- Уллу атлама – абынырса, уллу къабма – къарылырса.
- Джылар джаш, атасыны сакъалы бла ойнар.
- Керилген да, ургъан кибикди.
- Кеси юйюмде мен да ханма.
- Киштикге къанат битсе, чыпчыкъ къалмаз эди.
- Тау башында, тау болмаз, джангыз терек, бау болмаз.
- Ана – юйню кюн джарыгъы.
- Кёзюнде тереги болгъан, чёбю болгъаннга кюле эди.
- Ашарыкъда сайлагъаннга – чий гырджын.
- Ишлегенде эринме, ишде чолакъ кёрюнме.
- Соргъан айыб тюлдю, билмеген айыбды.
- Сууда джау джокъ, кёб сёзде магъана джокъ.
- Керек ташны ауурлугъу джокъ.
- Байлыкъ тауусулур, билим тауусулмаз.
- Ишге юренсин къоллары, халкъ бла болсун джоллары.
- Аман къатын алгъан, арыр, иги къатын алгъан джарыр.
- Кёлсюзден сёзсюз тууар.
- Борчунг бар эсе, хурджунунга ойлаб узал.
- Элни кючю – эмеген.
- Сабыр джетер муратха, сабырсыз къалыр уятха.
- Асхат ашлыкъ сата, юйдегиси ачдан къата.
- Айырылмаз джууугъунга, унутмаз сёзню айтма.
- Ханы къызы буюгъа-буюгъа киштик болду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Байлыкъдан саулукъ ашхыды.
- Уллу сёлешме да, уллу къаб.
- Келинин тута билмеген, къул этер, къызын тута билмеген, тул этер.
- Тёгюлген тюгел джыйылмайды.
- Адебсиз адам – джюгенсиз ат.
- Адам туугъан джеринде, ит тойгъан джеринде.
- Орну джокъну – сыйы джокъ.
- Атадан ёксюз – бир ёксюз, анадан ёксюз – эки ёксюз.
- Хата – гитчеден.
- Ауругъан – джашаудан умутчу.
- Халкъгъа джарагъан, джарлы къалмаз.
- Джыйырма къойну юч джыйырма эбзе кюте эди.
- Биреуге аманлыкъны тилеме да, кесинге ашхылыкъны тиле.
- Гугук кесини атын айтыб къычыргъанча, мен, мен деб нек тураса?
- Къарын къуру болса, джюрек уру болур.
- Чалманны аллы къалай башланса, арты да алай барады.
- Эркишиге тары кебек танг кёрюнюр.
- Рысхы – насыбха къор.
- Этек чакъмакълары баш джаргъан, сёлешген сёзлери таш джаргъан.
- Татлы тилде – сёз ариу, чемер къолда – иш ариу.
- Эл ауузу – элия.
- Джашда акъыл джокъ, къартда къарыу джокъ.
- Сакъ юйюне сау барыр.
- Чёбню кёлтюрсенг, тюбюнден сёз чыгъар.
- Адам къаллай бир ишленмесе, аллай бир кесин уллу кёреди.
- Айтылгъан сёз ызына къайтмаз.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)