы?
- Ашлыкъ – бюртюкден, джюн – тюкден.
- Адамгъа аман кюн соруб келмейди.
- Джуртун къоругъан озар.
- Тура эдим джата, къайдан чыкъды хата?
- Сютден ауузу кюйген, суугъа юфгюре эди.
- Джашны джигитлиги сорулур, къызны джигерлиги сорулур.
- Кюлме джашха – келир башха.
- Таякъ этден ётер, тил сюекден ётер.
- Тюзню ётмеги тюзде къалса да, тас болмаз.
- Уллу къашыкъ эрин джыртар.
- Кёкдеги болмаса, джердегин кёрмейди.
- Ана къолу ачытмаз.
- Кёл ашады да, кеси ашады.
- Адамны джюреги нени кёрюрге сюйсе, кёзю да аны кёрюрге ёч болады.
- Джеринден айырылгъан – джети джылар, джуртундан айырылгъан – ёлгюнчю джылар.
- Эркишиге тары кебек танг кёрюнюр.
- Гырджын – тепсини тамадасы.
- Бойнуму джети джерден кессенг да, мен ол ишни этеллик тюлме.
- Элиб деген, элге болушур.
- Баланы адам этген анады.
- Ариу – кёзге, акъыл – джюрекге.
- Джетген къыз джерли эшекни танымаз.
- Болджал ишни бёрю ашар.
- Таш бла ургъанны, аш бла ур.
- Ёнгкюч къууана барыр, джылай келир.
- Къарт болгъан джерде, берекет болур, сабий болгъан джерде, оюн болур.
- Чомарт бергенин айтмаз.
- Ойнаб айтсанг да, эслеб айт.
- Ёзденликни джайгъан – джокълукъ.
- Бозаны арты дауур болур.
- Кесинг сынамагъан затны, адамгъа буюрма.
- Танг атмайма десе да, кюн къоярыкъ тюйюлдю.
- Акъыллы – эл иеси, тели – эл баласы.
- Телиге акъыл салгъандан эсе, ёлгеннге джан салырса.
- Тели турса – той бузар.
- Хоншуну тауугъу къаз кёрюнюр, келини къыз кёрюнюр.
- Айырылмаз джууугъунга, унутмаз сёзню айтма.
- Алгъанда – джууукъ, бергенде – джау.
- Акъыллы эркиши атын махтар, акъылсыз эркиши къатынын махтар.
- Кёпюр салгъан кеси ётер, уру къазгъан кеси кетер.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 6)