- От этилмеген джерден тютюн чыкъмайды.
- Баланы адам этген анады.
- Тойгъанлыкъ къойгъа джарашады.
- Ачыу алгъа келсе, акъыл артха къалады.
- Ач – эснер, ат – кишнер.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёлмесенг да, къарт дамы болмазса?
- Сёз къанатсыз учар.
- Джарлы тюеге минсе да, ит къабар.
- Сакъ юйюне сау барыр.
- Ариу сёз – джаннга азыкъ, аман сёз – башха къазыкъ.
- Босагъа таш юйге кирмей эди, тыбыр таш эшикге чыкъмай эди.
- Кёпюр салгъан кеси ётер, уру къазгъан кеси кетер.
- Къууут – джелге, берне – бошха.
- Сормай – алма, чакъырылмай – барма.
- Ишленмеген джаш – джюгенсиз ат, ишленмеген къыз – тузсуз хант.
- Дуния мал дунияда къалады.
- Сыфатында болмагъаны, суратында болмаз.
- Эртде тургъан бла эртде юйленнген сокъуранмаз.
- Минг тенг да азды, бир джау да кёбдю.
- Гугурук къычырмаса да, тангны атары къалмаз.
- Айырылмаз джууугъунга, унутмаз сёзню айтма.
- Бозаны арты дауур болур.
- Чыбыкълыкъда бюгюлмеген, къазыкълыкъда бюгюлмей эди.
- Бети – къучакълар, джюреги – бычакълар.
- Окъдан джара эртде-кеч болса да бителир, сёз джара, ёмюрге къалыр.
- Эл элде бирер малынг болгъандан эсе, бирер тенгинг болсун.
- Адамны джюреги нени кёрюрге сюйсе, кёзю да аны кёрюрге ёч болады.
- Ичимден чыкъды хата, къайры барайым сата?
- Суу да къайтады чыкъгъан джерине.
- Джети тилни билген джети кишиди.
- Акъдан къара болмаз.
- Телини эшигин, махтау джабар.
- Ёзденликни джайгъан – джокълукъ.
- Къарнынг бла ёч алма.
- Къайтырыкъ эшигинги, къаты уруб чыкъма.
- Аманны тукъумуна къарама, игини тукъумун сорма.
- Сютню башын джалагъан къутулур, тюбюн ичген тутулур.
- Таула не мийик болсала да, аууш табылыр.
- Тойчу джашха къарама, къойчу джашха къара.
- Ауругъаннга – кийик саулукъ, джетген къызгъа – чилле джаулукъ.
- Билгенни къолу къарны джандырыр.
- Чакъырылгъанны аты, чакъырылмагъанны багъасы болур.
- Ургъан суудан башынгы сакъла.
- Керилген да, ургъан кибикди.
- Хар ишни да аллы къыйынды.
- Ариуну – ауруу кёб.
- Арба аугъандан сора, джол кёргюзтюучю кёб болур.
- Къайгъы тюбю – тенгиз.
- Терслик кетер, тюзлюк джетер.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)