- Бир абыннган – минг сюрюнюр.
- Ашха уста, юйюнде болсун
- Эркиши – от, тиширыу – суу.
- Мухар, кеси тойса да, кёзю тоймаз.
- Баргъанынга кёре болур келгенинг.
- Къоркъакъны кёзю экили кёрюр.
- Туз, гырджын аша, тюзлюк бла джаша.
- Джигер – джаннга къыйынлыкъ.
- Хантына кёре тузу, юйюне кёре къызы.
- Адамны бетине къарама, адетине къара.
- Аманны эки битли тону болур, бирин сеннге кийдирир, бирин кеси киер.
- Билим – акъылны чырагъы.
- Ачлыкъ отха секиртир.
- Билмегенинги, билгеннге сор.
- Джукъу тёшек сайламайды.
- Этим кетсе да, сюегим къалыр.
- Сёз сёзню айтдырыр.
- Ач келгенни – тойдур, кеч келгенни – къондур.
- Адамны аманы адамны бети бла ойнар.
- Ашда – бёрю, ишде – ёлю.
- Ётюрюкню башын керти кесер.
- Аманны тукъумуна къарама, игини тукъумун сорма.
- Уллу суу бла уллу ауруудан башынгы сакъла.
- Эски джаугъа ышанма.
- Аурууну келиую тынч, кетиую – къыйын.
- Тиширыусуз юй – отсуз от джагъа.
- Нарт сёз – тилни бети.
- Ойнай билмеген, уруб къачар.
- Уясында не кёрсе, учханында аны этер.
- Миллетни бойну – базыкъ, аны бла кюрешген – джазыкъ.
- Акъыл сабырлыкъ берир.
- Акъылсызны джууукъгъа алма, акъыллыны кенгнге салма.
- Бир онгсуз адам адет чыгъарды, деб эштирик тюлсе.
- Айран тёгюлсе, джугъусу къалыр.
- Дуния аламаты сен эсенг да, игиме деб айтма.
- Айтылгъан буйрукъ, сёгюлмез
- Чоюнну башы ачыкъ болса, итге уят керекди.
- Татлы тилде – сёз ариу, чемер къолда – иш ариу.
- Билими азны – ауузунда кирит.
- Ач бёрюге мекям джокъ.
- Адамны сыфатына къарама, сёзюне къара.
- Къарыусузгъа кюлме, онгсузгъа тийме.
- Гугук кесини атын айтыб къычыргъанча, мен, мен деб нек тураса?
- Ёлген аслан – сау чычхан.
- Аллахдан тилесенг, кёб тиле.
- Аман эсирсе, юйюн ояр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Биреуге кёлтюрген таягъынг, кесинги башынга урур.
- Джогъун бар этген, барын бал этген.
- Шайтан алдады, тюзлюк къаргъады.
Келигиз, тил байлыгъыбызны сакълайыкъ!
|
KoCHaR
Аламат!  Тюзюн айтсам, бир-бир сёзлени иги да окъуялмадым   |
|
|
|
|
|
Акъыллычыкъ
Бир болушсагъыз а, къутлу болсун, джёнесин, была не сёзледиле?  Къутсуз - зловещий, неприветливый, къутлу да приветливый, добрый болур Джёнесин |
|
|
|
|
|
Девушка Гор
Дженесин-деген сезню биринчи кере эшитеме, к моему стыду  |
|
|
|
|
|
Девушка Гор
Мен билгенден ДЖёне = Шанс ДЖёнесин=Шанслы болсун |
|
|
|
|
|
tenebek
ДЖёне = Шанс ДЖёнесин=Шанслы болсун Бек мардасыз сау бол!  |
|
|
|
|
|
всезнайка
Къаллай терен акъылынг барды эгечим! Сау бол! |
|
|
|
|
|
Акъыллычыкъ
всезнайка Къаллай терен акъылынг барды эгечим! Сау бол! Да не сау болу барды. Уялтма алай аитыб Кертда деб-ийнаныб къалыргъа боллукъма  |
|
|
|
|
|
tenebek
всезнайка Къоркъмай сорууларымы берирча болгъанма, форумда быллай адамла бардыла сора! |
|
|
|
|
|
всезнайка
Динни , дохтурлукъну юсюнден.Энди астрономияны, физиканы унутаракъча болгъанма, аланы да яндексде табарбыз Охо. Аман тюлсюз аллай бирни биле эсегиз а. |
|
|
|
|
|
Акъыллычыкъ
Охо. Аман тюлсюз аллай бирни биле эсегиз а. Да къалай этеийм, къартлыгъымда аллай бирчик да билмей |
|
|
|
|
|
Сёлешсенг да,
Ёлюмсюз болургъа джарайса ана тилинге. Джашасанг да, Джашаргъа болушаса джуртунга, халкъынга. Ёлсенг да, Топракъ болуб къошуласа туугъан джеринге. ...Игиди къалай. |
|
|
|
|
|
Бу теманы уа нек къойдугьуз?
|
|
|
|
|
|
sama
ол китабтан бери юлгюле бла дерсле джаза, бизге да юрете барырмедигиз? Аламат сёзле. Келигиз этейик алай |
|
|
|
|
|
|
||||
|
|
|
|||
Читают тему (гостей: 5)