- Кёбден умут этиб, аздан къуру къалма.
- Кёзю сокъурдан – къоркъма, кёлю сокъурдан – къоркъ.
- Бал – татлы, балдан да бала – татлы.
- Нарт сёз – тилни бети.
- Ишни аллы бла къууанма да, арты бла къууан.
- Уллу атлама – абынырса, уллу къабма – къарылырса.
- Къонагъынгы артмагъын алма да, алгъышын ал.
- Хазыр ашха – терен къашыкъ.
- Ёлген эшек бёрюден къоркъмайды.
- Рысхысына кёре, джаш ёсер, къышлыгъына кёре, мал ёсер.
- Къолу уллу – асыу, аягъы уллу – джарсыу.
- Иги – алгъыш этер, аман – къаргъыш этер.
- Тойну къарнашы – харс, джырны къарнашы – эжиу.
- Аманны тукъумуна къарама, игини тукъумун сорма.
- Къуллукъчума, деб махтанма, къуллукъ – хаух джамчыды!
- Джашынгы кесинг юретмесенг, джашау юретир.
- Иги сеники эсе да, сюйген кесимикин этеме.
- Артына баргъанны, къатына барма.
- Тай асырагъан, атха минер.
- Эл бла кёргенинг эрелей.
- Бюгюн дуния кибик, тамбла ахыратды.
- Келгинчи, къонакъ уялыр, келгенден сора, къонакъбай уялыр.
- Байны оноуу, джарлыгъа джарамаз.
- Игилик игилик бла сингдирилиучю затды.
- Элде адам къалмаса, ит тахтагъа минер.
- Эте билген, этген этеди, эте билмеген, юретген этеди!
- Бети къызарыучу адамны, джюреги харам болмаз.
- Зар адамны насыбы болмаз.
- Башы джабылгъан челекге, кир тюшмез.
- Тёрдеги кюлсе, эшикдеги ышарыр.
- Акъыллы – эл иеси, тели – эл баласы.
- Ашхылыкъ джерде джатмайды, аманлыкъ суугъа батмайды.
- Къая джолда джортма, ачыкъ сёзден къоркъма.
- Байны къызы баймакъ болса да, юйде къалмаз!
- Танг атмайма десе да, кюн къоярыкъ тюйюлдю.
- Къыйынлы джети элге оноу этер.
- Сютню башын джалагъан къутулур, тюбюн ичген тутулур.
- Уллу суу бла уллу ауруудан башынгы сакъла.
- Аш кетер да бет къалыр.
- Ат басханны джер билед.
- Ётюрюкден тюбю джокъ, кёлтюрюрге джиби джокъ.
- Ачыкъ джюрекге джол – ачыкъ.
- Чабар ат – джетген къыз.
- Эркишини аманы тиширыуну джылатыр.
- Аурууну келиую тынч, кетиую – къыйын.
- Борчунг бар эсе, хурджунунга ойлаб узал.
- Тынгылагъан тынгы бузар.
- Аш хазыр болса, иш харам болур.
- Арбаз сайлама да, хоншу сайла.
- Ауругъаннга – кийик саулукъ, джетген къызгъа – чилле джаулукъ.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)