- Ат да турмайды бир териде.
- Ауузу аманнга «иги», деме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ач къарынны, токъ билмез
- Чоюнну башы ачыкъ болса, итге уят керекди.
- Арыгъан къош чамчы болур.
- Башынга джетмегенни сорма.
- Ётюрюкню къуйругъу – бир тутум.
- Иши джокъну, сыйы джокъ.
- Элиб деген, элге болушур.
- Билим ат болуб да чабар, къуш болуб да учар.
- Иги джашны ышаны – аз сёлешиб, кёб тынгылар.
- Кютгени беш эчки, сызгъыргъаны уа, джерни джарады.
- Таула не мийик болсала да, аууш табылыр.
- Кюлме джашха – келир башха.
- Тин – байлыгъынг, терен саулугъунг.
- Сангырау къулакъ эл бузар.
- Ёлген ийнек сютлю болур.
- Кёбге таш атма.
- Айтхан – тынч, этген – къыйын.
- Булут кёкге джарашыу, уят бетге джарашыу.
- Джарашыу сюйген – джалынчакъ.
- Ачны эсинде – аш.
- Хунаны тюбюн къазсанг, юсюнге ауар.
- Аман адам элни бир-бирине джау этер.
- Накъырда – кертини келечиси.
- Къонакъны къачан кетерин сорма, къачан келлигин сор.
- Джауумдан сора, кюн кюйдюрюр, ётюрюкден сора, айыб кюйдюрюр.
- Байны къызы баймакъ болса да, юйде къалмаз!
- Джолда аягъынга сакъ бол, ушакъда тилинге сакъ бол.
- Эр абынмай, эл танымаз.
- Халкъны джырын джырласанг, халкъ санга эжиу этер.
- Окъугъан озар, окъумагъан тозар.
- Ач, тоймам, дейди, тойгъан, ач болмам, дейди.
- Ана кёлю – балада, бала кёлю – талада.
- Кеси юйюмде мен да ханма.
- Тойчу джашха къарама, къойчу джашха къара.
- Мал тутхан – май джалар.
- Акъыллы башны – тили къысха.
- Халкъны юйю – туугъан джери.
- Ауругъаннга – кийик саулукъ, джетген къызгъа – чилле джаулукъ.
- Аш берме да, къаш бер.
- Юйюнгден чыкъдынг – кюнюнгден чыкъдынг.
- Адамны бетине къарама, адетине къара.
- Мураты болгъанны джюрек тебюую башхады.
- Миллетни бойну – базыкъ, аны бла кюрешген – джазыкъ.
- Таякъ этден ётер, тил сюекден ётер.
- Эки къатын алгъан – эки ташны ортасына башын салгъан.
- Орну джокъну – сыйы джокъ.
- Айтханы чапыракъдан ётмеген.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)