- Чалманны аллы къалай башланса, арты да алай барады.
- Экиндини кеч къылсанг, чабыб джетер ашхам.
- Кёб къычыргъандан – къоркъма, тынч олтургъандан – къоркъ.
- Юйлю уругъа ит чабмаз.
- Ишленмеклик адамлыкъды.
- Намысы болмагъанны, сыйы болмаз.
- Къуру гыбыт бек дыгъырдар.
- Эм уллу байлыкъ – джан саулукъ.
- Билмезни кёзю кёрмез, этмезни къулагъы эшитмез.
- Джангыз торгъай джырламаз.
- Сакъалы текени да бар, мыйыгъы киштикни да бар.
- От кюйдюрген, сау болса да, тот кюйдюрген, сау болмаз.
- Кесинг сынамагъан затны, адамгъа буюрма.
- Биреуге кёлтюрген таягъынг, кесинги башынга урур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу сёзде уят джокъ.
- Окъугъанны бети джарыкъ.
- Ауузу бла къуш тута айланады.
- Нарт сёз – тилни бети.
- Джаралыны джастыгъында сау ёлюр.
- Джумушакъ сёз къаты таякъны сындырыр.
- Ата Джуртун танымагъан, атасын да танымаз.
- Ашатыргъа иш – ашхы, ишлетирге аш – ашхы.
- Ётюрюкчюню шагъаты – къатында.
- Иесиз малны бёрю ашар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ашхы – джыяр, аман – джояр.
- Эркишини аманы тиширыуну джылатыр.
- Ышармагъан – кюлмез, кюлмеген – къууанчны билмез.
- Экеулен сёлеше тура эселе, орталарына барыб кирме.
- Иги сеники эсе да, сюйген кесимикин этеме.
- Билимден уллу байлыкъ джокъду.
- Аман хансны – урлугъу кёб.
- Къатыны харакетли болса, эри къымсыз болур.
- Тил джюрекге джол ишлейди.
- Аманнга да, игиге да оноусуз къатышма.
- Этим кетсе да, сюегим къалыр.
- Ариуну – ауруу кёб.
- Джарлыны тону джаз битер.
- Эки ойлашыб, бир сёлешген.
- Айтылгъан буйрукъ, сёгюлмез
- Алтыда кюлмеген, алтмышда кюлмез.
- Келинин тута билмеген, къул этер, къызын тута билмеген, тул этер.
- Тойчу джашха къарама, къойчу джашха къара.
- Къонакъ хазыр болгъанлыкъгъа, къонакъбай хазыр тюлдю.
- Ариу джол аджал келтирмез.
- Эркиши – от, тиширыу – суу.
- Бек анасы джыламаз.
- Тюзлюк шохлукъну бегитир.
- Ашаса, ашамаса да, бёрюню ауузу – къан.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)