- Эм уллу байлыкъ – джан саулукъ.
- Джашда акъыл джокъ, къартда къарыу джокъ.
- Шекер бла туз – бир болмаз, ушамагъан – юй болмаз.
- Ариу сёз – къылычдан джити.
- Кесине гебен этелмеген, биреуге черен эте эди.
- Босагъа таш юйге кирмей эди, тыбыр таш эшикге чыкъмай эди.
- Къарыусузгъа кюлме, онгсузгъа тийме.
- Чомартны къолу берекет.
- Таукел тауну аудурур.
- Ёпкелегенни ашы татлы болады.
- Биреуге аманлыкъ этиб, кесинге игилик табмазса.
- Бети къызарыучу адамны, джюреги харам болмаз.
- Тели турса – той бузар.
- Тили узунну, намысы – къысха.
- Керти сёзге тёре джокъ.
- Тенгинг джокъ эсе – изле, бар эсе – сакъла!
- Къар – келтирди, суу – элтди.
- Аш кетер да бет къалыр.
- Мен да «сен», дейме, сен да «кесим», дейсе.
- Байма, деб да, къууанма, джарлыма, деб да, джылама.
- Къатын байлыкъны сюер, эр саулукъну сюер.
- Аллахдан тилесенг, кёб тиле.
- Чалманны аллы къалай башланса, арты да алай барады.
- Тёрдеги кюлсе, эшикдеги ышарыр.
- Къайтырыкъ эшигинги, къаты уруб чыкъма.
- Аманнга алтын чыдамаз.
- Иши джокъну, сыйы джокъ.
- Джылкъыдан – ат чыгъар, тукъумдан – джаш чыгъар.
- Алгъанда – джууукъ, бергенде – джау.
- Ойнай-ойнай кёз чыгъар.
- Ач отунчуну ачыуу – бурнунда.
- Олтуруб кёрюнмей эди да, ёрге туруб кёрюне эди.
- Азыкълы ат арымаз, къатыны аман джарымаз.
- Сагъыш – къартлыкъгъа сюйюмчю.
- Аманны къуугъан, аманлыкъ табар.
- Чомартха Тейри да борчлуду.
- Кёпюр салгъан кеси ётер, уру къазгъан кеси кетер.
- Чыбыкълыкъда бюгюлмеген, къазыкълыкъда бюгюлмей эди.
- Намысы болмагъанны, сыйы болмаз.
- Джуртун къоругъан озар.
- Айырылмаз джууугъунга, унутмаз сёзню айтма.
- Акъыллы башны – тили къысха.
- Юйлю уругъа ит чабмаз.
- Аллахха ийнаннган кишини, Аллах онгдурур ишин.
- Ауругъаннга – кийик саулукъ, джетген къызгъа – чилле джаулукъ.
- Кёрмегеннге кебек – танг, битмегеннге сакъал – танг.
- Башсыз урчукъ тюзюне айланмаз.
- Джырына кёре эжиую.
- Рысхы – насыбха къор.
- Тойну къарнашы – харс, джырны къарнашы – эжиу.
Келигиз тауча жырла жырлайыкъ!
|
:smt006 :smt006 :smt006 :smt006
|
|
|
|
|
|
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
|
Читают тему (гостей: 1)